Jeremi 51:19 - Gourmanchéma Bible

¹⁹ Yua n tie Jakobo biinu naa tie nani bi buli yeni, Kelima wani n die likuli. Yua n tagi li ŋandunli yeni n go die Isalele. Li Miali Diedo U Paaciamu Kuli Daano n tie o yeli.

U TIENU MAAMA TILI 2013

¹⁹ Yua n tie Jakob biinu, Naa tie nani bi buli yeni, Kelima wani n die likuli. Yua n tagi li ŋandunli yeni n go die Isidayeli. O yi Li Miali Diedo U Paaciamu Kuli Daano.

Jeremi 51:19 ပူးပေါင်းရင်းမြစ်များ

Pisomi 115:3

Ti Tienu ye tanpoli Ki tiendi wan bua yaala kuli.

Pisomi 135:4

Kelima Li Miali Diedo gandi o yuli po Jakobo, Ki teni ke o puoliŋuani Isalele yaaba tua wan die yaaba.

Pisomi 16:5

Li Miali Diedo tie n biinu leni n tadiñokaaga, Min baa faa ki tua yaala kuli ye a nuu nni.

Pisomi 33:12

Li pamanli ye leni Li Miali Diedo n tie yaa nibuolu yaa Tienu. Li pamanli ye leni Li Miali Diedo n gandi yaa niba ki baa yaa die ba.

Pisomi 73:26

N gbanandi leni n pali kuli baa fidi ki tadigi, Ama yogunu kuli U Tienu tie n pali n jigini yua, Wani n tie n biinu.

Pisomi 74:2

Tiadi a niba po, Ŋan den daa ki faabi yaaba hali yogu. Ŋan den daa ki faabi yaaba ke bi tua a yaaba. Tiadi Siyono juali po ŋan den ye naani.

Esayi 47:4

Ti daafaabika yi Li Miali Diedo U Paaciamu Kuli Daano, Isalele Tienu Yua n Gagidi ki ŋani.

Esayi 51:13

Ki sundi Li Miali Diedo yua n den tagi a po, Yua n den dadi ki tandi ti tawadi, ki bili ki tinga tanpuuli, Ki baa yaa ye daali kuli yaa jawaandi n ki pia gbenma nni? Kelima yua n faligidi a pabiencianli po, Nani wan bogini ki baa bolini yaa yogunu yeni. Yua n faligidi pabienli ye le?

Jeremi 10:12

O tagi ki tinga leni o paaciamu. O tagi ki tinga leni o yanfuoma. Leni o yanfuome ke o tandi ti tawadi.

Jeremi 10:16

Ama Isalele Tienu yua n tagi tanpoli leni ki tinga Naa tie nani i buli yeni ka. Wani n die Isalele yaaba. O yeli n tie Li Miali Diedo U Paaciamu Kuli Daano.

Jeremi 33:2

Li Miali Diedo yua n tagi ki tinga ki bili ga kaanyendu, wani yua yaa yeli n tie Li Miali Diedo yedi mine:

Jeremi 50:11

Mangi mani yi pala, mangi mani yi pala Yinba yaaba n pua mi diema nafanu yeni! Yugi ki ci mani nani yaa naasalo yaa gbanu n saagi, Duni mani nani yaa taami n pia u paalu yeni.

Jeremi 50:34

Ama bi todika pia u paaciamu Wani yua n yi Li Miali Diedo U Paaciamu Kuli Daano yeni. O baa koani ki ga ba. Lani n tie u dogu n baa mi yanduanma. Ama n nan baa coagi Babilona yaaba wani.

Jeremi 51:5

Kelima Isalele leni Juda Tienu naa bodi, Bi naa luo Li Miali Diedo U Paaciamu Kuli Daano, Baa ke bi diema tudi hali boncianla, Li Miali Diedo Isalele Tienu Yua n Gagidi ki ŋani po.

Jeremi Bubula 3:24

N yedi: «Li Miali Diedo tie n biinu, Lani n teni ke n baa yaa dugi opo.»

Mi Tiadima 32:9

Kelima Li Miali Diedo biinu n tie o niba Jakobo n tie o yaa biinu.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.