Jeremi 48:47 - Gourmanchéma Bible

⁴⁷ Ama li daali kpendi ke Moabi baa goa ki ŋanbi. Li Miali Diedo n yedi yeni.» Moabi buudi gbenma n yeni.

U TIENU MAAMA TILI 2013

⁴⁷ Ama li daali kpendi, Ke n baa guani ki ŋanbi Moabi. O Diedo n yedi yeni.» Lani n tie Moabi diema buudi gbenma.

Jeremi 48:47 ပူးပေါင်းရင်းမြစ်များ

Jobi 19:25

Kelima n bani ke n *candanbaalo fo, Ke wani n baa juodi ki fii ki tinga nni.

Esayi 18:7

Laa yogunu yaa nibuolu yaa niba n kpedi ke bi gbani ñuliti, hali yogu ban jie yaa nibuolu li ŋandunli nni yeni, baa cuani bu paabu Li Miali Diedo U Paaciamu Kuli Daano kani. Laa nibuolu pia u paalu ki paani bi yibalinba ke i kpenciami mo gbie bi diema nni. Bi baa cuani laa padili Li Miali Diedo yeli n ye naankani Siyono juali po.

Esayi 23:18

Ama o bonbaakaala leni o ñuadi kuli baa tua Li Miali Diedo po yo. Bi kan dogini la, bi kan bili la mo. O bonbaakaala baa tua yaa jiema n guondi leni yaa tiayiekaadi n ŋani boncianla, yaaba n ye Li Miali Diedo nintuali po.

Esayi 25:11

Laa buogu yaa niinni o tandi o nii, Nani o ñindugilo n yen tandi maama ki dugi yeni. Ama Li Miali Diedo baa jiini o japaadi, Baa leni o moandili kuli.

Esayi 45:20

Yin taani ki cua mani nne Taani ki nagini mani I nibuoli siiga yaaba n cia Yaaba n tugi bi bulo daagu yeni. Baa bani bonliba kuli Ki nan miadi o bulo Yua n kan fidi ki ga ba.

Jeremi 12:14

Li Miali Diedo yedi mine Isalele yieninlieba yaaba n ki ŋani yeni po, Bani yaaba n fie min puni n niba Isalele yaaba yaa tinga. Diidi n baa ñani ba bi tinga nni. N baa ŋabi ki ñani Juda buolu bi siiga nni.

Jeremi 12:15

Ama n yaa ŋabi ba yaa yogunu Se mi niñima n goa ki cuo nni bikuli yendo yendo po, Min goa ki guani ba yua kuli o tinga nni, Yua kuli o diema nni.

Jeremi 23:20

Li Miali Diedo pabienli kan pegidi ki teli potogu kuli Se li cua ki tieni wan jagi maama o pali nni. Li daali kpendi ke yi baa bandi lan bua ki yedi yaala.

Jeremi 30:24

Li Miali Diedo pabiencianli kan pegidi ki teli potogu, Hali wan baa tieni o pali nni wan jagi yaala. Li daali kpendi ke yi baa bandi lan bua ki yedi yaala.»

Jeremi 46:26

N baa ŋa baa yaaba n bua ki ñani bi miana nuu nni. N baa ŋa ba Babilona bado Nebukanesa, leni o toagoli nuu nni. Li yaa puoli Ejipiti diema baa goa ki tua nani man den kpa tie maama. Li Miali Diedo n yedi yeni.

Jeremi 49:39

Ama u yogunu kpendi ke n baa teni Elami po yonbi n guani. Mini Li Miali Diedo n yedi yeni.»

Jeremi 49:6

Ama li yaa puoli n baa teni Amoni yaaba yonbi n goa ki kpeni.» Li Miali Diedo n yedi yeni.

Esekieli 38:8

Yaa yoguni n baa ŋoadi dana nni yaa po A baa goa ki ga a tuonli, Mi juodima yogunu ŋan fii ki baa mi diema. Mi niba yaaba n faabi leni ki jugisiega Ki den yadi yadi ki ye yaa nilanbuoli n yaba boncianla siiga Baa taani Isalele diema juana po, Yaa n ki den pia niba yeni po. Bikuli baa yaa ye leni mi yanduanma bi diedi nni.

Danieli 10:14

N cua a kani ki baa waani a yaala n baa ti faa ki cua a nibuolu yaaba po. Kelima li go pia li bonlekaala laa yogunu po.»

Danieli 11:41

O baa kua yaa diema n ŋani ki cie mi diema buoli kuli niinni. Bi niba boncianla baa kpe, ama Edomi yaaba leni Moabi yaaba leni Amoni yaaba yudanba baa cia.

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Mi Coadima 24:14

To moala n baa lebidi ki kuni n nibuolu po. Cua ne min tuodi ki waani a, laa nibuolu n baa ti faa ki soani a niba yaa tuona.»

Mi Tiadima 31:29

Kelima n bani n yaa kpe, yi baa *joagini ki go fiagi yi yula, ki yaadi ki ŋa min bili yipo yaa sanu yeni. Lani, fala baa faa ki ŋma yi yaa yogunu n kpendi po, yaa yogunu ke yi baa tieni mi biadima, hali maama ke yi baa fiini o pali leni yi nii bontienkaala.»

Mi Tiadima 4:30

Laa bonla kuli yaa tieni yi ke yi ye li paboanli nni yaa yogunu, yi baa lebidi ki guani Li Miali Diedo yi Tienu kani ki cengi o nialu.