Jeremi 49:23 - Gourmanchéma Bible

²³ Yaa maama n ye Damasa po. Hamati leni Alipadi ye leni i fe, Kelima bi ga laabaalibiado. Bi yama lengidi nani mi ñincianma yeni. Bi ye leni i yanbani ki kan fidi ki sedi suo.

U TIENU MAAMA TILI 2013

²³ Yaa maama n ye Damasi po. Hamati leni Alipadi ye leni i fe, Kelima bi gaa o laabaalibiado. Bi yama lengidi nani mi ñincianma yeni. Bi ye leni i yanbani ki kan fidi ki sedi suo.

Jeremi 49:23 ပူးပေါင်းရင်းမြစ်များ

Mi cilima 14:15

O den boagidi o toatieba ke wani leni bani n pua bi badiba ku yagisiigu. O den pua ki paadi ba ki deli ba ki gedini ba hali Hoba, yu n ye Damasa dogu ganu po.

Mi cilima 15:2

Abalama den goa ki yedi: «N Diedo, Li Miali Diedo ŋan baa pa nni yaala pia npo mi laa fuome ke n caa ki baa kpe kaa pia biga? Lanwani yua baa tua min pia yaala kuli yaa faajielo baa tua Damasa dogu yua Elieseli n yonbo yeni.»

2 Samueli 17:10

Lanwani baa a jakoanda yaaba n pia li papaali nani i yangbanli yeni tugusoama baa sani, kelima Isalele yaaba kuli bani ke yaaba n ye leni o tie jakoanda.

2 Samueli 8:9

Hamati bado Toyi den gbadi ke Dafidi paadi Hadadeseli toagoli kuli.

1 Bi Badiba 11:24

Dafidi n den bolini o canbaa Hadadesedi toagola yaa yogunu, wani Lesoni den taantaani bi niba ki tua bi nibiadiba yudaano. Bi den gedi Damasa ki kali likani ki diedi u dogu.

2 Bi Badiba 17:24

Asili bado den ñani Babilona niba leni Kuta niba leni Afa niba leni Hamati niba leni Sefadifayima niba bi nitianba, ki teni ke bi lebidi Isalele yaaba ki kaa bi diema nni, Samali dogu nni.

2 Bi Badiba 18:34

Hamati leni Alipadi dogi buli ye le? Sefadifayima leni Hena dogi yaa buli wan ye le? Naani yi fidi ki faabi Samali n nuu nni?

2 Bi Badiba 19:13

Hamati, Alipadi, Sefadifayima, Hena leni Ifa dogi yaa batieba kuli ye le?› »

2 Bi Badiba 5:12

Naani Damasa kpeni Abana leni Padipadi, ki ŋani ki cie Isalele ñima kuli? Naani n kan bi fidi ki wali lienni ki ŋanbi?» O den lebidi ki ban kuni ke o pali be.

2 Bi Badiba Jama 16:2

Asa den ñani ŋanjilifa leni wula Li Miali Diedo diegu ŋalimano nni leni o bado diegu ŋalimano nni, ki soani la Sili bado Beni-Hadadi po yua n den ye Damasa leni yaa maama n tie na:

Mi Ñama 15:15

Edomi yaa badiba ye leni i jeje, Mi digibima cuo Moabi yaa jakoanda kuli, Kanana yaaba kuli jigi cie.

Esayi 10:9

Naani yaala n tieni Kalino ka go tieni Kalikemisi? Bi yaala n tieni Hamati yeni ka go tieni Alipadi? Yaala n tieni Samali ka go tieni Damasa?

Esayi 11:11

Laa daali O Diedo baa goa ki tandi o nuu Ki da ki faabi o niba Yaaba n sieni ki ye Asili leni Ejipiti diema nni, Patilosi leni Etiopi, Elami, Sineala, Hamati leni mi ñincianma kpendega nni.

Esayi 13:7

Lani n teni ke i nii kuli tadigi Ke bi jaba kuli mo ki go pia papaali.

Esayi 36:19

Hamati leni Alipadi buli ye le? Sefadifayima buli ye le? Naani yi fidi ki faabi Samali n nuu nni?

Esayi 37:13

Hamati, Alipadi, Sefadifayima, Hena leni Ifa dogi yaa batieba kuli ye le?»

Esayi 57:20

Ama bi nibiadiba wani tie nani yaa ñincianma n lengidi yeni, Yaama n kan fidi ki duani suo, Mani yaama yaa ñima n fiindi ti moamoadi leni li ŋuabili yeni.

Esayi 7:8

Kelima Damasa n tie Sili yaaba dociamu, Letisini mo n tie Damasa dogu bado. Ne leni piiluoba n bina muu Efilayima diema baa pua ki yadi yadi, Ki kan go yaa tie nibuolu.

Jeremi 39:5

Ama Babilona yaaba, bi toatieba den ŋoadi ki deli ba ki ban nandi Sedesiasi Jeliko tialu nni. Bi den cuo ki gedini o Babilona bado Nebukanesa kani Libila dogu nni, Hamati diema nni, ki den jia leni o ti buudi.

Esekieli 27:18

Damasa yaaba den kpendi leni fini, Kelima a kpenkpenditiadi yaadi n ŋani boncianla po, Kelima a piakandikaama po. Bi den kpendi apo Heliboni yaa duven leni yaa pekobidi n pieni.

Amosi 6:2

Gedi mani ki ban diidi Kaline dogu Ki ña lankani ki gedi hali Hamati, u dociamu, Li yaa puoli, yin gedi mani Filisiti yaaba dogu Gati po. Naani laa dociami pia mi piama ki cie yi dieliedima bi? Naani bi diema yaba ki cie yi yaama yo?

Nahumi 2:10

Fagi mani ŋanjilifa! Fagi mani wula! Ŋalimani dua u dogu yeni niinni kaa pia bianu. U gbie leni ŋalimani buoli, yi n kaa pia coali.

Mi Coadima 13:21

Bi den gedi ki ban gaani ki diidi mi diema, ki cili hali Tisini fanpienma nni, ki ban pundi hali Lehobi ki ku leni Hamati dogu.

Jesu Tondiba Tuona 27:20

Dana boncianla den pendi ke u yienu leni a ŋmabila naa den ñani. Ku faagu mo den figi ki bia hali boncianla ke tii go den daani ke ti go baa ye leni miana.

Jesu Tondiba Tuona 9:2

ki mia o wan diani a tila li *balimaama bangima diena yudanba yaaba n ye Damasa po, ke o yaa ban laa lipo, ja bi pua kuli, ke bi ŋua laa sanu, wan loli ba ki cuani Jelusalema.

2 Korenti 11:32

Min den ye Damasa dogu nni, Aleta o badiciamo n den dini yua laa dogu bali den teni ke bi gu u dogu buliñoajala kuli ki baa cuo nni.

Mi Tiadima 20:8

Bi toatieba yudanba go baa maadi leni bi toatieba ki yedi: ‹Ti jawaandi pia ŋme ke o pali naa go ka? Wan lebidi ki kuni o denpo, ke o kpiiba mo yaa jigi n da ti cie nani wani yeni.›

Josue 14:8

Yaaba n den yegi leni nni ki gedi den maadi ki wudi bi niba gbani. Ama mini, n den dugi Li Miali Diedo n Tienu po cain.

Josue 2:11

Tin gbadi lankuli, li wudi ti gbani boncianla hali ke ti papaali bodi kelima yipo, kelima Li Miali Diedo yi Tienu n tie U Tienu ki die tanpoli leni tinga kuli.