Jeremi 50:19 - Gourmanchéma Bible

¹⁹ N baa teni Isalele n lebidi ki guani o yanloli nni. O baa yaa pia u yankpaakaanu Kalimeli leni Basana po. O baa je ki guo Efilayima leni Galaadi juana po.»

U TIENU MAAMA TILI 2013

¹⁹ N baa teni Isidayeli n lebidi Ki guani o yankpaakaanu. N baa yaa kpaa o Karimeli leni Basan po. O baa je ki guo Efrayimi leni Galaadi juana po.»

Jeremi 50:19 ပူးပေါင်းရင်းမြစ်များ

Esidirasi 2:1

Babilona bado Nebukanesa n den cuo yaaba ti yonbidi ki gedini Babilona diema nni siiga boncianla den goa ki kuni Jelusalema leni Juda diema nni. Yua kuli den kuni o denpo.

I Yani 6:5

A kan maadi npo a nuni ki nuali poto Kelima a nuni yeni yagini n yama. A yudi jiidi nani yaa ŋuagoli N tiini ki jii Galaadi juali yeni.

Esayi 33:9

Mi diema ye leni li paboanli ki kuodi Libani diema ye leni i fe ki duni. Salona naani leni u tialu. Basana leni Kalimeli tiidi kuli faadi suodi.

Esayi 35:2

U baa puudi bonŋanla, u pali n mangi, Wun yiini i jakoandiyani leni i pamandanyani. Bi baa pa u Libani kpiagidi, Leni Kalimeli leni Salona jigidi. Bi baa le Li Miali Diedo kpiagidi Leni ti Tienu jigidi.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:7

Be yaa fala mo nne! Kelima li naa daali tie dacianli. Daaliba kuli ki naani leni li. Li tie Jakobo puoliŋuani po paboanli daale. Ama bi baa baa gaapo.»

Jeremi 31:14

N baa guoni bi kopadicianba leni mi yankpama. N niba baa baa n piama lan dagidi ba. Li Miali Diedo n yedi yeni.»

Jeremi 31:25

N baa paagi yaaba n coagi pala, ki pugini yaaba n tadigi mo u fidu.

Jeremi 31:6

Li daali didi go kpendi ke yaaba n guu u dogu baa yedi: ‹Fii mani tin gedi Siyono Li Miali Diedo ti Tienu po.› »

Jeremi 32:37

Diidi n baa taani ba min den yayadi ba yaa dogi nni kuli N pabienli, n mutuoli, n pabiidili Leni n pali n den boandi bipo yaa yogunu. N baa guani ba nekanba ki teni ban yaa ye leni mi yanduanma.

Jeremi 46:27

Fini Jakobo n naacemo, da jie liba Yi jigi n da cie mani yinba Isalele puoliŋuani N kpendi ki baa faabi a fini Jakobo buolu. N baa faabi a puoliŋuani leni ban den yayadi Ki ye ti yonbidi yaa diema n foagi nni. Jakobo puoliŋuani baa guani ki baa mi diema yanduanma. Liba kan go yagi bi yama mo.

Jeremi 50:6

N niba den tie yaa yankulu n yaadi. Bi yankpaaba n yen biandi ba Ki pegidi ba a juana po ki caani ba potogu. Bi yen ña li naa juali ki ban puodi juali Ki sundi bi duankaanu po.

Esekieli 11:17

Lani yaa po ŋan go yedi ba daa, Ke o Diedo, Li Miali Diedo yedi yaala n tie ne: N baa taani taani yi, yin den ye yaa nilanbuoli siiga. N baa yini yi, yin den yadi yadi ki ye yaa dielanma nni, Ki ñani yi lipo, ki go pa yi Isalele diema.

Esekieli 36:24

N baa ñani yi dielanma nni i nilanbuoli siiga, ki cuani yi ki taani yi, yi yaa diema nni.

Esekieli 36:33

Mini o Diedo, Li Miali Diedo yedi mine: ‹Min baa ŋuudi ki ñani yi tagili yaa daali, n baa goa ki gbieni yi dogi leni bi niba, ban go goa ki maa a diegbenbuona nni.

Esekieli 38:8

Yaa yoguni n baa ŋoadi dana nni yaa po A baa goa ki ga a tuonli, Mi juodima yogunu ŋan fii ki baa mi diema. Mi niba yaaba n faabi leni ki jugisiega Ki den yadi yadi ki ye yaa nilanbuoli n yaba boncianla siiga Baa taani Isalele diema juana po, Yaa n ki den pia niba yeni po. Bikuli baa yaa ye leni mi yanduanma bi diedi nni.

Esekieli 47:18

Puoli yaa tinbianu baa cili yaa kaanu n ye Judana leni Hafilani siiga, Damasa leni Galaadi leni Isalele diema siiga. Yi go baa biigi ki cili nijienu po yaa tinbianu ki ban tuoni hali puoli ñincianma. Lani mo n baa tua puoli po kalu.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni, Bani, yaaba n ye bi bebe Kalimeli fuasieli Ki pia yaa tisoangidi n yaba leni yaa yankpaakaani n yaba. Ŋan go yaa kpaa ba nani ŋan den kpa kpaa ba maama Yaa yankpaakaani n ŋani boncianla ki ye Basana leni Galaadi diema nni yeni.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Sakari 10:10

N baa ñani ba Ejipiti leni Asili diema, Ki goa ki kpenni n ba bi deni. N baa kaani ba Galaadi leni Libani diema nni, Ama baa yeni, mi fanma kan dagidi ba.

Mi Coadima 32:1

Lubena buolu yaaba leni Gada buolu yaaba den pia yaa yandi n yaba hali boncianla. Bi den diidi ki sua ke Yayeseli diema leni Galaadi diema tie yaa kaani n ŋani ti yandi po.

Mi Coadima 32:4

Li Miali Diedo n todi Isalele yaaba ke bi paadi yaa diema yaa niinni. Laa diema ŋani ti yandi po, ki sua tinba a naacenba mo nan pia ti yandi.

Josue 17:15

Josue den yedi ba: «Yi yaa yaba ki sua ke Efilayima juali kan dagidi yi, yin gedi ki ban pedi Felesa yaaba leni Lefayima yaaba fuali ki pugini.»