Jeremi 5:8 - Gourmanchéma Bible

⁸ Bi tie yaa fuatanjala n dini ki guo, Yua kuli ŋua ki coa o yieninlielo pua puoli.

U TIENU MAAMA TILI 2013

⁸ Bi tie yaa tanjala n dini ki guo, Yuakuli ŋua ki coa o yieninlielo pua puoli.

Jeremi 5:8 ပူးပေါင်းရင်းမြစ်များ

Mi cilima 39:9

Nilo naa ye ku diegu nni kuli yua n cie nni. Waa yie npo bonliba kuli se fini bebe, kelima a tie o pua. N baa ga lede ki tieni laa biadicianma, ki tieni ti *tuonbiadi U Tienu po.»

Jobi 31:9

Li yaa tie ke n laa pua ke n yama kua o niinni, Ke n gedi n yieninlielo buliñoabu kani ki bua ki jiadi o,

Mi Ñama 20:14

Yin da conbi.

Mi Ñama 20:17

Yin da pia li nunponbiadili yi nisaalilielo diegu po, o pua po, baa o naacemo po, baa o potuado po, baa o nua po, baa o ŋunbo po, baa yi nisaalilielo n die yaa bonla kuli po.»

Mi Kpanjama 6:29

Li tie yene leni yaa nilo n caa nitoa pua po. O kan kua o kani ke li kan gbadi o.

Jeremi 13:27

N laa a *conconma, yaama n ñiidi leni a cagindi kuli. A juana yuli po leni i kuani nni, Fala jagi a yuli po Jelusalema, Fini yua n ki ŋanbidi aba! Laa tuongunda baa gbeni be yogunu yo?»

Jeremi 23:10

‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

Jeremi 29:23

Kelima bi tieni ti cagindi Isalele diema nni ki ban conbi leni bi nisaalilieba puoba, ki pua mi faama n yeli nni yaa yogunu ke n naa den puogi ba liba. N bani la, mini n go tie li siedi mo. Li Miali Diedo n yedi yeni.»

Jeremi 50:11

Mangi mani yi pala, mangi mani yi pala Yinba yaaba n pua mi diema nafanu yeni! Yugi ki ci mani nani yaa naasalo yaa gbanu n saagi, Duni mani nani yaa taami n pia u paalu yeni.

Jeremi 9:2

Bi landi coa nani a dabana yeni mi faama po, Bi yantugupiendi mo ka teni ke bi pia u paalu mi diema nni. Se biadima n tu biadima. Baa bani nni. Mini Miali Diedo n yedi yeni.

Esekieli 22:11

A yaa niinne ke yua kuli tiendi ti cagindi leni o nisaalilielo pua, yua kuli joagini o yuli leni wan tiendi yaa cagindi leni o biyuaga, yua kuli mo ñiigi o waalo, o baa bisalo.

Mi Tiadima 5:18

Yin da conbi.

Mi Tiadima 5:21

Yin da bua yi nisaalilielo pua. Yin da pia nunponbiadili yi nisaalilielo diegu po, baa o kuanu po, baa o naacemo po, baa o potuado po, baa o nua po, baa yi nisaalilielo n die yaala kuli po.›