Jeremi 51:5 - Gourmanchéma Bible

⁵ Kelima Isalele leni Juda Tienu naa bodi, Bi naa luo Li Miali Diedo U Paaciamu Kuli Daano, Baa ke bi diema tudi hali boncianla, Li Miali Diedo Isalele Tienu Yua n Gagidi ki ŋani po.

U TIENU MAAMA TILI 2013

⁵ Kelima bi diema tudi hali boncianla O Diedo Isidayeli Tienu Yua n gagidi ki ŋani po. Isidayeli leni Juda Tienu naa bodi, Bi naa luo Li Miali Diedo U Paaciamu Kuli Daano.

Jeremi 51:5 ပူးပေါင်းရင်းမြစ်များ

1 Bi Badiba 6:13

N baa yaa ye Isalele yaaba siiga, n kan ŋa ba, bani n nibuolu yeni.»

2 Bi Badiba 21:16

Manase den ku yaa niba n ki pia tagili boncianla ki gbieni Jelusalema kuli soama. Laa kukpama ki den taa leni wan den kuani Juda yaaba yaa tuonbiadi nni ki teni ke bi tieni yaala n bia Li Miali Diedo po.

Esidirasi 9:9

Ti den ye ti yonbidi nni ama ŋaa ŋa ti lienni ti bebe. A teni ke Pelisa diema badiba gbadi tipo mi niñima ki cedi ke ti ye ki fo ki goa ki maa fini ti Tienu diegu yaagu n den mudi, ki teni ke ti baa kuakaanmoanu Juda diema nni leni Jelusalema nni.

Pisomi 94:14

Kelima Li Miali Diedo kan ŋa o niba O kan ŋa yaaba n tie o yaa yaaba.

Esayi 44:21

Yinba Jakobo puoliŋuani Isalele yaaba Tiadi mani yaa bonla n tie na po, Kelima yi tie n naacenbe. Mini n tagi yi ke yin tua npo naacenba. Yinba Isalele yaaba, n kan sundi yipo.

Esayi 51:15

N tie Li Miali Diedo yi Tienu Yua n lengidi mi ñincianma, Ki teni ke mi ñingola fu. O yeli n tie: «Li Miali Diedo U Paaciamu Kuli Daano.»

Esayi 62:12

Bi baa yini ba: “Yaa niba n gagidi ki ŋani, Li Miali Diedo n da ki faabi yaaba.” Ki yini a mo: “Ban lingi yua, Ban ki ŋa yaa dogu.”

Jeremi 14:19

Naani a luni ki diani Juda cain yo? Naani a pali kuli fa Siyono po bii? Be yaa po yo ke a pua ti Ke gaapo naa ye tipo? Ti bi daani mi yanduanma, Ama bonŋanliba kuli ki ye. Ti den daani laafia, Ti jawaandi bebe n cua ki taani ti!

Jeremi 14:9

Be n teni ke a tie nani yaa ja yaa pali n biidi yeni Nani yaa jakoando n kan fidi ki faabi oba kuli yeni? Baa leni lankuli, Li Miali Diedo, a ye ti siiga, Ti taagi a yeli. Ŋan da lu ki diani ti.»

Jeremi 16:18

N baa pa ba bi *tuonbiadi panpaani figilima lie Bi tagili leni bi tuonbiadi po. Kelima bi *joagini n diema leni bi tuongunda, Leni bi cancaginbuli yi n kpe yeni.»

Jeremi 19:4

Kelima bi ŋa nni ki teni ke u kaanu ne ki go pia bandima. Bi padi likani i *buli po a *dugibila, bi baanba leni Juda badiba leni bani biba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 23:15

Lani n teni ke Li Miali Diedo maadi bi sawalipuaba po ki yedi: «Diidi n baa ñuni ba li mutuoli Ki teni ban ño yaa ñima n pia ti loabidi, Kelima Jelusalema yaa sawalipuaba n teni ke mi diema niba kuli biidi.»

Jeremi 31:37

Li Miali Diedo maadi yaa maama n tie na: Li yaa tie ke tanpoli tawadi pia mi biigima, Li yaa tie ke ki tinga tanpuuli pia mi bandi gbenma, Lanwani n baa ña Isalele puoliŋuanu maama nni cain, Kelima ban tieni yaala yaa po. Mini Li Miali Diedo n yedi yeni.»

