Jeremi 49:2 - Gourmanchéma Bible

² Li tie lani yaa po ke Li Miali Diedo yedi: «A dana kpendi ke n baa teni bu toabu bubula n fii ki loli Amoni yaaba dociamu nni. Labati baa tua paboanli kaanu. Mi fantama baa je likani n die yaa tinbuona kuli. Isalele yaaba baa goa ki ga ban den die yaala.

U TIENU MAAMA TILI 2013

² Li tie lani yaa po ke o Diedo yedi: «A dana kpendi ke n baa teni Bu toabu bubula n fii ki loli Anmoni yaaba dociamu nni. Raba baa tua paboanli kaanu. U mu baa je likani n die yaa tinbuona kuli. Isidayeli yaaba baa guani ki gaa ban den die yaala. O Diedo n yedi yeni.

Jeremi 49:2 ပူးပေါင်းရင်းမြစ်များ

2 Samueli 11:1

Li binli lebidima, bi badiba n yen caa bu toabu yaa yogunu n den pundi, Dafidi den soani o guudikaaba yudaano Joabi, wani leni o naacenba leni Isalele toatieba kuli, ke ban ban bolini Amoni buolu ki lindi ki cebini bi dociamu Laba ki paadi u. Ama Dafidi den sedi Jelusalema.

Pisomi 48:11

U Tienu, nani a yeli n ñani maama, A pagidi moko pundi hali u tinbianu yene. A jienu kuli gbie leni mi *teginma.

Pisomi 97:8

Siyono po, bi ga o laabaalo ki mangi bi pala. Juda dogi ye leni li pamancianli Kelima fini Li Miali Diedo, ŋan jia yaa buudi po.

Esayi 11:14

Bi baa taani ki baa Filisiti yaaba nintuali po. Ki taani ki fagi puoli yaaba. Edomi leni Moabi yaaba baa le fala bi nuu nni. Bi baa diedi Amoni yaaba.

Esayi 17:1

Yaa sawalo n ye Damasa yaaba po. Diidi Damasa kan go yaa tie baa dogu moko. Li baa tua diegbena.

Jeremi 4:19

Ŋain n tugu, n tugu koani! Ŋain n tugu nni, n tugu nni! Ŋain n pali koani! N tugusoama sani, n kan fidi ki yaa ŋmini N gba li naatuntunli piebima Leni bu toabu kuudi.

Jeremi 49:1

Yaa maama n ye Amoni yaaba po Li Miali Diedo yedi nanda: «Naani Isalele ki pia bijaba yo? Waa pia yua n baa je o faali yo? Be yaa po yo ke Amoni yaaba bado die Gada Ke o niba mo ye Gada dogi nni?»

Esekieli 21:20

Ki teni ke ti jawaandi cuo ba, Ki teni ke yua kuli digibi leni i jeje. N sieni mi bolinma jugisiega buliñoabu kuli nintuali, Yaaga n pelini nani mi tañigima yeni bogini ki baa kpa.

Esekieli 21:25

A baa fuu sanyendu, ke ki jugisiega n pundi Amoni yaaba dociamu Laba, leni Juda diema dopaalu Jelusalema.

Amosi 1:14

Lani yaa po n baa soani mi fantama Laba dogu bilini nni, Mi baa je likani dieŋama, mi janjanma daali, Bu toabu kuudi siiga, Li baa yaa tie nani ku tafaabiadigu siiga yeni.

Abidiasi 1:19

N niba, Juda yaaba, baa diedi Edomi diema niganu po. Yaaba n ye Sefela baa diedi Filisiti yaaba diema. Bi baa diedi Efilayima buolu diema leni mi dociamu Samali. Benjamina buolu yaaba baa diedi Galaadi diema.

Mi Coadima 10:9

Yi diema nni, yi yaa fii ki caa bu toabu ki baa koani leni yi yibalinba yaa yogunu, yin piebi kakacinba boncianla mini Li Miali Diedo po n baa tiadi yipo. Yeni mini Li Miali Diedo yi Tienu baa ga yi yi yibalinba kani.

Mi Coadima 21:25

Isalele yaaba den fie laa dogi kuli ki den kali Amola yaaba dogi nni ki taani leni yaa dogu n yi Hesiboni leni u tinkundogi kuli nni.

Mi Tiadima 13:16

Lanwani yi baa kpa laa dogu yaaba leni ki jugisiega ki bolini u dogu yeni kuli leni yaala n ye u niinni. Yi baa kpa ti yandi mo kuli leni ki jugisiega.

Mi Tiadima 3:11

Basana bado bebe n tie yua n den sieni Lefayima yaaba siiga. O duanu den tie kudi duanu, yu n ye Amoni yaaba dociamu Labati po. U foagimu den tie nukpanduna yia, u pianu mo nukpanduna naa ja yaa nukpanduna.

Josue 17:11

Isakala leni Asela buolu yaaba diema nni, Manase buolu yaaba den baa yaa dogi n tie na: Beti-Seyani leni Jibileama leni yin den die yaa dobila, leni Doli, Eni-Doli, Taanaki, Megido leni i niba leni i tinkundogi, lani n tie Dodi gaanma tinbuona.

Josue 17:16

Josefi puoliŋuani den goa ki yedi: «Li tie moamoani ke li juali kan dagidi ti. Ama Kanana buolu yaaba yaaba n ye i tiali nni leni yaaba n ye Beti-Seyani leni u tinkundogi nni leni yaaba n ye Jisileeli joaloangu nni kuli pia toateliti ke ti tie kudi.»