Jeremi 51:15 - Gourmanchéma Bible

¹⁵ O tagi ki tinga leni o paalu, Leni o yanfuoma ke o diani u tinbianu. Leni o banma yo ke o tieni ti tawadi.

U TIENU MAAMA TILI 2013

¹⁵ O Diedo tagi ki tinga leni o paalu, Ki diani u tinbianu leni o yanfuoma, Ki tieni ti tawadi mo leni o banma.

Jeremi 51:15 ပူးပေါင်းရင်းမြစ်များ

Jobi 9:8

Wani o bebe n yen tandi tandi ti tawadi, Ki yaa cuoni mi ñincianma ñingbanu po.

Pisomi 104:2

A laa mi yenma nani li liadicianli yeni, Ki dadi ki tandi ti tawadi nani li gbandieli caba yeni.

Pisomi 104:24

Li Miali Diedo, a tuonli yaba boncianla, A soani li leni yanfocianma. Ki tinga gbie leni fini n tagi yaale.

Pisomi 107:25

O den maadi ke ku tafaaciangu den fii Ki den fiini a ñingola,

Pisomi 136:5

Wani n den tagi tanpoli leni mi yanfuoma! Kelima o ŋanbili ye hali yaa yogunu kuli!

Mi Kpanjama 3:19

Li Miali Diedo tagi ki tinga leni mi yanfuome, o tagi tanpoli mo leni mane.

Esayi 40:22

Wani n tie yua n ye ki tinga gaanilindima tanpoli Ki nua bi niba nani i naaci yeni. O yen ladi ti tawadi nani yaa cabili n faali yeni, Ki dadi ki tandi tanpoli mo nani li gbandieli yeni, Ke lan tua o yekaanu.

Esayi 40:26

Yaadi ki diidi mani tanpoli! Ŋme n tagi laa bonla kuli? Li tie wani yua n yen teni a ŋmabila kuli n taani ki ña nani a toagola yeni. O yen taagi a kuli leni a yela ki yi ŋa, O paaciamu leni o fidiciamu po Baa yenli kan sieni kaa cua.

Esayi 42:5

Li Miali Diedo U Tienu Wani yua n tagi tanpoli, ki tandi tanpoli leni li fanma Ki ladi ki tinga leni yaala n pudi kipo kuli Ki puuni yaaba n ye kipo kuli mi fuoma, Ki go puuni yaala n cuoni kipo kuli li yaa fuoma Maadi yaa maama n tie na:

Esayi 44:24

Li Miali Diedo yua n da ki faabi yi Wani yua n den tagi yi hali ke yi da ye yi naa tugu nni Yedi yaa maama n tie na: «Mini Li Miali Diedo n tieni li bonla kuli, Min bebe n dadi ki tandi ti tawadi Mini nba n tagi ki tinga.

Esayi 45:12

Mini n tieni ki tinga Ki go tagi o nisaalo ke o ye ki niinni. Min de, n nii n dadi ki tandi ti tawadi Ki gobidi tanpoli toagoli kuli.

Esayi 48:13

N nuu n bili ki tinga tanpuuli, N nijienu mo n dadi ki tandi tanpoli. N yaa yini tanpoli leni ki tinga Bikuli yen taani ki cua.

Esayi 51:13

Ki sundi Li Miali Diedo yua n den tagi a po, Yua n den dadi ki tandi ti tawadi, ki bili ki tinga tanpuuli, Ki baa yaa ye daali kuli yaa jawaandi n ki pia gbenma nni? Kelima yua n faligidi a pabiencianli po, Nani wan bogini ki baa bolini yaa yogunu yeni. Yua n faligidi pabienli ye le?

Jeremi 27:5

ke mini n tagi ki tinga, bi niba leni ti yandi yaadi n ye ki tinga nni leni n paaciamu leni n banma. N baa pa ki tinga min bua yua.

Jeremi 32:17

«Fini Li Miali Diedo, a tagi tanpoli leni ki tinga ki doagidi a paaciamu leni a banma. Liba kuli ki pa apo.

Sakari 12:1

Li Miali Diedo n yedi yaala Isalele yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi:

Jesu Tondiba Tuona 14:15

«Be yaa po ke yi tiendi yeni? Ti moko tie nisaaliba nani yinba n tie maama. Ti wangi yi o Laabaaliŋamo ke yin lebidi ki ŋa yaa jaanma n tie fanma fanma na ki ŋoadi U Tienu yua n fo, wani yua n den tagi tanpoli leni ki tinga leni mi ñincianma leni yaala n ye lienni kuli.

Jesu Tondiba Tuona 17:24

U Tienu yua n den tagi tanpoli leni ŋanduna leni yaala n ye lienni kuli, wani yua n die tanpoli po leni ki tinga nni kuli, o yekaanu naa tie bi nisaaliba n maa yaa jaandiena nni ka.

LOMA YAABA 1:20

U Tienu paaciamu yu n ki pia gbenma leni wan tie maama naa tie bi nisaaliba n baa fidi ki le yaala. Ama hali ŋanduna tagima yogunu laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala ki ga bi yula.

LOMA YAABA 11:33

U Tienu ŋalimani yaba, o banma leni o yanfuoma yaba ki ñua ki pendi bi nisaaliba bandima kuli. O yanjaga pendi bi nisaaliba n fidi ki kpaagi yaala. Baa fidi ki bandi yaala yaa po ke o tieni wan tiendi yaala.

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paaciamu, Kelima fini n tagi li bonla kuli, A yanbuama po mo ke likuli tagi, Ki go baa ye.»