Jeremi 49:13 - Gourmanchéma Bible

¹³ N poli mini nba yaa yeli nni, Botisila baa tua fe bonla, li baa yaa bia opo, o dogi mo kuli baa tua diegbendi yaa yogu n tu yaa yogu. Mini Li Miali Diedo n yedi yeni.»

U TIENU MAAMA TILI 2013

¹³ N poli mini n ba yaa yeli nni, Botisira baa tua fe bonla, li baa yaa bia o po, o dogi mo kuli baa tua diegbendi yaa yogu n tuu yaa yogu. Mini o Diedo n yedi yeni.»

Jeremi 49:13 ပူးပေါင်းရင်းမြစ်များ

Mi cilima 22:16

«Mini Li Miali Diedo n yedi mine: ‹Kelima a den tieni lankuli ki naa yie npo a bijua, a bijayenyendo,

Mi cilima 36:33

Bela den guani ke Botisila yua Sela yaa bijua Yobabi den ga o yaa kaanu ki kali ti gbandi po.

1 Bi Badiba Jama 1:44

Bela den guani ke Yobabi, Selaka bijua, Botisila dogu yua den ga o kaanu ki kali ti gbandi po.

Esayi 34:6

Li Miali Diedo jugisiega gbie leni mi soama Ki go guo leni mi kpama leni a pebila leni a ŋuabuana soama Leni a petona cayaana kpama Kelima li padili ye Botisila dogu nni Li Miali Diedo po Li tuonli baa soani Edomi diema nni.

Esayi 45:23

N poli leni n yuli I moamoani ña n ñoabu nni. Yaa maama n tie na mo kan lebidi: «Dunli kuli baa gbaani n nintuali Lanbu mo kuli baa poli n yeli nni.»

Esayi 63:1

Ŋme n ñani Edomi po ki kpendi yeni? Wani yua ñani Botisila ki laa ti tiamoandi Ki bobi yaa tiadi n ñuliti kolinkolini Ki cuoni leni ti jigidi Ki cuoni ki gaani leni u fidu yeni tie ŋme? Li tie mini yua n maadi i moamoani Ki pia yaa paalu n baa fidi ki faabi.

Jeremi 18:16

Bi teni ke bi dogu kpandi ki tua ti jawaandi bonla Leni li ñuali bonla. Yaaba n tagi likani kuli ti jawaandi leni li pakili cuo ba Ke bi fegini bi yula.

Jeremi 19:8

N baa teni u naa dogu n tua i jeje leni li ñuali bonla. Yaaba n baa tagi laa dogu kani kuli Baa jie lan paki ba, ban go ñuadi u mo. Kelima wun laa yaa fala kuli po.

Jeremi 44:26

Lani yaa po yinba Juda yaaba, yaaba n kaa Ejipiti diema nni cengi mani mini Li Miali Diedo maama! Diidi n poli n yeli yaali n yaba nni, ki bili ke Juda yaaba siiga oba kuli kan go poli Ejipiti diema nni ki yedi: ‹O Diedo, Li Miali Diedo fo!›

Jeremi 48:24

Kelioti leni Botisila. O nandi Moabi diema dogi yi n kuu Leni yi n foagi kuli.

Jeremi 49:22

O tie nani jiebani n fii ki yugi, Ki fidi o fiabi maama yeni. Botisila po Edomi jakoanda tugusoama sani Nani yaa pua n bua ki maa tugusoama n sani maama yeni.

Jeremi 51:14

Li Miali Diedo U Paaciamu Kuli Daano poli wani oba yaa yeli nni ki yedi: «N baa gbieni a leni bi niba nani a dondoba yeni. Bi baa kpaani apo i pamandankpaani!»

Amosi 1:12

Lani yaa po n baa soani mi fantama bi dogu Tema nni. Mi baa je Botisila dogu dieŋama.»

Amosi 6:8

O Diedo, Li Miali Diedo taa wani oba yeli ki poli, Li Miali Diedo U Tienu, U Paaciamu Kuli Daano yedi yaa maama n tie na: «N nani Jakobo puoliŋuani japaadi, N nani bi dieŋama, N baa taa bi dogu Samali leni yaala n ye u niinni, Ki teni bi yibalinba.

Abidiasi 1:18

N niba Jakobo puoliŋuani baa tie nani mi fantama yeni, Josefi puoliŋuani mo baa tie nani mi fantanlanma yeni. Ama Esayu puoliŋuani baa tua nani mi fenma yeni. Bi baa bolini Esayu puoliŋuani nani mi fantama N yen buoni mi fenma maama yeni. Oba kuli kan cia Esayu puoliŋuani siiga. Mini Li Miali Diedo n yedi yeni.»