Jeremi 49:39 - Gourmanchéma Bible

³⁹ Ama u yogunu kpendi ke n baa teni Elami po yonbi n guani. Mini Li Miali Diedo n yedi yeni.»

U TIENU MAAMA TILI 2013

³⁹ Ama u yogunu kpendi ke n baa Guani ki ŋanbi Elami. Mini o Diedo n yedi yeni.»

Jeremi 49:39 ပူးပေါင်းရင်းမြစ်များ

Jobi 42:10

Joba n den jaandi o danlinba po ki gbeni, Li Miali Diedo den goa ki kaani o o yemankpiama nni. Li Miali Diedo den puni o wan den kpa pia yaala kuli figilima lie.

Esayi 2:2

Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nilanbuoli kuli mo baa tigibi ki caa likani.

Jeremi 12:15

Ama n yaa ŋabi ba yaa yogunu Se mi niñima n goa ki cuo nni bikuli yendo yendo po, Min goa ki guani ba yua kuli o tinga nni, Yua kuli o diema nni.

Jeremi 48:47

Ama li daali kpendi ke Moabi baa goa ki ŋanbi. Li Miali Diedo n yedi yeni.» Moabi buudi gbenma n yeni.

Jeremi 49:38

N baa bili n bali kalikaanu Elami, Ki teni o bado leni o koanbala kuli n bodi. Li Miali Diedo n yedi yeni.

Jeremi 49:6

Ama li yaa puoli n baa teni Amoni yaaba yonbi n goa ki kpeni.» Li Miali Diedo n yedi yeni.

Esekieli 29:14

N baa lebidi Ejipiti yaaba yema Ki teni ban guani bi yaa diema nni Ejipiti ganu po, Bi baa yaa tie yaa diema niba n kan go fiini bi yula.

Esekieli 38:16

A baa fii ki cua ki baa n niba Isalele yaaba Nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema Ke i nilanbuoli n bandi nni, Fini Gogi n baa teni min gagidi ki ŋanbi bi nintuali yaa yogunu.›

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Danieli 10:14

N cua a kani ki baa waani a yaala n baa ti faa ki cua a nibuolu yaaba po. Kelima li go pia li bonlekaala laa yogunu po.»

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Amosi 9:14

N baa ñani n niba Isalele yaaba ti yonbidi nni Ki go cuani ba ne. Bi baa go maa bi yibalinba n den bolini yaa dogi Ki yaa ye i niinni. Bi go baa ŋu duven tiidi ki yaa ñu i duven, Bi go baa ga i kuani ki yaa di yi kpaandi.

Mise 4:1

Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nibuoli baa tigibi ki caa likani.