Jeremi 48:26 - Gourmanchéma Bible

²⁶ Li Miali Diedo yedi: «Ñuni o mani wan gaadi kelima o fii ki sedi Li Miali Diedo po. Moabi n yaa faligidi o siindi nni, wan guudi ki ga i fe.

U TIENU MAAMA TILI 2013

²⁶ O Diedo yedi: «Ñuni o mani wan gaadi, kelima o fii ki sedi o Diedo po. Moabi n yaa faligidi o siindi nni, ki guudi ki gaa i fe.

Jeremi 48:26 ပူးပေါင်းရင်းမြစ်များ

Jobi 15:25

Lani n tie yaala n baa baa yaa nisaalo N fii ki sedi U Tienu U Paaciamu Kuli Daano po.

Jobi 9:4

Wani n pia mi yanfuoma leni u paaciamu kuli, Ŋme n baa fidi ki yie opo, lan cedi o?

Pisomi 2:4

Yua n kaa ti gbandi po tanpoli laa ba ti laadi, O Diedo ñuadi ba.

Pisomi 59:8

Diidi bi ñoana kuli gbie leni mi biadima. Mu jugisiemu ye bi ñoacuuna po. Bi tua: «Ŋme n baa gbadi?»

Pisomi 60:3

Ŋain U Tienu, a luni ti ki yadi ti, Kelima a pali beni tipo. Baa leni lankuli, goa ki taani ti tin yaa pa.

Pisomi 75:8

U Tienu n tie yua n baa jia ti buudi O jiindi one, ki fiindi o yua.

Mi Ñama 5:2

Falono den yedi: «Li Miali Diedo tie ŋme yo ke n baa tuo ki ŋoadi o maama ki cedi Isalele yaaba n gedi? Mii bani Li Miali Diedo, n kan tuo Isalele yaaba n gedi mo.»

Mi Ñama 9:17

A yaa go fiini a yuli n niba po ki naa tuo ke bi gedi,

Esayi 10:15

Naani li yali baa jigini li yuli yua kubi li ki tuuni kani? Naani ku sasaagu baa yaa pia kafaama leni yua tuuni leni ku? Naani u gbiamu n baa mubini ki yoagi yua n yugidi u? Naani li gbadunduli n baa yugidi yua n muubi li?

Esayi 19:14

Li Miali Diedo teni ke Ejipiti yaaba jigi cie. O teni ke baa go bani kuli ban tiendi yaala Nani o dañogaado n yen jadibi ki ŋmaadi o siindi maama yeni.

Esayi 28:8

I saajekaani kuli po siindi bebe n wuli ki nuugidi. Baa kaanyendu yu ŋani ki ye.

Esayi 29:9

Sedi mani suo, ki jie ki luodi! Ŋubini mani, ki kpandi mani juama, Ki yaa tie nani yi ñuni ki gaadi yeni, Ama laa tie leni daama ka, Ki jadibi jadibi ama ke dabiadima ka kubi yi.

Esayi 51:17

Fundi mani, fundi mani! Fii mani, yinba Jelusalema yaaba! Yinba yaaba n ñuni Li Miali Diedo nuu nni O pabienli tadiñokaaga. Yinba yaaba n ñuni ki fuadi Yaala n den ye ki nunfufuuga tadiñokaaga nni.

Esayi 63:6

N den ŋma i nilanbuoli n pabienli nni Ki teni ke bi ñuni n pabiencianli ki gaadi Ke n den wuli bi soama ki tinga po.

Jeremi 48:39

Diidi mani wan jie ki luodi maama, mua mani! Moabi buli o nunga kelima i fe po. Moabi kpandi ti laadi leni i jeje bonla yaaba n gaani ki lindi o kuli po.»

Jeremi 48:42

Moabi baa bodi, o kaa go tie nibuolu Kelima o fii ki sedi Li Miali Diedo po.

Jeremi 50:29

Yini mani a dabantuada n cua ki baa Babilona. Yaaba n bani li dabanli kuli, Gaani ki lindi mani u dogu Niloba kuli n da cia. Pa o mani nani o tuona n tie maama. Guani o mani wan tieni yaala kuli. Kelima o tieni mi kafaama Li Miali Diedo Isalele Tienu Yua n Gagidi ki ŋani po.

Jeremi 51:39

Bi yaa baa li yankuali yaa yogunu, N baa bogini bi jiema, N baa ñuni ki guoni ba Lan yaa mani ba ban guani ki kan go fundi. Li Miali Diedo n yedi yeni.

Jeremi 51:57

N baa ñuni ki gaadi o koanbala, o yanfodanba, o gufeneelinba, o bujiaba leni o jakoanda. Bi baa guani yaa guama ke bi kan go fundi. Bi kan go fundi hali abada. O Bado yua yaa yeli n tie Li Miali Diedo U Paaciamu Kuli Daano n yedi yeni.

Jeremi 51:7

Babilona den tie Li Miali Diedo nuu nni wula yaa tadiñokaaga Yaaga n teni ki tinga niba kuli ñuni ki gaadi. I nibuoli ñuni mi daama. Lani n teni ke i nibuoli yama bodi.

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Bi mangi bi pala leni ŋan teni ke li tieni. Ŋan den maadi yaa daali yaa maama yeni, A teni ke li cua. Teni bani moko n goa ki tua nani mini yeni!

Jeremi Bubula 3:15

O teni ke n ye leni li paboanli hali boncianla Ki ŋa nni leni i yanbani.

Jeremi Bubula 4:21

Edomi diema poŋamo, suagi ki yaa mangidi a pali, Fini yua n kaa Utisi diema nni. A moko baa mubini ki tadiñokaaga Ki ño ki gaadi, Ki sedi mubili.

Danieli 11:36

Nijienu po diema bado yeni baa yaa tiendi wan bua yaala kuli. O baa gbengi oba ki kpiagi o yuli ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi biadikandikaama. Wan tieni yaala kuli baa cuoni opo bonŋanla hali U Tienu pabienli n doagidi. Lanwani U Tienu n den bili yaala kuli baa tieni.

Danieli 5:23

A fiini a yuli ki koani leni Tanpoli Diedo ki teni ke bi cuani a kani yaa tadiñoakaamu n den ye o diegu nni ke yi ñuni mi daama mu niinni, fini leni a paatieba leni a puoba leni a poconcona. A pagi i buli yaala n tie ŋanjilifa, yaa ka wula, yaa ka ti kumoandi, yaa ka ti kuboandi, yaa ka ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 8:10

Li yinli yaali n den pudi yeni den tuogi leni tanpoli yaaba ki teni ke bi siiga bi tianba leni a ŋmabila siiga a tiama baa tinga nni ke li ŋma bikuli.

Nahumi 3:11

Yinba Ninife yaaba moko baa le fala hali ki yaa cuoni Ki fuundi nani yi ñuni ki gaadi yeni. Yi moko baa sani ki liini u wuonkaanu ki bua ki cia yi yibalinba.

Habakuki 2:16

Yi fiagi yi yula yo, yii jigindi yi yula ka ba. Yi moko n ño ki gaadi ki yiedi mubila. Yi kpiagidi baa lebidi ki tua fe. Li Miali Diedo baa teni yin ñuudi leni paalu yo o pabienli tadiñokaaga.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu dieli ki yini o yuli U Tienu.

Mi Doagidima 16:19

U dociamu tinga den yagidi kaani taa. I nilanbuoli dogi mo den baa ki mumudi. U Tienu den tiadi u dociamu Babilona yeni po, ki baa teni wun ño yaa duven n ye o pabiencianli tadiñokaaga nni.