Jeremi 50:17 - Gourmanchéma Bible

¹⁷ Isalele tie nani i yangbanli n deli yaa pia ke o bodi yeni. Asili bado n kpa dini o. Nebukanesa Babilona bado mo n mudi o kpaba ki juodi.

U TIENU MAAMA TILI 2013

¹⁷ Isidayeli tie nani i yangbanli n deli Yaa pia ke o bodi yeni. Asiiri bado n kpa dini o. Nebukanesa Babilonni bado mo juodi ki mudi o kpaba.

Jeremi 50:17 ပူးပေါင်းရင်းမြစ်များ

2 Bi Badiba 15:19

Asili bado Puli den cua mi diema nni. Lanwani Menahemi den puni o ŋanjilifa kujapiena tudataa (3 000) ki bua wan todi o o bali n yaa ye ki pa.

2 Bi Badiba 15:29

Isalele diema bado Peka n den die yaa yogunu, Asili bado Tigilati-Pelesedi den cua ki fie Ijoni leni Abela-Beti. Maaka leni Janaaki leni Kedesi leni Hasoli leni Galaadi leni *Galile leni Nefitali diema kuli, ki cuo bi niba ti yonbidi ki gedini ba Asili.

2 Bi Badiba 24:1

Yeojakimi bali yogunu, Babilona bado Nebukanesa den baa Juda diema. O den paadi Yeojakimi ki diedi o bina taa. Ama Yeojakimi den yie ke Babilona bado kan go yaa die o.

2 Bi Badiba 24:10

Laa yogunu, Babilona bado Nebukanesa naacenba den cua ki baa Jelusalema bu toabu ki lindi ki cebini u dogu.

2 Bi Badiba 25:1

Sedesiasi bali binyiali binli, cipiiga yaa dapiiga daali, Babilona bado Nebukanesa go den cua leni o toagola kuli ki baa Jelusalema bu toabu. O den kpa o toanagili ki teli u dogu. Babilona yaaba den gbini ti buodi ki lindi u dogu ki kua ki wuoni lienni.

2 Bi Badiba Jama 28:20

Asili bado Tigilati-Pelesedi den cua nani yibali yeni ki baa Akasi bu toabu, ki naa den todi o.

2 Bi Badiba Jama 33:11

Li Miali Diedo den teni ke Asili bado toagoli yudanba cua ki baa ba, ki cuo Manase leni i kugobidi ki kpaa o leni ti kumoandi kpaadi ki gedini o Babilona po.

Esayi 15:9

Dimona ñima kuli gbie leni soama, N go baa soani Dimona po yebiadipanma. N baa teni o yangbanlo n cua ki baa Moabi niba yaaba n sani ki cia Ki taani leni yaaba n sieni likani kuli.

Esayi 47:6

N pali den beni n niba po, Ke n den teni ke bi laa i fe Ki den taa ba ki teni yi nuu nni. Ama yii den gbadi bipo niñimaba kuli Ki kpiagi ki pugini yi tugili o jakpelo po.

Jeremi 10:25

Teni a pabiencianli n jiidi i nilanbuoli po Bani yaaba n ki bani a Leni yaa nibuoli n ki jaandi ki miadi a todima yeni po. Kelima bi di Jakobo buolu. Bi dini o hali ki bolini o Ki teni ke o tinga tua paboanli kaanu.

Jeremi 2:15

Ti yangbanbidi fii ki sedi bipo ki duni Ki mua mi jama ki duni Ki cuani mi diema po li paboanli. Niba ki go ye ban juu bi dogi yi yeni niinni.

Jeremi 21:7

Li yaa puoli mini Li Miali Diedo n yedi: ‹N baa taa Juda bado Sedesiasi, o koanbala leni u naa dogu niba kuli bu toabu leni mi koma n dini ki ŋa yaaba, ki ŋa ba Babilona bado Nebukanesa leni yibalinba, leni yaaba n bua ki ñani bi miana nuu nni. Bi baa bolini ba, Nebukanesa kan gbadi bi niñima. Niloba kan cia. O kan juogi ba.› »

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 49:19

Li Miali Diedo yedi: «N tie nani yaa yangbanlo n ñani Judana fuali nni ki caa li ñinbunli po yeni. N li baa yedi bugibu yenma ki teni Sodoma n sani, Min kaani min gandi yua. Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 5:17

Bi baa je yi kpaandi leni yi jiema Bi baa je yi bijaba leni yi bisiaba Yi yangbenga leni yi yanbidi kuli Yi duven tiidi kuani leni yi kankandi Bu toabu baa bolini yi dopaali Yin tama naani ke puu kan nandi yi yeni.

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toatoadi ba O naamunpieno se bi dogu buliñoana kani ki guu ba Yaaba n baa ña kuli o baa toatoadi ba Kelima bi yiema yaba hali boncianla Bi yaadima mo yaba ki kandi.

Jeremi 50:6

N niba den tie yaa yankulu n yaadi. Bi yankpaaba n yen biandi ba Ki pegidi ba a juana po ki caani ba potogu. Bi yen ña li naa juali ki ban puodi juali Ki sundi bi duankaanu po.

Jeremi 51:38

Bikuli baa taani ki duni nani a yangbanbila yeni. Bi baa duni nani bi yangbanjawaaba yeni.

Jeremi 52:1

Sedesiasi den pia piilie n binyenle wan den tua Juda bado yaa yogunu. O den kali ti gbandi po piiga n binyenli Jelusalema dogu nni. O naa den yi Amutali, ki tie Jelemi Libina diema yua yaa bisalo.

Esekieli 34:12

Nani o yankpaalo n yen goandi o yangoli ki bua ki cuani yaaba n yadi yadi maama, n baa yaa goandi n yandi moko yene. N baa gedi ki ban ñani ba i kaani kuli ki guani ba ku gbangbadigu leni li *biigili n den tieni yaa daali ki teni ke bi yadi yadi.

Danieli 6:24

Lani o bado pali den mangi boncianla ke o teni ke bi ñani Danieli ku buogu nni. Ban den ñani o, baa den laa opo poagilimaba kuli kelima o den dugi U Tienu po.

Joeli 3:2

Laa dana nni, n baa teni n Fuoma n jiidi Ki yayadi baa bi naacenba leni a potuada po.

1 Pieri 2:25

Yi den tie nani yaa pe n yaadi yeni, Ama moala yi guani yi yankpaaŋamo kani, Wani yi guudika yaa kani.