Jeremi 50:34 - Gourmanchéma Bible

³⁴ Ama bi todika pia u paaciamu Wani yua n yi Li Miali Diedo U Paaciamu Kuli Daano yeni. O baa koani ki ga ba. Lani n tie u dogu n baa mi yanduanma. Ama n nan baa coagi Babilona yaaba wani.

U TIENU MAAMA TILI 2013

³⁴ Ama bi todika pia u paalu, Wani yua n yi Li Miali Diedo U Paaciamu Kuli Daano yeni. O baa koani ki gaa ba, U dogu n baa mi yanduanma, Ama o nan baa coagi Babilonni yaaba wani.

Jeremi 50:34 ပူးပေါင်းရင်းမြစ်များ

2 Bi Badiba Jama 6:39

fini yua n ye hali tanpoli a yekaanu nni, ŋan ga bipo bi miabu ki tieni bipo nani lan dagidi maama. Ŋan go pa ba sugili leni ban tieni apo yaa tuonbiadi.

Jobi 19:25

Kelima n bani ke n *candanbaalo fo, Ke wani n baa juodi ki fii ki tinga nni.

Pisomi 35:1

Dafidi yanbu. Li Miali Diedo, koani leni yaaba koani leni nni, Ki tuogi leni yaaba n togidi nni leni bu toabu!

Pisomi 43:1

Saa npo i moamoani n Tienu, Koani leni yaa nibuolu n ki tiegi yeni ki gaa nni. Faabi nni i janbi danba leni bi nibiadiba nuu nni!

Mi Ñama 6:6

Li tie lani yaa po ke a baa yedi Isalele yaaba: N tie Li Miali Diedo, n baa faabi yi leni Ejipiti yaaba n tuuni yi yaa tuona. N baa faabi yi bi yonbidi nni. N baa doagidi n paaciamu ki jia ti buudi ki ciadi yi.

Mi Kpanjama 22:23

Kelima Li Miali Diedo baa koani ki ga ba, Yaaba n ñandi bi miana, Li Miali Diedo mo baa ñani bi yaa miana.

Mi Kpanjama 23:11

Kelima yua baa tu bi panli pia u paalu hali boncianla, Wani n baa koani leni a ki ga ba.

Esayi 41:14

Li Miali Diedo yedi: «Da jie liba fini Jakobo buolu yu n tadi nani o sidibilo yeni. Yinba Isalele yaaba, yaaba n tadi nani bi tinkpiba yeni, N kpendi ki baa ga yi, Mini yi daafaabika, Isalele Tienu Yua n Gagidi ki ŋani.

Esayi 43:14

Li Miali Diedo yua n da ki faabi yi Isalele Tienu Yua n Gagidi ki ŋani Yedi mine: «Li tie yi yaa po yo ke n soani o nilo wan tuogi leni Babilona yaaba. Bani Kalide yaaba, yaaba n sani yeni N baa lugidi ki cibi bi pamanli ñinbiaciandi Ki teni bikuli n tingi ki jiidi mi ñincianma nni.

Esayi 44:6

Li Miali Diedo Isalele yaaba bado Wani Li Miali Diedo U Paaciamu Kuli Daano Yua n da ki faabi ba Yedi yaa maama n tie na: «N tie o kpialo leni o juodika Mini yaaka, Tientoa ki ye.

Esayi 47:4

Ti daafaabika yi Li Miali Diedo U Paaciamu Kuli Daano, Isalele Tienu Yua n Gagidi ki ŋani.

Esayi 49:25

Lanwani Li Miali Diedo yedi: «Bi baa fie o jakoando n fagi yaala O tugutondaano n cuo yaala mo baa ŋmadi N baa koani leni yi yibalinba Ki faabi yi bila.

Esayi 51:22

Yi Diedo, Li Miali Diedo yua n ga o niba koanli yedi mine: «Diidi n fie yi nuu nni Ki nunfufuuga tadiñokaaga N pabiencianli n ye yaa tadiñokaaga nni Ke yi kan go ño ki niinni.

