Jeremi 49:8 - Gourmanchéma Bible

⁸ Yinba Dedana diema yaaba lebidi mani ki sani Ki ban wuoni mani ti tanlondi nni ki yaa ye! Kelima n teni ke o falabiado baa nandi Esayu. O fala daali yogunu n pundi.

U TIENU MAAMA TILI 2013

⁸ Yinba Dedani yaaba, Sani mani ki ban wuoni ti tanlondi nni, Kelima n teni ke o falabiado baa Esayu. O fala daali n pundi, Yaa daali ke o baa togidi yaala n ye.

Jeremi 49:8 ပူးပေါင်းရင်းမြစ်များ

Esayi 2:21

Ti joatanmabidi nni leni ti joaloandi nni N tie ban baa sani ki wuoni naankani Ki le bi yaa baa sani ki foagidi Leni Li Miali Diedo pabienli leni o kpiagidi yabinu, O yaa fii ki baa jieni ki tinga yaa yogunu.

Esayi 21:13

Yaa sawalo n ye Alabi diema po. Yi baa duani ku ñiagu Alabi fuali nni, Yinba yaaba n ñani Dedana leni yi yangola.

Esayi 34:5

Li Miali Diedo mangi o jugisiega tanpoli po Ki cua ki baa Edomi, Li Miali Diedo n bili ke o baa bolini yaa nibuolu yeni.

Jeremi 25:23

Dedana yaaba, Tema yaaba, Busa yaaba leni yaaba n yen kugini ki koagidi bi langbiadi,

Jeremi 46:21

Baa Ejipiti diema nni ban pa yaa toatieba i ligi bu toabu po Lebidi ki sani. Baa ke bi wubi ba nani a naatonbila yeni, Oba kuli naa sedi ki baa mua jama, Min fii ki sedi bipo ki baa waani ba fala yaa daali.

Jeremi 48:28

Ña mani i dogi nni ki ban yaa ye a juana nni Yinba Moabi yaaba. Tua mani nani yaa kpaajiega n tiendi o tiali Mi joayidima po yeni.

Jeremi 48:44

Ti jawaandi n deli yua baa baa ku buogu nni. Yua n fidi ki ñani ku buogu nni mo Baa baa i taali nni, Kelima n baa teni o falaciamo binli n cua Moabi po. Li Miali Diedo n yedi yeni.

Jeremi 48:6

‹Yua tadi yua pa! Sani mani, sani mani ki ña ne Ki yaa ban ye mani mi fanpienma nni Nani i fuaŋunbi yeni.›

Jeremi 49:30

Sani mani, jaligi ki sani mani, Gbi mani ti buodi ki wuoni lienni yinba Hasoli yaaba. Kelima Babilona bado Nebukanesa jagi li jagili, Ki baa fii ki sedi yipo.

Jeremi 49:32

Bi baa fagi bi yuoyuodi, Ki tugi bi yankuli mo kuli. N baa lendi ba leni ku faagu N baa teni fala n ña i kaani kuli ki baa Yaaba n kuoni bi langbiana kunkuni kuli. Li Miali Diedo n yedi yeni.

Jeremi 50:27

Kpa mani o naatona kuli Gedini ba mani u yankodikaanu kani. Fala baa ba kelima bi yogunu pundi Bi buudi fala yogunu pundi.

Jeremi 6:1

Sani mani Benjamina buolu yaaba ki ña Jelusalema Piebi mani li naatuntunli Tekoa dogu nni Fiini ki sieni mani li *tuudicabili Beti-Akelemi dogu nni. Kelima fala leni mi yebiadima ñani nijienu po ki kpendi.

Esekieli 25:13

Li tie lani yaa po, ke mini o Diedo, Li Miali Diedo yedi mi ne: N baa tandi n nuu ki yie Edomi yaaba po. N baa bolini bi niba leni ti yandi laa diema nni. N baa cili Temana dogu ki ban pundi hali Dedana dogu. Ki jugisiega mo n baa kpa ba.

Malaki 1:3

Ki nandi Esayu leni o yaa puoliŋuani. N den bolini Esayu diema, yaama n den ye a juana nni, Ki teni ke i tanboe diedi ma, Ke mi tua fanpienma.

Malaki 1:4

Edomi yaaba, bani Esayu puoliŋuani yeni yaa fii Ki yedi ke bi bolini bi dogi, Ama bi baa guani ki maa bi ci.» Li Miali Diedo, U Paaciamu Kuli Daano baa guani ki yedi: «Cedi ba mani ban goa ki maa bi ci, N didi go baa bolini i. Bi niba baa yaa yi bi diema: “Mi biadima diema,” Bani, mi niba mo, bi baa yaa yi ba: “Li Miali Diedo pali n be yaa nibuolu po yogunu kuli.”

Mi Doagidima 6:15

Ki tinga nni badiba, a nikpiaga, a minteela yudanba, a piada, bi paatieba, i yonbi leni yaaba n die bi yula kuli den sani ki wuoni ti tanlondi nni leni a juana tanciama nni.

Bi Bujiaba 6:2

Madiana yaaba den mabindi Isalele yaaba hali boncianla. Isalele yaaba den tiini Madiana yaaba ki caa ki ban wuondi i tanyaali nni leni ti tanlondi nni leni yaa wuonkaani n pa ki ye a juana nni.

1 Samueli 13:6

Isalele yaaba n den laa ke Filisiti yaaba mabini ba ke folu ki ye, bi den wuoni ti joaloandi nni leni ti tuudi nni, leni ti tanlondi nni leni ti faliti nni leni ti luakuondi nni.