Jeremi 5:22 - Gourmanchéma Bible

²² Mini Li Miali Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima n tie mi ñincianma banlu, Yaa banlu ke mi kan fidi ki kandi hali abada Mi ñingola lengidi, ama ŋaa pia paalu. Mi duni, ama mi kan fidi ki kandi.

U TIENU MAAMA TILI 2013

²² Mini o Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima N tie mi ñincianma banlu, Yaa banlu ke mi kan fidi ki kandi abada. Mi ñingola lengidi, ama ŋaa pia paalu. Mi duni, ama mi kan fidi ki kandi.

Jeremi 5:22 ပူးပေါင်းရင်းမြစ်များ

Mi cilima 1:9

U Tienu den yedi: «Yaa ñima n ye tanpoli yaa tiipo n taani kaanyendu ke ki tinkuonga n yaa ye.» Li den tua yeni.

1 Bi Badiba 13:28

ke o fii ki gedi. O den laa o tinkpilo ke o bili u sanu nni ke o ŋunbo leni o yangbanlo se likani. O yangbanlo ki den ŋmani o tinkpilo, waa den cuo ki papadi o ŋunbo mo.

Jobi 26:10

O diani boncencenli u ñingbanu po, Ki paadi li *biigili leni mi yenma.

Jobi 37:24

Lani n teni ke li pundi bi niba n yaa fangi o. Waa diidi yaaba n nua bi yula ke bi tie yanfodaanoba.»

Jobi 38:8

Ŋme n den luoni mi ñincianma leni a buliñoana, Man den toa ki ña mi kaanu yaa yogunu?

Pisomi 104:9

A den bili mi ñima yeni po, man kan kandi yaa bianu, Ke man da goa ki mundi ki tinga.

Pisomi 119:120

Min fangi a maama teni ke n gbanu jeli. N jie a buudi mo.

Pisomi 33:7

O tudi mi ñincianma ñima kuli ki dogini kaanyendu, Ki bili mi ñinñuanma mi kaanu.

Pisomi 46:3

Lani n teni ke tii pia jawaandi, Baa ki tinga yaa libi ke a juana digibi Mi ñincianma siiga.

Pisomi 99:1

Li Miali Diedo tie Bado, Ke i nibuoli digibi. O ka o bali kalikaanu ki yiini *selubanba po, Ke ki tinga begibi.

Mi Kpanjama 8:29

Wan den bili mi ñincianma bianu, Man kan pendi naani, Ki go bili ki tinga tanpuuli,

Esayi 50:2

Be yaa po ke min den cua, mii den laa oba kuli? Be yaa po ke min den yini ke niloba kuli ki den tuo? Naani n buagu koabi ki kandi ki kan fidi ki faabi? Bi, mii pia yaa fidu n dagidi ki baa fidi ki faabi yo? N yen fu leni mi ñincianma man ñuudi, Mi kpeni mo n kpandi fanpienma, Mi jami baa bedi kelima ñima ki ye po. U ñunñuunu mo baa bolini ba.

Esayi 64:2

Ŋan den tieni tin kaa den maani yaa bancianma yaa yogunu, A den jiidi ke a joaciama den begibi a nintuali.

Esayi 66:5

Cengi mani Li Miali Diedo maama Yinba yaaba n gba o maama ki digibi. Diidi yi kpiiba n tua yaala, Bani yaaba n nani yi, ki yaadi yi Kelima n yeli po: «Li Miali Diedo n nan doagidi o kpiagidi Tin le yi pamanli naa!» Ama bani n baa le i fe.

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua Kelima i nibuoli yanfodanba kuli siiga, Leni mi diema buoli kuli siiga, Oba kuli kan niagi leni a.

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 31:35

Li Miali Diedo yedi nanda: «Ŋme n teni ke u yienu ye ki yendi u yensiinu, Ki teni ke o ŋmaalo leni a ŋmabila mo yendi ku ñiagu? Ŋme n yen fiini mi ñincianma ñingola n yaa mua mi jama? O yeli yi Li Miali Diedo U Paaciamu Kuli Daano.

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Amosi 4:12

Li tie lani yaa po ke yi baa le Min baa soani yi maama yinba Isalele yaaba. Lanwani, kelima min baa soani yi maama yaa po Yin bogini mani ki tuogi yi Tienu.

Amosi 9:6

U Tienu maa o yekaanu tanpoli. O teni ke a tawala yiini ki tinga po, O yen teni ke mi ñincianma ñima yugi ki caa tanpoli, Ke o goa ki wuliti ma ki tinga po. O yeli tie Li Miali Diedo.

Jonasi 1:16

Bi jaba yeni den jie Li Miali Diedo boncianla ki padi li padili Li Miali Diedo po.

Nahumi 1:4

O fuu leni mi ñincianma ke mi ñuudi ki kuodi cain, O teni ke i kpeni ñuudi. Lanwani Basana yankpaafuana leni Kalimeli tiidi mali, Libani puuma moko mali.

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku *fantanbuogu nni.

Marki 4:39

O den fundi ki maadi leni ku faagu leni li bali ki yedi: «Cedi ku fuugu,» ki go yedi mi ñincianma: «Suoni.» Ku faagu den cuo ki sedi ke likuli duani salam.

Luki 12:5

N baa waani yi yin baa yaa jie yua. Yaa jie mani yua n baa fidi ki kpa yi, ki go yuandi ki lu yi ku *fantanbuogu nni. Yeni de, n yedi yi ke wani n tie yin baa jie yua.

Mi Tiadima 28:58

Yi yaa kubi ki go tieni yaa bali maama n diani li naa tili nni kuli n yedi, yi yaa fangi Li Miali Diedo yi Tienu yeli, yaali n pia ti kpiagidi ki go pia i jeje,

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a *teginma doagidi.»