Jeremi 46:28

Fini Jakobo, n naacemo Da jie liba, Li Miali Diedo n yedi yeni. Kelima n ye leni a N baa bolini i nibuoli kuli Min den yadi yi yaaba yaa siiga yeni. Ama fini wani, n kan bolini a N baa mabini a nani lan pundi maama bebe N kan ŋa ŋa nani yua n ki pia tagili yeni.»

Jeremi 50:20

Laa dana nni, Li Miali Diedo yedi: «Bi baa lingi Isalele tagili, Ama bi kan go le i. Juda tuonbiadi mo, bi kan le ti, Kelima min sieni yaaba, n baa tieni bipo sugili.

Jeremi 51:19

Yua n tie Jakobo biinu naa tie nani bi buli yeni, Kelima wani n die likuli. Yua n tagi li ŋandunli yeni n go die Isalele. Li Miali Diedo U Paaciamu Kuli Daano n tie o yeli.

Esekieli 8:17

U Tienu den yedi nni: «O ja na, a ko nua ban tiendi yaala? Naani li daa dagidi Juda yaaba po leni ban tiendi yaa cagindi kuli u naakaanu? Li pundi ban go yaa baa pugidi bi paabiadu mi diema nni, ki yaa biendi n pali? Diidi bi nagidi li tibenli bi miani kani.

Esekieli 9:9

O den goa ki yedi nni: «Isalele yaaba leni Juda yaaba n tieni yaa *tuonbiadi yaba hali hali boncianla. Mi diema gbie leni mi kukpama ke u dogu mo gbie leni mi yaadima kelima bi tua: ‹Li Miali Diedo ŋa mi diema. Li Miali Diedo kan fidi ki le liba kuli.›

Ose Tili 2:1

Ama Isalele yaaba baa yabidi nani mi ñincianma balinma tanbiima, ban kan fidi ki biigi yaama ki buali ki coadi ma. Ban den tua yaa nibuolu: «Yii go tie n niba,» Bi baa yedi ba: «Yi tie U Tienu yua n fo yaa bijaba.»

Ose Tili 2:3

Lanwani, yini mani yi naataanjaba “N niba” yini yi naataanpola mo “Ban bua yaaba bonŋanla.” U Tienu yedi:

Ose Tili 4:1

Cengi mani U Tienu maama, Isalele yaaba! U Tienu pia ti buudi leni mi diema yaaba, Kelima i moamoani ki ye, Buama ki ye, U Tienu bandima moko ki ye mi diema niinni.

Ose Tili 4:2

Mi diema nni bi niba polini ki go janbidi. Mi kukpama, bu subu leni mi *conconma bebe n ye. Yi mabindi yi lieba, Yi kpaani bi niba ki tuadi tuadi.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Mise 7:20

A baa waani tinba a niba Jakobo puoliŋuani A buama yaama n ki pia lebidima, Ki go waani tinba Abalahama puoliŋuani a*ŋanbili, Nani ŋan den poli ki niani ti yaajanba, Hali yogunu maama.

Sakari 12:6

Laa yogunu, n baa teni Juda yudanba n tua Nani ku moasiangu li fuali nni yeni, Yaaka nani u mukaanu a *ŋalikama baba nni. I kaani kuli, bi baa bolini yaa nilanbuoli n kaa ki lindi ba. Jelusalema yaaba baa yaa li baa ye bi kaanu, Jelusalema yene.

Sakari 12:8

Laa yogunu n baa kubi Jelusalema yaaba, Baa bi siiga yua n tadi ki cie Baa yaa pia u fidu nani Dafidi yeni. Dafidi puoliŋuani baa yaa tie nani U Tienu yeni, Nani Li Miali Diedo maleki yua n ye bi liiga yeni.

Sakari 2:12

Li Miali Diedo, U Paaciamu Kuli Daano, yua n soani nni Maadi yaa nilanbuoli n den fagi yi piama yeni po, Ki yedi ke yua n sii yi kuli Sii wani U Tienu nunbili yo.

1 Samueli 12:22

Kelima Li Miali Diedo yeli n pia yaa kpiagiciandi yaa po, o kan ŋa yi, kelima o den jagi o yama po ke yi baa tua o yaa niba.