Jeremi 51:53 - Gourmanchéma Bible

⁵³ Baa Babilona yaa kpedi hali ki siigi ti tawadi, Baa bi yaa tieni maama ke bi kan fidi ki kua bi dopaali nni, N baa soani yaaba n bolindi n baa o. Li Miali Diedo n yedi yeni.

U TIENU MAAMA TILI 2013

⁵³ Ba Babilonni yaa kpedi hali ki siigi ti tawadi, ba bi yaa tieni maama ke bi kan fidi ki kua bi dopaali nni, n baa soani yaaba n bolindi n baa o. Mini o Diedo n yedi yeni.

Jeremi 51:53 ပူးပေါင်းရင်းမြစ်များ

Mi cilima 11:4

Bi go den yedi: «Cua mani tin cili ki maa u dogu leni ku doanciangu yaagu n baa kpedi ki pundi tanpoli. Lani n tie ti yeli n ña hali boncianla. Ti kan go yadi yadi ki tinga nni mo.»

Jobi 20:6

Baa o yaa kpedi ki pundi hali tanpoli Ke o yuli mo ban sii ti tawadi,

Esayi 13:17

Diidi mani n fiini Medesa yaaba pala bipo, Yaaba yaa baga n ki ye leni wula, Ki buali ŋanjilifa.

Esayi 41:25

N yini nijienu po ja ke o ñani lipo ki cua. O ñani puoli ki taa n yeli Ki jaandi ki mia nni. O ŋma bi paadanba nani ti tansoangidi yeni Nani o maado n ŋmaadi ku yoagu maama yeni.

Esayi 47:5

Yinba Kalide yaaba bisiaba, Gedi mani li *biigili nni ki wuoni Ki kali mani suo, Kelima bi kan go yaa yi yi “Mi diema badisiaba.”

Esayi 47:7

Yi den tua: «Tinba n li baa tie bi badisiaba yaa yogunu kuli.» Yii den tia ki kuani laa bonla yi pala nni. Yii den tiadi ke li baa baa u bianu.

Jeremi 49:16

Ŋan jigini a yuli maama leni a kafaama boandi a. Fini yua n ye ti tanlondi nni leni mu joabimu tanpoli, Diidi, a yaa tieni a tiali ke li kpedi nani jiebani yeni, N baa tudi ki jiini a tiipo.» Li Miali Diedo n yedi yeni.

Jeremi 50:21

Fii ki sedi Melatayima diema leni Pokodi yaaba po! Bolini o puoliŋuani kuli, Li Miali Diedo n yedi yeni. Tieni min yedi a yaala kuli.

Jeremi 50:25

Li Miali Diedo fii leni o jatiadi O taa o pabienli jatiadi Kelima li tie tuonle Li Miali Diedo U Paaciamu Kuli Daano. po Kalide yaaba diema nni.

Jeremi 50:45

Diidi mani Li Miali Diedo n ñani Yaa ñoabonli Babilona yaaba po Leni wan jagi ke o baa tieni Kalide yaaba yaala. Bi baa yaa dia ba nani ti yanbidi yeni. Bi baa biidi bipo boncianla.

Jeremi 51:11

Li Miali Diedo pia yanjagili. Lani n tie ke o bua ki bolini Babilona. O fiini Medi yaa badiba yo n soani li tuonli. Li tie wan baa pa i panpaani yaa yogunu, Wan baa tu li panli o diegu po yaa yogunu. Luani mani yi piemi bonŋanla. Gbieni mani yi luona!

Jeremi 51:25

Diidi n fii ki sedi apo, fini mi bolinma juali! Li Miali Diedo n yedi yeni. Fini yua n den bolini ki tinga kuli, N baa fii ki yie apo Ki bilini bilini a a joatana yuli po, Ki teni ŋan tua yaa juali n co mi fantama.

Jeremi 51:48

Lanwani i pamandanyani baa fii Ki loli tanpoli leni ki tinga nni Kelima Babilona tingbali po. Yaaba n kpendi ki baa baa ba, baa ña nijienu po. Li Miali Diedo n yedi yeni.

Jeremi 51:56

Yeni yua n baa bolini sedi Babilona po. Bi cuo o jakoando. Bi dabana kua. Kelima Li Miali Diedo tie yaa Tienu n bani ki pa i panpaani. O pa yua kuli o panpaani nani lan pundi maama.

Jeremi 51:58

Li Miali Diedo U Paaciamu Kuli Daano n go yedi mine: «Babilona bilinciami baa ŋmadi ki baa cain. Mi fantama baa juu o buliñoana ya n kpedi boncianla yeni. Bi niba baa sua ke bi soani fanma po yo. I nibuoli baa sua ke bi coagi bi yula mi fantama po.»

Danieli 4:30

Lanyogunu liga li bonla yeni den tieni Nebukanesa. Bi den deli ki ñani o bi nisaaliba siiga. O den ŋmani ti muadi nani i ne yeni. Ku mangu den soangidi o gbanandi. O yudi den yabidi nani jiebani kobidi yeni, o niñadi mo den noadi ki foagidi nani ti bonyugiditi taajenñadi yeni.

Amosi 9:2

Bi yaa kua bi tinkpiba yekaanu nni, N nuu baa dadi ki noadi ba likani. Bi yaa doni hali tanpoli, N baa jiini ba likani.

Amosi 9:4

Bi yibalinba yaa cuo ba ki gedini ti yonbidi, N baa teni ban kpa ba lipo leni ki jugisiega. N baa maani n nuni bipo, Ki kan yaa tiendi yaala n ŋani se yaala n bia.»

Habakuki 2:9

Fala n baa yi! Yi fenli nitoaba piama Ki tendi yi diedi yaaba ke bi tua piada. Yi maa a dieŋama yi yibali n kan fidi ki nandi yi naani Ki bua ki kubi yi diedi yaaba fala n da nandi ba.