Jeremi 51:20 - Gourmanchéma Bible

²⁰ Li Miali Diedo yedi: «A den tie npo jatiagu bu toabu po. N teni ke a nugi i nibuoli boncianla, Ki teni ke a bolini yaa diema n ki wa.

U TIENU MAAMA TILI 2013

²⁰ O Diedo yedi: «A den tie n po jatiagu bu toabu po. N teni ke a nugi i nibuoli boncianla, Ki teni ke a bolini yaa diema n ki wa.

Jeremi 51:20 ပူးပေါင်းရင်းမြစ်များ

Esayi 10:15

Naani li yali baa jigini li yuli yua kubi li ki tuuni kani? Naani ku sasaagu baa yaa pia kafaama leni yua tuuni leni ku? Naani u gbiamu n baa mubini ki yoagi yua n yugidi u? Naani li gbadunduli n baa yugidi yua n muubi li?

Esayi 10:5

Li Miali Diedo yedi: «Fala n baa Asili yaaba yaaba n tie n pabienli gbadunduli! Yaa gbiamu n ye bi nuu nni yeni doagidi n pabienli.

Esayi 13:5

Bi ñani yaa diema n foagi ki ye hali ki tinga bianu po. Li Miali Diedo leni o pabienli tuonsoantiadi duoli mi diema kuli.

Esayi 37:26

Naani ŋaa gbadi ke n tieni laa bonla hali yaa yogu? Ke hali u yogu nni mini n tagi laa bonla. Moala n baa cuani laa bonla Ki teni yaa dogi n pia u paalu n kpandi ki tua diegbendi.

Esayi 45:1

Li Miali Diedo maadi wan gandi Silusa yua yeni po, Wan cuo yua yaa nijienu Ki baa guli i nibuoli o nintuali Ki baa cebidi bi badiba gbanñagiditi Ki baa luodi opo ti buliñoaluodiliediti Ke tin da go luoni, yedi yaa maama n tie na:

Esayi 8:9

I nibuoli, kuudi mani boncianla Yi baa jie ki luodi Yi kuli n cengi bonŋanla mani Yinba yaaba n ye hali foagima, Bogini mani bu toabu po. Yi baa jie ki luodi.

Jeremi 25:11

U naa dogu kuli baa tua diegbena, nilo n ki ye naani. Babilona bado baa diedi laa nibuoli kuli bina piilele.

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 50:23

Li ga lede ke Babilona yua n bi tie Li ŋandunli kuli tuatuaga mudi ki cabidi cabidi? Babilona pua nafanu cain i nibuoli kuli siiga!

Esekieli 21:11

Lanwani fini nisaalo biga, buudi Ki poali ki buani kelima li paboanli po, Ki buudi bikuli nintuali.

Esekieli 21:31

O Diedo, Li Miali Diedo maadi ki yedi mine: ‹Ban ñani wan yili yaa cabili yeni, ban ñani o badifogiliga. Li bonla kuli lebidi! Bi yumiindanba baa diedi yaa kaani n pa, bi paatieba mo n jiidi.

Mise 4:12

Ama i nilanbuoli yeni niba naa bani mini Li Miali Diedo yantiana. Baa bani min jagi ke n baa tieni yaala. Li boani ba ke mini n taani ba Nani ban yen taani a dibaba u jalu nni maama Ki baa pua yeni.

Mise 4:13

Siyono yaaba, fii mani ki ŋma yi yibalinba Nani yaa ne n cuoni u jalu nni ki ŋmaadi i di yeni. N baa teni yi yina n tua kuboandi. Yi taawoga mo n tua kumoandi. Yi baa ŋma ki midi yaa nilanbuoli n yaba, Ki gagidi bi piama mini ki tinga kuli Diedo po.

Nahumi 2:1

Yinba Juda yaaba, diidi, yua n kpendinni o laabaaliŋamo Cuoni a juana po ki kpendi. O wangi mi yanduanma yaa maama. Jaani mani yi jaanma. Kuani mani yin den niani U Tienu yaa ñoaniani, Kelima o nibiado kan go poandi yi diema nni. O bodi cain.

Sakari 10:4

Juda yaaba siiga baa ña li tanpuuli tanjigi Leni li gbandieli kpaali, Leni bu toabu dabanli. Bi yudanba buoli buoli baa ña bi siiga ki taani,

Matie 22:7

O bado pali den beni boncianla ke o soani o toatieba ke bi ku laa nikpaba kuli ki sia bi dogu.