Jeremi 46:2 - Gourmanchéma Bible

² U Tienu n den maadi yaa maama Ejipiti diema po, mi bado*Falono Neko leni o toagoli po. Wani Ejipiti bado yeni den ye u kpenciamu Yufilata kani Kalikemisi po, Babilona bado Nebukanesa n den cua ki pua ki paadi o yaa yogunu. Li den tie Juda bado Josiasi bijua Yeojakimi bijua bali binnaali binli.

U TIENU MAAMA TILI 2013

² U Tienu n den maadi yaa maama Ejipiti diema po, mi bado Faraon Neko leni o toagoli po. Wani Ejipiti bado yeni den ye u kpenciamu Efrati kani Karikemisi dogu nni, Babilonni bado Nebukanesa n den cua ki pua ki paadi o yaa yogunu. Li den tie Juda bado Josiasi bijua Joakimi bijua bali binnaali binle.

Jeremi 46:2 ပူးပေါင်းရင်းမြစ်များ

2 Bi Badiba 18:21

Moala a taa a dugidi kuli ki bili Ejipiti po, yaa kpenkagili n kua ki muu ki suali yua ñii li kuli. Ejipiti bado *Falono tie yene yaaba n dugi opo kuli po.

2 Bi Badiba 23:29

Josiasi bali yogunu, Ejipiti bado Neko den fii ki gedi hali u kpenciamu Yufilata ki baa todi Asili bado. Josiasi den tuogi bu toabu po, ke wani Ejipiti bado n den laa o, o den ku o Megido dogu nni.

2 Bi Badiba 23:33

Ejipiti bado Neko den cuo o ki loli o Libila dogu nni, Hamati diema nni, ke wan da go tie bado ki die Jelusalema. Laa yogunu o den bili ke mi diema yaaba baa teni o ŋanjilifa kilo tudataa (3 000) leni wula kilo piitaa.

2 Bi Badiba 24:7

Ejipiti bado ki go den ña o diema nni kelima Babilona bado den fie wani Ejipiti bado n den die yaala kuli, ki cili Ejipiti kpenu kani ki yaa caa hali Yufilata kpenciamu bianu.

Esayi 10:9

Naani yaala n tieni Kalino ka go tieni Kalikemisi? Bi yaala n tieni Hamati yeni ka go tieni Alipadi? Yaala n tieni Samali ka go tieni Damasa?

Esayi 19:1

Yaa sawalo n ye Ejipiti yaaba po. Diidi Li Miali Diedo jagi yaa tawaligu n jaligi po. O kpendi Ejipiti nni. Ejipiti yaaba *buli digibi o nintuali, Ejipiti yaaba jigi kuli cie.

Esayi 19:19

Laa yogunu li *padibinbinli baa yaa ye Li Miali Diedo po Ejipiti diema siiga. Li bunbunli baa yaa ye Li Miali Diedo po u tinbianu kani.

Jeremi 25:1

Ban den maadi leni Jelemi yaa maama Juda buolu yaaba kuli po o bado Yeojakimi Josiasi bijua, yua den tie Juda bado, li den tie Babilona bado Nebukanesa bali binkpiali.

Jeremi 25:19

Ejipiti bado *Falono, o naacenba, o koanbala leni o niba kuli,

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 36:1

Juda bado Yeojakimi, Josiasi bijua bali binnaali nni Li Miali Diedo den maadi leni Jelemi ki yedi:

Jeremi 43:11

O baa cua ki pua Ejipiti diema. Mi kuuma baa taa bine, bine n gedi ti yonbidi, ki jugisiega mo baa je bine.

Jeremi 45:1

Josiasi bijua Yeojakimi Juda bado bali binnaali binli o sawalipualo Jelemi den maadi ke Neliya bijua Baluki dangi. O den yedi:

Jeremi 46:14

Waani mani laa bonla Ejipiti diema nni. Teni mani Migidoli yaaba n ga laabaali. Teni mani Memifisi leni Tapanesi yaaba n ga laabaali. Yedi mani: «Cua mani ki bogini bonŋanla Kelima bu toabu dini yi gaanilindima kuli niba.»