Jeremi 5:6 - Gourmanchéma Bible

⁶ Lani n teni ke li fuali nni yangbanlo baa kpa ba, O fuasangbanlo baa ŋmani ki toatoadi ba O naamunpieno se bi dogu buliñoana kani ki guu ba Yaaba n baa ña kuli o baa toatoadi ba Kelima bi yiema yaba hali boncianla Bi yaadima mo yaba ki kandi.

U TIENU MAAMA TILI 2013

⁶ Lani n teni ke li fuali nni yangbanlo baa kpa ba, O fuasangbanlo baa ŋmani ki toadi toadi ba, Ki gbiiga se bi dogu buliñoana kani, Ki guu ba. Yaaba n baa ña kuli, o baa toadi toadi ba, Kelima bi yiema yabi hali boncianla. Bi yenyiema mo yabi ki kandi.

Jeremi 5:6 ပူးပေါင်းရင်းမြစ်များ

2 Bi Badiba Jama 36:14

Bi kopadicianba yudanba leni ku niligu kuli den ye mi tudima nni, ki ŋua nibuotoe n tiendi yaa tuongunda kuli. Bi den cagini Li Miali Diedo diegu wan den gagidi ki ŋanbi yaagu ke ku ye Jelusalema.

Esidirasi 10:10

O kopadiciamo Esidilasi den fii ki yedi ba: «Yin taa bi nilanpuoba yeni, yi tieni ti tuonbiadi. Yi pugini Isalele yaaba tuonbiadi.

Esidirasi 9:6

ki yedi o: «N Tienu, i fe pia nni ke n yuli tiibi. N Tienu, n kan fidi ki yaadi n yuli ki diidi a. Kelima ti tagili yabidi hali ki milini ti, ti tuonbiadi dogini ki pundi tanpoli.

Jobi 10:16

N yaa tuo ki yaadi n yuli, Se ŋan ŋoadi ki deli nni nani o yangbanlo yeni. A baa mudi nni yomi yomi leni a paaciamu.

Pisomi 104:20

A yen soani li *biigili ki teni ku ñiagu n bii, Lani ti fuayandi kuli yen ña bi goada.

Pisomi 80:13

Be n teni ke a tieni a bona ku goanguongu nni? Ke bi santagiba kuli sobidi bu bonluonkaala?

Esayi 1:23

A yudanba tie niyiekaaba, Bi juogidi leni a concona. Bikuli faadi bu paabu ki tiini ki lingi li suuli. Baa tiendi yaala n dagidi ki kpienbiga po, Li kpepuoli mo yaa fala ki tua ba liba kuli.

Esayi 59:12

Kelima ti biadima yaba a nintuali Ke ti tuonbiadi mo bu leni ti. Ti biadima yegi leni ti Ti bani ti tagili mo.

Jeremi 14:7

Bi yedi: «Ti tagili yaba ki pendi. Li tie moamoane. Ama fini Li Miali Diedo, baa ŋan baa tieni yaala Ke a yeli n da fiagi. Ti tudi apo hali boncianla. Ti tieni apo ti *tuonbiadi.

Jeremi 2:15

Ti yangbanbidi fii ki sedi bipo ki duni Ki mua mi jama ki duni Ki cuani mi diema po li paboanli. Niba ki go ye ban juu bi dogi yi yeni niinni.

Jeremi 2:17

Isalele, naani laa bonla ki tieni a Kelima a ŋa Li Miali Diedo a Tienu Yaa yogunu ke o den gobidi a o sanŋamu nni kaa?

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 2:31

Yinba mi naa nifiima yaaba, Kpaagi mani Li Miali Diedo maama po. Naani n tua Isalele po fanpienma bi biigili diema yo? Be yaa po yo ke n niba tua: «Ti die ti yula, tii bua ki guani a kani?»

Jeremi 25:38

O ŋa o diegu nani li yangbanbili n fii ki ŋa o buoli maama yeni. Bi diema kpandi fanpienma kelima yua n bolindi Yaa pabiencianli leni o pali yaali n beni, Ki co nani mi fantama yeni po.»

