Jeremi 48:15 - Gourmanchéma Bible

¹⁵ Moabi diema pua nafanu Mi dogi muñii fii ki loli Bi caani ki baa n kodi mi nipanba liiga yaaba. Yaa bado n yi Li Miali Diedo U Paaciamu Kuli Daano n yedi yeni.

U TIENU MAAMA TILI 2013

¹⁵ Yua n baa bolini Moabi diema cua, Ki baa mi dogi. Moabi nipanba tua yankodikaadi. Yaa bado n yi Li Miali Diedo U Paaciamu Kuli Daano n yedi yeni.

Jeremi 48:15 ပူးပေါင်းရင်းမြစ်များ

Pisomi 47:2

Yinba i nilanbuoli kuli, Pua mani ti nupodi! Yiini mani ki pagi U Tienu!

Jeremi 46:18

Mini Li Miali Diedo U Paaciamu Kuli Daano n tie Bade. Nani a juana siiga Taboli juali n kpedi maama Ke Kalimeli juali mo n se mi ñincianma nni maama yeni, Yibalinba baa cua ki baa Ejipiti diema ke laa pia tama yene.

Jeremi 48:4

Moabi pua nafanu n yeni! Cengi mani o niba n buudi yeni.

Jeremi 50:27

Kpa mani o naatona kuli Gedini ba mani u yankodikaanu kani. Fala baa ba kelima bi yogunu pundi Bi buudi fala yogunu pundi.

Jeremi 50:34

Ama bi todika pia u paaciamu Wani yua n yi Li Miali Diedo U Paaciamu Kuli Daano yeni. O baa koani ki ga ba. Lani n tie u dogu n baa mi yanduanma. Ama n nan baa coagi Babilona yaaba wani.

Jeremi 51:40

N baa pigi ki gedini ba u yankodikaanu po Nani a ŋuabuana leni a petona yeni.»

Jeremi 51:57

N baa ñuni ki gaadi o koanbala, o yanfodanba, o gufeneelinba, o bujiaba leni o jakoanda. Bi baa guani yaa guama ke bi kan go fundi. Bi kan go fundi hali abada. O Bado yua yaa yeli n tie Li Miali Diedo U Paaciamu Kuli Daano n yedi yeni.

Amosi 4:10

N den soani yi siiga u yianbiadipuodiko yu n naani leni Ejipiti yu, Ki teni ke bi ku yi nipanba leni mu jugisiemu, Ki fie yi taami mo. N den teni ke yi toanagili kpiema nuulibiadu kua yi. Ama baa leni lani kuli yii den lebidi ki guani n kani. Li Miali Diedo n yedi yeni.

Sakari 14:9

Laa daali, Li Miali Diedo baa yaa tie ŋanduna kuli bado, Bi niba kuli baa yaa kpiagidi wani bebe, Bikuli baa yaa taagi wani bebe yaa yele.

Malaki 1:14

Ti solindi n yaa ŋua yua n pia o yankulu nni ki yantonga Ki niani ke o baa padi ga o Diedo po, Ama ki nan kandi ki ŋa kani ki taa yanyianga ki padi. Kelima n tie badiciamoe. Li Miali Diedo, U Paaciamu Kuli Daano n yedi yeni. I nibuoli kuli fangi nni.»

Jaki 5:4

Diidi, yaa tuonsoanba n den yendi yi kuani ke yi janbi ba yeni, panpaani mua ki kuli yi. Yaaba n den yendi yi kpaandi yaa moe mo doni ki pundi hali o Diedo U Paaciamu Kuli Daano tuba nni.

Mi Doagidima 19:16

O yeli yaali n tie na diani ki taabi o kpalibu leni o panli kuli po: Bi badiba Bado Leni bi diediba Diedo.