Jeremi 5:21 - Gourmanchéma Bible

²¹ Cengi mani line, yinba yaa niba n ki pia yama, Kaa pia kpaagili mo. Yinba yaaba n pia yi nuni, ki naa nua Ki pia a tuba, ki naa gba liba.

U TIENU MAAMA TILI 2013

²¹ Cengi mani line, Yinba yaa niba n ki pia yama, Kaa pia kpaagili mo. Yinba yaaba n pia i nuni ki naa nua, Ki pia a tuba ki naa gba liba.

Jeremi 5:21 ပူးပေါင်းရင်းမြစ်များ

Pisomi 94:8

Yin yaa faami mani, yinba bi yanpiidanba yeni Bi yanluodanba yeni, yi baa baa mi yama be yogune?

Mi Kpanjama 17:16

O yanluodaano baa tieni bee leni i ligi? Ki da mi yanfuoma? O yanluoma kan gedini o lipo.

Esayi 27:11

I beni yaa kuodi bi yen kua i Bi puoba n cua ki taa i ki ban kuuni bi fantama. Li den tie yaa niba n ki pia yanfuoma, Yua n den tagi ba ki den gbadi bi niñima, Yua n den tagi ba ki den juogi ba.

Esayi 43:8

Teni mani yaa nibuolu n joa yeni n ña, Baa ke bi nan pia i nuni. Lanwani bani a woma, Yaaba n pia a tuba yeni mo n ña.

Esayi 44:18

Baa bani liba, baa pia yanfuoma mo. Kelima bi pigini bi nuni Ke ban da le Leni bi pala mo ke ban da ga liba kuli.

Jeremi 10:8

Bikuli taani ki tie yanpiidanba leni yanluodanba. Yaala n doagidi ke baa pia fuoma n tie bu tibu yeni.

Jeremi 4:22

N niba ye leni mi yanpiima Baa bani nni. Bi tie yanluodanbe Baa pia yama. Ban li bani ki tieni yaala bebe n tie mi biadima. Ama baa bani ki tieni yaala n ŋani.

Jeremi 5:20

Waani mani Isalele yaaba yaa maama n tie na: Teni mani Juda diema yaaba moko n ga laabaali.

Jeremi 5:4

N den yedi: «Bi yama ka, Bi tuuni gaadi tuonle Kelima baa bani Li Miali Diedo sanu Baa bani bi Tienu *bali maama.

Jeremi 6:10

N baa maadi leni ŋme? N baa taa ŋme yo wan tua n siedo ban cengi nni? Diidi bi tuba biini ki gbeni Bi kan fidi ki cengi bonŋanla mo. Diidi mani U Tienu maama tie bipo fe yo. Maa go nuagi bipo.

Jeremi 7:13

Mini Li Miali Diedo yedi: ‹Nani yin soani laa tuona kuli yeni, Nani min maadi leni yi u yogunu kuli ke yi naa cengi, Nani min yini yi ke yii tuo yeni,

Jeremi 8:7

Baa goliya yua ye ti tawadi nni bani o yogunu, Ki kpaajefanga, ki tancancalinga leni ku kulijaŋmaangu Kuli bani ban baa lebidi ki kpendi yaa yogunu. Ama n niba wani naa bani Li Miali Diedo n bili Li bonla n yaa cuoni maama.»

Esekieli 12:2

«O ja na, a ye nibuoyieko siiga, yaaba n pia i nuni ki naa nua, ki pia a tuba ki naa gba, kelima bi tie nibuoyieko po.

Ose Tili 7:11

Bani Efilayima buolu yaaba tieni Nani yaa kpaajiega yaa yama n pii, Yaaga yaa yuli n kpe yeni. Bi mia Ejipiti yaaba mi todima, Ki nan go caa Asili yaaba yaa po.

Sakari 7:11

Ama bi niba den yie kaa cengi. Bi buli bi nunmu, ki biini bi tuba kaa bua ki gbadi.

Marki 4:12

ke ban yaa nua leni bi nuni ki nan da le bi yama nni, ki go yaa cengi leni bi tuba ki nan da bandi liba, ke ban da lebidi bi yama ki goa U Tienu kani, ki baa bi *tuonbiadi sugili.»

Marki 8:18

Yi yama baa pii yoo? Yi pia i nuni ki naa nua yoo? Yi go pia a tuba ki naa gba yoo? Naani yii tiani?

Jan n diani U Tienu Laabaaliŋamo maama 12:40

«U Tienu juani bi nuni, Ki juagi bi pala, Ke ban da le leni bi nuni, Ki da ga leni bi pala, Ke ban da ti lebidi ki ŋa bi *tuonbiadi, Min paagi ba.»

Jesu Tondiba Tuona 28:26

Gedi u nibuolu na po ki yedi ba: Yi baa gbadi bonŋanla, ama ki nan kan bandi liba, Yi baa noanli bonŋanla, ama ki nan kan le liba.

LOMA YAABA 1:20

U Tienu paaciamu yu n ki pia gbenma leni wan tie maama naa tie bi nisaaliba n baa fidi ki le yaala. Ama hali ŋanduna tagima yogunu laa bonla kuli doagidi wan tagi yaala yaa niinni. Lani n teni ke baa pia ban baa fidi ki tabi yaala ki ga bi yula.

LOMA YAABA 11:8

Nani lan diani maama: «U Tienu kuani bi niinni Mi guama yantiali ke bi gonbidi. Bi pia i nuni ki naa nua liba, Bi pia a tuba moko ki naa gba liba Ki taa ki pundi hali dinla.»

Mi Tiadima 29:3

Ama ki taa ki tuoni hali dinla Li Miali Diedo naa puni yi yaa pala n baa bandi, yaa nuni n baa le leni yaa tuba n baa gbadi.

Mi Tiadima 29:4

N den gobidi yi hali bina piinaa mi fanpienma nni, yin den laa yaa tiadi naa den cadi, yin den pili yaa cacaadi mo naa den cie.

Mi Tiadima 32:6

Naani yi tungi Li Miali Diedo yo yi tagili Yinba yaa nibuolu n luo mi yama kaa go pia yanfuoma yeni? Naani wani kaa tie yi baa leni yi Tagido? Naani wani kaa den tagi yi ki den puni yi u fidu?