Jeremi 50:27 - Gourmanchéma Bible

²⁷ Kpa mani o naatona kuli Gedini ba mani u yankodikaanu kani. Fala baa ba kelima bi yogunu pundi Bi buudi fala yogunu pundi.

U TIENU MAAMA TILI 2013

²⁷ Kpa mani o naatona kuli, Gedini ba mani u yankodikaanu kani. Fala baa ba kelima bi yogunu pundi, Bi buudi daali pundi.

Jeremi 50:27 ပူးပေါင်းရင်းမြစ်များ

Jobi 18:20

I jeje baa cuo yaaba n ye puoli leni nintuali, Niganu leni nijienu o bodima po, Lan paki yaa nifiima n kpendi mo leni yaa yebiadima n ŋma o.

Pisomi 22:12

Da foagidi leni nni li paboanli n nagi n kani yaa yogunu, Ke niloba mo ki kpendi ki baa nanli nni.

Pisomi 37:13

Li Miali Diedo laa o ti laadi, Kelima o nua ke o daali kpendi.

Esayi 21:12

O guudo goa ki yedi: «Ku tiŋaagu kpendi, ku ñiagu moko kpendi. Yi yaa bua ki buali, Yin cedi mani guantoama.»

Esayi 34:6

Li Miali Diedo jugisiega gbie leni mi soama Ki go guo leni mi kpama leni a pebila leni a ŋuabuana soama Leni a petona cayaana kpama Kelima li padili ye Botisila dogu nni Li Miali Diedo po Li tuonli baa soani Edomi diema nni.

Esayi 34:7

A moanaatona leni i taami taani leni ba ki baa, Ki tinga baa ño i ne leni a naatona soama ki guo Bi tinga wagima kuli gbie leni bi kpama.

Jeremi 12:3

Fini Li Miali Diedo, a bani nni A nua nni, a bani yaala n ye n pali nni. Nani ban ñani yaa pe ki baan kodi yeni Piadi ki sieni ba mi kodima daali po.

Jeremi 25:34

Bi yankpaaba, mua mani, kuudi mani! Baa mani tiipo ki bilini bilini yinba a yangola yankpaaba! Kelima ban baa kodi yi Ki go yadi yadi yi yaa daali yeni cua. Yi baa ŋmadi ki baa ki mumudi nani a boba yeni.

Jeremi 27:7

I nibuoli kuli baa soani opo, o bijua po, o yaabili po, hali yaa yogunu ke yaa nibuoli n pa leni yaa badiba n pa ki cie omo baa cua ki diedi o diema.

Jeremi 46:21

Baa Ejipiti diema nni ban pa yaa toatieba i ligi bu toabu po Lebidi ki sani. Baa ke bi wubi ba nani a naatonbila yeni, Oba kuli naa sedi ki baa mua jama, Min fii ki sedi bipo ki baa waani ba fala yaa daali.

Jeremi 48:10

Ti solindi n yaa jagi yua n tuuni Li Miali Diedo tuonli leni mi gbefema Ki muni o jugisiega mo mi soama.»

Jeremi 48:15

Moabi diema pua nafanu Mi dogi muñii fii ki loli Bi caani ki baa n kodi mi nipanba liiga yaaba. Yaa bado n yi Li Miali Diedo U Paaciamu Kuli Daano n yedi yeni.

Jeremi 48:44

Ti jawaandi n deli yua baa baa ku buogu nni. Yua n fidi ki ñani ku buogu nni mo Baa baa i taali nni, Kelima n baa teni o falaciamo binli n cua Moabi po. Li Miali Diedo n yedi yeni.

Jeremi 50:11

Mangi mani yi pala, mangi mani yi pala Yinba yaaba n pua mi diema nafanu yeni! Yugi ki ci mani nani yaa naasalo yaa gbanu n saagi, Duni mani nani yaa taami n pia u paalu yeni.

Jeremi 50:31

Diidi: n pali beni apo fini o kafaadaano yeni! Li Miali Diedo U Paaciamu Kuli Daano n yedi Ke a daali, a fala daali yeni pundi.

Jeremi 51:40

N baa pigi ki gedini ba u yankodikaanu po Nani a ŋuabuana leni a petona yeni.»

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Bi mangi bi pala leni ŋan teni ke li tieni. Ŋan den maadi yaa daali yaa maama yeni, A teni ke li cua. Teni bani moko n goa ki tua nani mini yeni!

Mi Doagidima 18:10

Ti jawaandi baa cuo ba kelima u funfunma po, ban piadi ki sedi foagima ki tiani: ‹Fala, fala, fini u dociamu, Fini Babilona, Yaa dogu n den pia u paaciamu. A buudi baa apo yenma Ki yogunjenjenga nni.›

Mi Doagidima 19:17

N go den laa maleki ke o se u yienu nni ki kpaani ki yedi yaa bonyugiditi n yugi tanpoli kuli: «Yin taani ki cua mani U Tienu jecianma po,