Jeremi 48:41 - Gourmanchéma Bible

⁴¹ Yibali fie i dogi leni i kaanpaali kuli. Laa daali mo Moabi jakoanda tugusoama tiini Nani yaa pua n baa maa yaa tugusoama n tiini maama yeni.

U TIENU MAAMA TILI 2013

⁴¹ Yibali fie Keriyoti leni Mesatidoti. Moabi jakoanda tugusoama tiini, Nani yaa pua n baa maa, Yaa tugusoama n tiini maama yeni.

Jeremi 48:41 ပူးပေါင်းရင်းမြစ်များ

Esayi 13:8

Ti jawaanciandi cuo ba hali boncianla. Bi ye leni fala ke bi tugidi nni ŋmagini ke bi buandi. Bi ŋmagini biba yo nani yaa pua n baa maa yeni. Bi diidi biyaba leni ti jawaandi, Bi nunmu kuli moandi nani mi fantama yeni.

Esayi 21:3

Lani n teni ke n ciaga ye leni mi koankoanma Nani yaa funfunma n ye Yaa pua n baa maa po yeni. N jie ki luodi mo ki kan fidi ki le. Mi funfunma teni ke n kan fidi ki gbadi.

Jeremi 30:6

Buali mani yiyaba bonŋanla, Ŋme n kpa laa o ja n gbaani ki mali naani? Be yaa po yo ke n nan nua ke bi jaba kuli Ñii bi ciamu nani yaa pua n baa maa yeni? Be yaa po yo ke mu nunmu kuli gbidi?

Jeremi 4:31

N gba li dunli, nani yaa pua n gbaani Ki bua ki maa yaa dunli yeni, N gba i yanbani ñiindi nani yaa posiaga n da baa kpa maa o cicilimadi yeni, Siyono badisalo yaa nialu yo. O fuo ki jiindi O tandi o nii ki yedi: «N bonla pia mi niñima, Bi nikpaba baa pua ki kpa nni.»

Jeremi 4:9

Laa daale ke mini Li Miali Diedo yedi: «O bado leni o koanbala jigi baa cie, Bi kopadicianba pala baa biidi Li pakili baa paki bi sawalipuaba.»

Jeremi 48:24

Kelioti leni Botisila. O nandi Moabi diema dogi yi n kuu Leni yi n foagi kuli.

Jeremi 49:22

O tie nani jiebani n fii ki yugi, Ki fidi o fiabi maama yeni. Botisila po Edomi jakoanda tugusoama sani Nani yaa pua n bua ki maa tugusoama n sani maama yeni.

Jeremi 49:24

Damasa tadigi. O pegidi ki baa sani. Mi digibima cuo o. Li paboanli leni mi loma cuo o Nani yaa pua n baa maa yeni.

Jeremi 50:37

Bu toabu, fii ki sedi o taami leni o teliti po! Fii ki sedi yaa nibuoli n taani Ki ye u dogu tugu nni kuli po. Teni ban kpandi ki tua puoba. Bu toabu, fii ki sedi bi ŋalimani po Ki teni ban fagi ba likuli!

Jeremi 50:43

Babilona bado ga laabaali ke o jigi cie. Li paboanli cuo o. Li koani o nani yaa pua n baa maa yeni.»

Jeremi 51:30

Babilona jakoanda gbali bu toabu, Ki sani ki wuoni a toadiena nni. Bi jie ki luodi Bi kpandi ki tua puoba. Bi juu mi diema mi fantama Ki mudi mi buliñoaluoditi kpakpaana.

Jeremi 6:24

Ti baa laabaali Ke ti gbani wudi. Ti jawaandi cuo ti Li koani ti nani yaa pua n gbaani ki baa maa yeni.

Amosi 2:2

N baa soani mi fantama Moabi diema nni, Mi baa je Kelijoti dogu dieŋama, Moabi baa bodi ku fuugu siiga Leni bu toabu kuudi siiga leni kakaci piebima siiga.

1 Tesaloniki 5:3

Yaa yogunu ke bi niba baa tua: «Mi yanduanma leni laafia ye,» lanyogunu yo ke mi bolinma baa ludi ba nani u maditugukoanu n yen ludi yaa pua n baa maa yeni. Bi kan fidi ki sani ki cia.