Jeremi 51:46 - Gourmanchéma Bible

⁴⁶ Yi jigi n da ti cie ki teni yaa laabaali n sandi mi diema nni yeni n puoni yi ti jawaandi kelima dunli o naa laabaalo n ye, jeli mo laabaalitoa didi. Ki mabinga baa yaa kandi mi diema nni. Paatielo baa fii ki deli paatielo.

U TIENU MAAMA TILI 2013

⁴⁶ Yi jigi n da ti cie, ki teni yaa laabaali n sandi mi diema nni yeni, n puoni yi ti jawaandi, kelima dunla o naa laabaalo n ye, binli po mo laabaalitoa didi. Ki mabinga baa yaa kandi mi diema nni. Paatielo baa fii ki deli paatielo.

Jeremi 51:46 ပူးပေါင်းရင်းမြစ်များ

2 Bi Badiba 19:7

Diidi, n baa teni wan ga laabaali ki kuani o yama nni wan lebidi ki kuni. Lanwani n baa teni ban kpa o leni ki jugisiega o diema nni.› »

2 Bi Badiba Jama 20:23

Moabi yaaba leni Amoni yaaba den cili ki taani ki baa Edomi yaaba ki ku ki bolini bikuli. Ban den ku Edomi yaaba ki gbeni, bi den goa cuo biyaba bi ŋmiali nni ki bolini biyaba.

Jobi 23:16

U Tienu bolini n papaali kuli cain U Paaciamu Kuli Daano teni ke n jie ki luodi. Yaala n teni ke n ŋmini laa tie li *biigili, Bi yaa boanboanbiigili n lindi nni, ama U Tienu.

Mi Kpanjama 24:10

A yaa yoaligi a gbanu li paboanli daali, Baa a jama moko ki pia mayuli.

Esayi 19:2

Li Miali Diedo yedi: «N baa teni Ejipiti yaaba n koani bi ŋmiali nni, Yua kuli n koani leni o kpiilo, Yua kuli leni o danli, U dogu leni uyu, Mi diema leni miyama.

Esayi 43:5

Da jie mani liba N ye leni yi. N baa ñani puoli po yi puoliŋuani ki guani yi, N baa yini nintuali po ki taani yi.

Jeremi 46:27

Fini Jakobo n naacemo, da jie liba Yi jigi n da cie mani yinba Isalele puoliŋuani N kpendi ki baa faabi a fini Jakobo buolu. N baa faabi a puoliŋuani leni ban den yayadi Ki ye ti yonbidi yaa diema n foagi nni. Jakobo puoliŋuani baa guani ki baa mi diema yanduanma. Liba kan go yagi bi yama mo.

Jeremi 46:28

Fini Jakobo, n naacemo Da jie liba, Li Miali Diedo n yedi yeni. Kelima n ye leni a N baa bolini i nibuoli kuli Min den yadi yi yaaba yaa siiga yeni. Ama fini wani, n kan bolini a N baa mabini a nani lan pundi maama bebe N kan ŋa ŋa nani yua n ki pia tagili yeni.»

Luki 21:28

Laa bonla yaa cili ki tiendi, yin sedi mani ki yaadi yi yula kelima yi *faabima nagidi.»

Bi Bujiaba 7:22

Toatieba kobitaa yeni go den piebi kakacinba ke Li Miali Diedo den teni ke Madiana yaaba toatieba pe ki kpaani biyaba. Bi den sani ki pundi Beti-Sita dogu ki goa Tiselela po, leni Abela-Mehola dogu boanjaali ki kuu Tabati.