Jeremi 5:3 - Gourmanchéma Bible

³ Li Miali Diedo, ŋan bua yaala ki tie i moamoani kaa? A pua ba, laa koani ba mo. A nugi ba bonŋanla Bi yie baa ga a bangima, Bi juagi bi pala ki cie ku tangu. Bi yie ke bi kan lebidi bi yama.

U TIENU MAAMA TILI 2013

³ O Diedo, ŋan bua yaala ki tie I moamoani ka? A pua ba, laa koani ba mo. A nugi ba bonŋanla, Bi yie kaa gaa a bangima, Bi juagi bi pala ki cie ku tangu. Bi yie ke bi kan lebidi bi pala.

Jeremi 5:3 ပူးပေါင်းရင်းမြစ်များ

Mi cilima 19:34

Yaa daali n ŋua o bisakpelo den yedi o waalo: «Diidi wonli nni yaa ñiagu n den duani leni n baa. Tin go teni wan ño mi daama dinla yaa ñiagu ke a mo n gedi ki duani leni o lan tie ti baa buolu n da bodi.»

1 Bi Badiba 13:33

Baa ke laa bonla den tieni, Jeloboami ki den lebidi o tagibiadu. O go den gagidi bi niba kuli siiga bi kopadicianpanba o padibinbina po. Yua n den bua kuli o den yen gagidi o wan tua o padibinbina kopadiciamo.

2 Bi Badiba 1:13

Ahasia didi go den soani toatieba piimuu yudaano bontoa, wani leni o toatiepiimuudi. Laa yudaano den doni li juali po. Wan den pundi Elia kani, o den gbaani o nintuali ki mia o ki yedi: «U Tienu nilo, ŋan gbadi mini leni a naacenba i toatiepiimuudi ne po mi niñima ki da bolini ti miana.

2 Bi Badiba Jama 16:9

Li Miali Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ne ŋan soani nani o yanluodaano yeni, dinla liiga, a kan go luo toabu.»

2 Bi Badiba Jama 28:22

O bado Akasi ki den tiendi yaala n tiegi Li Miali Diedo po baa ke o den ye leni fala.

Pisomi 51:6

N tieni apo ti tuonbiadi, N tudi fini bebe yaa po yo N tieni yaala n bia a nuni po. Hali yaala ke a baa tiegi a bujiali nni. Nanmaba mo ki ye a bujiali nni.

Pisomi 51:8

Ŋan bua ki le yaala o nisaalo pali nni n tie i moamoani. Hali n pali tugu nni n miadi a mi yanfuoma.

Pisomi 55:20

U Tienu baa gbadi, ki fiagi ba, Wani yua n ka ti gbandi po Yaa yogu n tu yaa yogu. Joma Kelima lebidima ki ye bi niinni. Baa fangi U Tienu.

Mi Kpanjama 21:29

O nibiado yen juagi o nunga. Ama yaa nilo n tiegi wani yen faami o tagu po.

Mi Kpanjama 22:12

Li Miali Diedo kubi mi bandima bonŋanla, Waa tuo jajanbidinilo maama.

Mi Kpanjama 23:35

A baa yedi: «Bi pua nni! Laa koani nni! Bi pua nni! Mii bandi pu kuli! N baa fundi u le yogoe? Go pugini nni mani, n go bua!»

Mi Kpanjama 27:22

Baa a yaa tuoni o yanluodaano leni mi bima li tuoli nni, O yanluoma kan paadi leni o.

Esayi 26:11

Li Miali Diedo, a nuu yuugi ki baa pua, Ama baa faami a cuu po. Bi baa le a buacianma a niba po, i fe n cuo ba. Yene ke mi fantama baa je a yibalinba.

Esayi 42:25

Lani yaa po, o pali den beni Isalele yaaba po Ke o den wuli bipo o pabiencianli falabiado Leni bu toabu falabiado. Bu toabu den pebidi bipo i kaani kuli, Ke bi naa den bua ki bandi liba kuli. Bu den buoni ba Ama baa den kpaagi lipo.

Esayi 48:4

Ama nani min bani ke yi tie nipaaba Ke yi tuli mo tie nani i kudopandi Ke yi yutuna mo tie nani ti kumoandi yeni,

Esayi 9:13

Lani n teni Li Miali Diedo baa jia Isalele diema nni li yuli leni li juoli kuli. Dayenli lige ke Li Miali Diedo jia bu kpakpalibu benu leni ku sabigu,

Jeremi 15:7

N baa lendi ba ki yayadi ba mi diema nni. N baa muni ba a bila, Ki teni n niba yaaba n naa lebidi ki ŋa bi sani yeni n bodi.

Jeremi 17:23

Ama yi baanba yeni naa den cengi, Baa diadi bi tubili, Bi juagi bi pala Kelima baa bua ki gbadi ki go ga mi bangima.»

