Jeremi 49:31 - Gourmanchéma Bible

³¹ O yedi: ‹Fii mani ki ban koani leni yaa nibuolu yaa niba N kaa leni mi yanduanma, kaa bangi liba kuli po. Li Miali Diedo n yedi yeni. Bi dogu naa pia buliñoabu ki buali sendabiga. U li ye u bebe yo.›

U TIENU MAAMA TILI 2013

³¹ O yedi: ‹Fii mani ki ban koani Leni yaa nibuolu yaa niba N kaa leni mi yanduanma, Kaa bangi liba kuli po. O Diedo n yedi yeni. Bi dogu naa pia buliñoabu, Ki buali sendabiga. U li ye u bebe yo.›

Jeremi 49:31 ပူးပေါင်းရင်းမြစ်များ

Pisomi 123:4

Ti coagi leni bi japaadanba ñuali, Leni bi kafaadanba mo yaa faliga.

Pisomi 73:12

Bi nibiadiba tie yene. Yogunu kuli bi yema mani bipo ke bi pugidi bi piama.

Esayi 32:11

Yaa ye mani leni i jeje yinba yaa puoba n dugi yi yula po yeni. Yiedi mani ki sedi mubili. Baa mani ku gbañagidigu ki ñagini yi ciamu nni.

Esayi 32:9

Yinba yaa puoba n duani yi yama yeni, Fii mani ki cengi n nialu. Yinba Jelusalema badisiaba yaaba n dugi bi yula po, Diadi mani yi tuba ki cengi n maama.

Esayi 42:11

Yaaba n ye mi fanpienma nni leni mi dogi nni kpedi bi niali, Leni Kedala buolu yaaba, yaaba n ye a dobila nni! Sela dogu yaaba n kpaani li pamanli kpaani. Yaaba n ye a juana yula po mo n yigini li pamanli yigini.

Esayi 47:8

Moala cengi mani line, Yinba yaaba n mangidi yi pala leni mi yema, Ki kaa ke yi jigi co Ki tua yi pala nni: «Tinba, tinba bebe lige Yaala n sieni kuli tie fanma. Ti kan tua kpepuona abada Ti kan bandi maakuuga mo n tie yaala.»

Jeremi 48:11

Li Miali Diedo yedi: «Moabi den ye leni mi yanduanma hali o panma nni. Bi naa gedini o yonbidi dietoama nni. Waa den yagini o yama bonliba kuli po, Nani yaa daama n baani yeni. Bi naa taa ma ki kuodi ki lebidi tiatoagu nni Maa lebidi, mi li baa tie yenma. Baa mi nuulu moko naa lebidi.

Esekieli 30:9

Laa daali n baa soani bi tondiba ti ñinbiadi nni, Ban teni Etiopi yaaba n digibi Leni ban ye leni yaa yanduanma. Fala baa yaa ye Etiopi yaaba siiga, Min baa bolini Ejipiti yaa daali. Yeni de! Laa fala n kpendi yeni!»

Esekieli 38:11

A baa yedi: ‹N baa gedi ki baa yaa diema n ki pia paaluba Ki baa yaa niba n ka suo Ki ye leni mi yanduanma bi diedi nni, Ki ye yaa dogi nni n ki pia bilini Ki naa go pia sendabiga, ki naa pia buliñoaluoditi mo.

Esekieli 39:6

N baa soani mi fantama Magogi diema nni Leni yaaba n ye leni mi yanduanma a kpendega siiga. Lanwani bi baa bandi ke n tie Li Miali Diedo.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni, Bani, yaaba n ye bi bebe Kalimeli fuasieli Ki pia yaa tisoangidi n yaba leni yaa yankpaakaani n yaba. Ŋan go yaa kpaa ba nani ŋan den kpa kpaa ba maama Yaa yankpaakaani n ŋani boncianla ki ye Basana leni Galaadi diema nni yeni.

Nahumi 1:12

Li Miali Diedo maadi leni Juda yaaba ki yedi: «Baa yi yibalinba yaa yaba ki go pia u fidu, Bi baa bolini ba, bi baa bodi cain. N den waani yi fala, Ama n kan go tieni yi la.

Sofoni 2:15

Lani n tie yaala n baa baa laa dogu yaaba, Bani yaaba n den pia ti japaadi ki jigini bi fidiceli, Ki tama ke liba kuli kan baa ba, Ke baa pia kuli bilie. Diidi likani n tua paboanli kaanu maama! Likani tua ti yandi wuonkaanu! Yaaba n tagi likani kuli fuoni ki fegini bi yula.

Mi Coadima 23:9

N ye a joatana yula po ki nua ba, N ye a joabila yula po ki ñuadi ba Bi tie yaa nibuolu n paadi ki pia bi yekaanu biba Yu n ki taa leni nibuotoe.

Mi Tiadima 33:28

Lani n teni ke Isalele yaaba ye ke bi jigi co. Bani Jakobo buolu ñinbunli piadi ki ye li bebe. Yaa diema nni n pia *ŋalikama leni duvenpaano Ke mi tanpoli mo luoni ku mangu.