Jeremi 5:5 - Gourmanchéma Bible

⁵ N baa gedi a nigbenga po Ki ban maadi leni ba nba. Kelima ban wani bani Li Miali Diedo sanu Bi bani bi Tienu balimaama. Bi bani bi Tienu n bua yaala.» Ama bikuli tie yenme Bi miidi li balimaama Ki fidi bani leni U Tienu *ŋantaado.

U TIENU MAAMA TILI 2013

⁵ N baa gedi a nigbenga po, Ki ban maadi leni ba mini n ba, Kelima bani wani bani o Diedo sanu, Bi bani bi Tienu bali maama mo. Bi bani bi Tienu n bua yaala.» Ama bikuli tie yenme, Bi miidi li bali maama, Ki fidi bani leni U Tienu ŋantaado.

Jeremi 5:5 ပူးပေါင်းရင်းမြစ်များ

2 Bi Badiba Jama 36:14

Bi kopadicianba yudanba leni ku niligu kuli den ye mi tudima nni, ki ŋua nibuotoe n tiendi yaa tuongunda kuli. Bi den cagini Li Miali Diedo diegu wan den gagidi ki ŋanbi yaagu ke ku ye Jelusalema.

Mi Ñama 32:25

Musa den laa ke ku niligu lebidi bi yula ki tie kala kelima Alono den cedi ba ke bi tie kala ki kpandi ti laadi bonla bi yibalinba nintuali.

Esayi 1:23

A yudanba tie niyiekaaba, Bi juogidi leni a concona. Bikuli faadi bu paabu ki tiini ki lingi li suuli. Baa tiendi yaala n dagidi ki kpienbiga po, Li kpepuoli mo yaa fala ki tua ba liba kuli.

Jeremi 2:20

Hali yogu n den mudi a landili Ki cie a baabi yi n luo ŋa. Ama a yedi: «N bua ki diedi n yuli.» Die yaa juaga n kpedi kuli po Leni yaa tibu n bundi moko kuli tinga A kpaagi ki buandi nani li poconconli yeni.

Jeremi 2:31

Yinba mi naa nifiima yaaba, Kpaagi mani Li Miali Diedo maama po. Naani n tua Isalele po fanpienma bi biigili diema yo? Be yaa po yo ke n niba tua: «Ti die ti yula, tii bua ki guani a kani?»

Jeremi 30:14

A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi 8:7

Baa goliya yua ye ti tawadi nni bani o yogunu, Ki kpaajefanga, ki tancancalinga leni ku kulijaŋmaangu Kuli bani ban baa lebidi ki kpendi yaa yogunu. Ama n niba wani naa bani Li Miali Diedo n bili Li bonla n yaa cuoni maama.»

Jeremi 9:3

Yua kuli n fangi o yuli leni o danli Oba n da dugi o nikpiilo baa yendo po Kelima kpiilo kuli baa fidi ki lu i janbi Danli kuli mo pia bu tingbangbaabu.

Esekieli 11:2

Li Miali Diedo den yedi nni: «O ja na, yaa jaba n tie ne, tie yaaba n pia yaa yanjaga n ki ŋani, ki nan go tundi yaa tundi n ki ŋani u naa dogu nni.

Amosi 4:1

Yinba yaa popiada n ye Samali juali po, Ki gbengi nani Basana tialu naañuana yeni, Cengi mani yaa maama n tie na: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 6:1

Fala baa baa yaaba n ye Siyono leni mi yanduanma, Leni yaaba n ye Samali juali po kaa bangi liba. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isalele yaaba n caa bani yaaba yaa kani, ke bi todi ba.

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama. Kelima o kopadiciamo tie Li Miali Diedo U Paaciamu Kuli Daano tondo yo.

Luki 18:24

Jesu den laa ke o pali biidi ki yedi: «Li pa hali boncianla a piada n baa ki kua U Tienu diema nni.

Luki 19:14

Ama o dogu nni yaaba den nani o ki yuandi ki soani o puoli bi tondiba ke ban ban yedi: ‹Tii bua yaa ja n tie na n yaa die ti.›