Jeremi 30:14

A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 30:15

Be yaa po yo ke a kaliti yaa bonla n biidi kuli po, Leni a tonu yu n ki pia ñoagu po? Li tie kelima a tagili n kandi po yo, A tuonbiadi n bia maama yaa po yo ke n tieni a laa bonla.

Jeremi 30:24

Li Miali Diedo pabiencianli kan pegidi ki teli potogu, Hali wan baa tieni o pali nni wan jagi yaala. Li daali kpendi ke yi baa bandi lan bua ki yedi yaala.»

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 49:19

Li Miali Diedo yedi: «N tie nani yaa yangbanlo n ñani Judana fuali nni ki caa li ñinbunli po yeni. N li baa yedi bugibu yenma ki teni Sodoma n sani, Min kaani min gandi yua. Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 8:5

Be n teni ke Jelusalema niba jadi ki ŋa u sanu Kaa bani ban se naani? Bi suagi liiga leni i janbi Bi yie ke bi kan guani n kani.

Jeremi 8:7

Baa goliya yua ye ti tawadi nni bani o yogunu, Ki kpaajefanga, ki tancancalinga leni ku kulijaŋmaangu Kuli bani ban baa lebidi ki kpendi yaa yogunu. Ama n niba wani naa bani Li Miali Diedo n bili Li bonla n yaa cuoni maama.»

Jeremi Bubula 1:5

O yibalinba n tugi yuli Bi koanginkaaba kaa leni mi yanduanma. Li Miali Diedo waani o fala Kelima o tuongunda n yaba maama yaa po. O yibalinba taa o bila ki gedini ba ti yonbidi.

Esekieli 16:25

A den maa a binbina sankada kuli kani ki den tieni ti cagindi leni a ŋamu, ki den puuni a yuli yua n pendi a kani kuli ki pugini a conconma.

Esekieli 22:27

U badijaba ye u niinni nani yaa fuasangbanli n dadi ki toadi ban cuo yaa yandi yeni. Bi wuliti mi soama, ki bolindi bi niba ki bua ki yaa baadi ti ñuadi.

Esekieli 23:19

O den conbi ki pugini, Ki tiadi o jafandi yogunu Wan den conbi Ejipiti diema nni maama.

Danieli 7:4

Ki yankpiaga den naani leni o yangbanlo ama ki pia i fiabi nani jiebani yeni. Min diidi yaa yogunu bi den ŋabi o fiabi ki teni ke o yaadi ki sedi taana lie nani o nisaalo yeni, ki puni o o nisaalo yantiali.

Danieli 7:6

Li yaa puoli n go den nuali ki laa yantoaga ke ki naani leni o namunpieno. O den pia ti bonyugiditi yaa fiabi boninaa o puoli po leni yula naa. Bi den dini o li bali.

Ose Tili 5:14

N baa yaa tie Efilayima buolu yaaba Leni Juda buolu yaaba po nani o yangbanlo yene. Mini, mini n li baa dadi ki toatoadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Habakuki 1:8

Bi taami jaligi mi nuama Ki cie i naamunpieni. Bi ciba bia nani yaa fuasangbanli n goadi ku ñiagu. Bi tanjagiba ñani hali foagima ki kpendi. Bi jaligi nani jiebani n yen poli ki ña tanpoli maama Ki pua li bonla yeni.

Sofoni 3:3

Bi yudanba tie nani yaa yangbanli n gaandi ki duni, Bi bujiaba tie nani yaa fuasangbanli n yen goadi ku ñiagu, Ki co li bonla ki ŋmani likuli kaa baa sieni liba mi faama po.

Mi Coadima 32:14

Moala, yi ga yi yaajanba kaanu nani ti *tuonbiadi danba benkpela yeni, ki biagi Li Miali Diedo pabienli Isalele yaaba po ki pugini.

Mi Doagidima 13:2

Min den laa yaa fuayanga yeni den tie nani o naamunpieno, ama o taana den tie nani yaa fuayanbiadi-cianga n yi ulisi yeni, o ñoabu mo den tie nani o yangbanlo yaabu. O bonfuodibiado den teni ki fuayanga yeni o paalu, ki kaani o o yaa bali kalikaanu po, ki dini o o bacianli.