Jeremi 19:15

Li Miali Diedo U Paaciamu Kuli Daano, Isalele Tienu yedi mine: «N baa teni min den maadi yaa yebiadima maama yeni n ŋma u naa dogu leni wun die yaa dogi kuli.»

Jeremi 2:30

N pua yi bijaba fanma fanma bebe Bi naa gaani tundi. Nani yaa yangbanli n bolindi yeni Yi ku yi sawalipuaba yene.

Jeremi 3:3

Lanwani n yie kaa puni a taaga, Ki tayuankaaga mo naa cua. A li baa pia a poconcona leni mi kafaama, Ŋaa ban jie baa fe mo.

Jeremi 32:19

A yanjagili yaba a bontienkaala mo ki pia lie. A nuni kuli ŋubidi ki nua bi nisaaliba tuada kuli ki baa pa yua kuli o tuona panpaani.

Jeremi 35:13

«Li Miali Diedo Isalele Tienu maadi yaa maama n tie na: Gedi ki ban yedi Juda niba leni yaa niba n kaa Jelusalema: Naani yi kan cengi n maama ki fangi yi yula? Li Miali Diedo n yedi yeni.

Jeremi 44:10

Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa *balimaama leni yaa ñoabonbilikaana.› »

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Jeremi 7:28

Lanwani ŋan yedi ba: ‹Bi naa niba n ki cengi Li Miali Diedo bi Tienu nialu. Baa bua tundi. I moamoani bodi, I ñani bi maama nni.

Jeremi 8:5

Be n teni ke Jelusalema niba jadi ki ŋa u sanu Kaa bani ban se naani? Bi suagi liiga leni i janbi Bi yie ke bi kan guani n kani.

Esekieli 2:4

N soani a bani yaaba yaa tuli n pa ke bi pala mo juagi yeni po yo. Ŋan maadi leni ba ki yedi ba: ‹Diidi Li Miali Diedo U Tienu n yedi yaala.›

Esekieli 24:13

A cagindi kuli ye a joagindi yeni niinne. N den bua ki ŋanbi a, ama a naa den bua ki ŋanbi. A kan go ŋanbi leni a joagindi mo, se n wuli apo n pabienli kuli.

Danieli 9:13

Laa yebiadima ŋma ti nani lan diani Musa balimaama tili nni maama. Ama baa lankuli, tii mia ke fini Li Miali Diedo n je sugili, tii kuani ti yama ki faami a moamoani po.

Levi 26:23

Baa leni lankuli yi yaa cedi ke n tundi yi, ke yi go baa yiedi nni,

Amosi 4:10

N den soani yi siiga u yianbiadipuodiko yu n naani leni Ejipiti yu, Ki teni ke bi ku yi nipanba leni mu jugisiemu, Ki fie yi taami mo. N den teni ke yi toanagili kpiema nuulibiadu kua yi. Ama baa leni lani kuli yii den lebidi ki guani n kani. Li Miali Diedo n yedi yeni.

Amosi 4:11

N den bolini yi siiga bi tianba, Nani min den bolini Sodoma leni *Gomola dogi maama yeni. Yi siiga yaaba n sieni den tie nani ban kuudi Yaa datala mi fantama nni yeni Baa leni lan kuli, yii den lebidi ki guani n kani. Li Miali Diedo n yedi yeni.

Amosi 4:6

Mini mo den tuuni mi koma yi dogi nni kuli, Ki go tendi ke mi jiema poadi yi diedi nni kuli. Ama baa leni lani kuli yii den lebidi ki guani n kani. Li Miali Diedo n yedi yeni.

Amosi 4:8

N den teni ke dogi lie bi dogi taa yaaba caa dotogu nni Ki bua mi ñinñokaama, Bi ñunñuunu naa den gbendi. Ama baa leni lani kuli, yii den lebidi ki guani n kani. Li Miali Diedo n yedi yeni.

Amosi 4:9

N den yen teni yi kuani n faani Ki teni ke a baayuana mo n kua yi. N den teni ke a sidibila ŋmani yi sadinginba Yaaba yaa coali n yaba leni duven tiidi kuani Leni i kankanŋuke kuani leni *olifie kuani. Ama baa leni lani kuli yii den lebidi ki guani n kani. Li Miali Diedo n yedi yeni.

Sofoni 3:7

N den tama ke li yaa puoli, n niba baa fangi nni, Ki tuo n tundi, Ke n kan bolini bi dogu. Ama likani yaaba suagi liiga ki tiendi yaala n bia bebe.

LOMA YAABA 2:2

Ti bani ke U Tienu buudi yaaba n tieni laa bonbuolu po tie i moamoani.

Hebilunba 12:9

Ti baanba yaaba n tie nisaaliba den tundi ti tundifala ke ti fangi ba. Lanwani li pundi tin miini ti yula ti Baa yua n ye tanpoli kani, ke tin yaa pia li miali.