Esayi 54:5

Kelima a tagido n tie a calo O yeli yi Li Miali Diedo U Paaciamu Kuli Daano. A daafaabika n tie Isalele Tienu Yua n Gagidi ki ŋani. O yeli n tie: “Ki tinga kuli Tienu.”

Jeremi 10:16

Ama Isalele Tienu yua n tagi tanpoli leni ki tinga Naa tie nani i buli yeni ka. Wani n die Isalele yaaba. O yeli n tie Li Miali Diedo U Paaciamu Kuli Daano.

Jeremi 15:21

N baa faabi a leni bi nibiadiba, N baa faabi a leni ku tugumoangu danba.

Jeremi 30:20

O bijaba baa goa ki tua nani kpiama yeni O niba kuli baa yaa se n nintuali N baa fii ki sedi yaaba n wangi a fala kuli po.

Jeremi 31:11

Kelima Li Miali Diedo baa faabi Isalele yaaba, O baa da ki faabi ba yua n pa ki cie ba nuu nni.

Jeremi 31:35

Li Miali Diedo yedi nanda: «Ŋme n teni ke u yienu ye ki yendi u yensiinu, Ki teni ke o ŋmaalo leni a ŋmabila mo yendi ku ñiagu? Ŋme n yen fiini mi ñincianma ñingola n yaa mua mi jama? O yeli yi Li Miali Diedo U Paaciamu Kuli Daano.

Jeremi 32:18

A tiendi mi ŋanma hali nifiima tudili po. Bi bidanba tagili panpaani, a teni ke li nandi bi bila yaaba n ŋua bi puoli po. A tie U Tienu yua n yaba, yua tie U Paaciamu Kuli Daano.

Jeremi 48:15

Moabi diema pua nafanu Mi dogi muñii fii ki loli Bi caani ki baa n kodi mi nipanba liiga yaaba. Yaa bado n yi Li Miali Diedo U Paaciamu Kuli Daano n yedi yeni.

Jeremi 51:19

Yua n tie Jakobo biinu naa tie nani bi buli yeni, Kelima wani n die likuli. Yua n tagi li ŋandunli yeni n go die Isalele. Li Miali Diedo U Paaciamu Kuli Daano n tie o yeli.

Jeremi 51:36

Lani n teni ke li Miali Diedo maadi nanda: «Diidi n baa koani ki ga ŋa! N baa teni Babilona ñincianma n ñuudi. N baa teni o ñinbunli n ñuudi.

Jeremi Bubula 3:58

Li Miali Diedo, a maadi npo n buudi nni, Ki daa ki faabi n miali.

Joeli 2:11

Li Miali Diedo kpaani o toagoli liiga, O toanagili yaba. Yaa toagola n baa kuani o ñoabona yaba ki kandi Ki pia u paalu mo. Li Miali Diedo daali tie dacianli, Ki go pia i jeje hali boncianla. Ŋme n baa fidi ki cia?

Mise 4:10

Yaa yalini ki duni mani nani yaa pua n ye Leni u maditugukoanu yeni. Kelima moala yi baa ña u dogu na niinni Ki gedi ki ban kpaa yi gbandiena li fuali nni. Yi baa gedi hali Babilona. Lanpo yi baa faabi, N baa ga yi lanpo Mini Li Miali Diedo baa faabi yi yi yibalinba nuu nni.

Mise 7:9

Ti tieni ti *tuonbiadi Li Miali Diedo po, Lanwani ti baa juuni o pabienli tundifala po, Hali wan baa ti ga ti buudi yaa yogunu, Ki faligi yaaba n faligidi ti ki saa tipo moamoani. O baa ñani ti li biigili nni ki gedini ti naankani n yieni, Ki baa ŋanbi tipo.

Mi Doagidima 18:8

Kelima lankuli yaa po yaa falabiadi n tie na baa baa upo dayenli: Mi kuuma, li paboanli leni mi konbiadima. Bi baa buoni u leni mi fantama, kelima U Tienu, yua n jia leni u ti buudi ki cuo u, pia u paalu.