Jeremi 50:31 - Gourmanchéma Bible

³¹ Diidi: n pali beni apo fini o kafaadaano yeni! Li Miali Diedo U Paaciamu Kuli Daano n yedi Ke a daali, a fala daali yeni pundi.

U TIENU MAAMA TILI 2013

³¹ Diidi: n pali beni a po, Fini o kafaadaano yeni! Li Miali Diedo U Paaciamu Kuli Daano n yedi Ke a fala daali yeni pundi.

Jeremi 50:31 ပူးပေါင်းရင်းမြစ်များ

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Jeremi 21:13

Li Miali Diedo yedi: «Moala wani mini leni yinba ti lielie dige, Yinba yaaba n kaa ku tangu po ki tua: ‹Ŋme n baa fidi ki jiidi ki taani ti nekanba? Ŋme n baa fidi ki cua ki baa ti nekanba?›

Jeremi 48:29

Ti gba ke bi maadi Moabi japaadi maama, O kafaama, wan jigini o yuli maama Leni wan faadi o yuli ke li duodi maama.

Jeremi 49:16

Ŋan jigini a yuli maama leni a kafaama boandi a. Fini yua n ye ti tanlondi nni leni mu joabimu tanpoli, Diidi, a yaa tieni a tiali ke li kpedi nani jiebani yeni, N baa tudi ki jiini a tiipo.» Li Miali Diedo n yedi yeni.

Jeremi 50:29

Yini mani a dabantuada n cua ki baa Babilona. Yaaba n bani li dabanli kuli, Gaani ki lindi mani u dogu Niloba kuli n da cia. Pa o mani nani o tuona n tie maama. Guani o mani wan tieni yaala kuli. Kelima o tieni mi kafaama Li Miali Diedo Isalele Tienu Yua n Gagidi ki ŋani po.

Jeremi 50:32

Ti japaadi daano tuudi ki baa. Oba mo ki ye yua n baa fiini o. N baa sia o dogi mi fantama, Man je yaala n gaani ki lindi yi.

Jeremi 51:25

Diidi n fii ki sedi apo, fini mi bolinma juali! Li Miali Diedo n yedi yeni. Fini yua n den bolini ki tinga kuli, N baa fii ki yie apo Ki bilini bilini a a joatana yuli po, Ki teni ŋan tua yaa juali n co mi fantama.

Esekieli 29:3

Ŋan maadi ki yedi ke mini o Diedo, Li Miali Diedo yedi mi ne: Mini n baa jigidi ki baa ŋa, Fini Ejipiti bado Falono, O ñoabiciamo, Fini yua n laabi a kpeni siiga Ki tua: ‹U kpenciamu tie n yu yo, Mini n tieni u n yuli po.›

Esekieli 38:3

Mini o Diedo, Li Miali Diedo yedi mi ne: ‹N fu leni fini Gogi, Leni Losi nibuoli, Meseki nibuoli leni Tubali kuli bado.

Esekieli 39:1

O Diedo den yedi nni: «O ja na, Pua sawali ki fu leni Gogi Ki yedi ke mini o Diedo, Li Miali Diedo yedi mi ne: N baa fii fini Gogi po, Losi buolu, Meseki buolu leni Tubali buolu bado po.

Esekieli 5:8

Li tie lani yaa po ke o Diedo, Li Miali Diedo yedi mine: N baa cua ki fu leni yi ki teni n buudi n cuo yi i nilanbuoli nintuali.

Nahumi 2:13

O yangbanja den co ti yandi o bila leni o pua po, O tuugu den gbie leni wan den co yaa yandi yaa nandi.

Nahumi 3:5

Li Miali Diedo U Paaciamu Kuli Daano yedi mine: «Li tie lani yaa po ke n baa fii ki sedi apo. N baa kaadi a tiayiekaadi, Ki teni i nibuoli kuli n le a mubima. I nibuoli kuli baa le a fe.

Jaki 4:6

U Tienu n tieni tipo yaa *ŋanbili yaba ki cie kelima i Diani yedi: «U Tienu yie bi japaadanba, Ama o puuni bi yumiindanba o ŋanbili.»

1 Pieri 5:5

Yinba bi jawaaba mo, yin yaa miindi mani yi yula bi nikpeliba kani. Yikuli n yaa miindi mani yi yula yiyaba kani, ki yaa laa li yumiinli ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o *ŋanbili.»

Mi Doagidima 18:8

Kelima lankuli yaa po yaa falabiadi n tie na baa baa upo dayenli: Mi kuuma, li paboanli leni mi konbiadima. Bi baa buoni u leni mi fantama, kelima U Tienu, yua n jia leni u ti buudi ki cuo u, pia u paalu.