Jeremi 46:10 - Gourmanchéma Bible

¹⁰ Ama laa daali tie Li Miali Diedo U Paaciamu Kuli Daano po yo. Li tie pantuuli daali. O baa guani yibalinba bi panpaani. Ki jugisiega di, ki baa je ki guo Ki baa ño mi soama bonŋanla Kelima li tie li padili, o Diedo Li Miali Diedo U Paaciamu Kuli Daano po, Nijienu diema nni, ki goa u kpenciamu Yufilata po.

U TIENU MAAMA TILI 2013

¹⁰ Ama landaali tie Li Miali Diedo U Tienu U Paaciamu Kuli Daano po yo. Li tie pantuuli daali. O baa guani o yibalinba bi panpaani. Ki jugisiega di, ki baa je ki guo, Ki ño mi soama bonŋanla, Kelima li tie li padili, Li Miali Diedo U Tienu U Paaciamu Kuli Daano po, Nujienu diema nni, Ki goa u kpenciamu Efrati po.

Jeremi 46:10 ပူးပေါင်းရင်းမြစ်များ

2 Bi Badiba 24:7

Ejipiti bado ki go den ña o diema nni kelima Babilona bado den fie wani Ejipiti bado n den die yaala kuli, ki cili Ejipiti kpenu kani ki yaa caa hali Yufilata kpenciamu bianu.

Jobi 24:1

Be teni ke U Paaciamu Kuli Daano naa bili yogunu ti buudi po? Be teni ke o *nidugikaaba naa bani wan baa jia ti buudi yaa dana?

Esayi 13:6

Mua mani ki figindi kelima Li Miali Diedo daali nagini. Li daali kpendi nani U Paaciamu Kuli Daano n baa cua ki bolini maama yeni.

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Esayi 31:8

Yaa jugisiega n ki tie nisaalo jugisiega n baa kpa Asili yaaba. Yeni de, yaa jugisiega n ki tie nisaalo jugisiega n baa je ba. Bi baa sani ki jugisiega nintuali, Bi jawaaba mo baa yaa tuuni a tuonpaala tilade.

Esayi 61:2

Ki kpaani ke Li Miali Diedo *ŋanbili binli cua Ki go kpaani ke wani ti Tienu pantuuli daali cua, Ki baagi yaaba n ye li paboanli nni kuli.

Esayi 63:4

N pali nni, dinla n bi tie min tu n panli, Min da ki faabi yaaba binli mo pundi.

Jeremi 12:12

Mi fanpienma sani nni kuli, Yaaba n bua ki bolini kpendi na. Li Miali Diedo jugisiega bolindi mi diema Ki cili kaliyendu ki ban puodi u kaliyu. Niloba kuli ki pia laafia.

Jeremi 46:14

Waani mani laa bonla Ejipiti diema nni. Teni mani Migidoli yaaba n ga laabaali. Teni mani Memifisi leni Tapanesi yaaba n ga laabaali. Yedi mani: «Cua mani ki bogini bonŋanla Kelima bu toabu dini yi gaanilindima kuli niba.»

Jeremi 46:2

U Tienu n den maadi yaa maama Ejipiti diema po, mi bado*Falono Neko leni o toagoli po. Wani Ejipiti bado yeni den ye u kpenciamu Yufilata kani Kalikemisi po, Babilona bado Nebukanesa n den cua ki pua ki paadi o yaa yogunu. Li den tie Juda bado Josiasi bijua Yeojakimi bijua bali binnaali binli.

Jeremi 46:6

Yua n yua ki cie bikuli kan fidi ki sani! O jakoando mo kan fidi ki sani ki cia! Nijienu po kpenciamu, Yufilata boanjaana po, Bi tuudi, ki ŋmadi ki baali moko.

Jeremi 50:15

Fii mani opo leni bu toabu kuudi i kaani kuli. O tuo o tadingu. O tanpuuna kuli wudi ki baa O bilini mo kuli wudi ki gbeni, Kelima li tie Li Miali Diedo pantuuli Tu o mani yi panli. Tieni mani o nani wan tieni toaba maama yeni!

Jeremi 50:18

Lani n teni ke Li Miali Diedo U Paaciamu Kuli Daano Isalele Tienu yedi nanda: «N baa fii ki sedi Babilona bado leni o diema kuli po.

Jeremi 51:6

Sani mani ki ña Babilona, yua kuli n faabi o miali! Da ŋmini mani suo kelima o tagili po! Kelima Li Miali Diedo n baa tu o li panli yaa yogunu yeni pundi. O baa pa o o panpaani nani lan pundi maama.

Esekieli 21:28

Bani yaaba n poli li poli yeni baabuuli tie fanme. Ama wani, o tiadi ba bi tagili tiadima ke laa pia kuli tama ke bi baa cuo ba ti yonbidi.

Joeli 1:15

Ŋain, yaa dabiadili n kpendi ne te! Li Miali Diedo pabienli daali nagini, Li kpendi leni U Paaciamu Kuli Daano n jagi yaa bolinma.

Joeli 2:1

Piebi mani li naatuntunli Siyono juali po, Teni mani ban gbadi li moe n joagagidikaali po. Mi diema yaaba kuli n digibi Kelima Li Miali Diedo daali kpendi, Li daali yeni nagini.

Sakari 6:6

Yaa tanboani n den dia toateliyengu den teli nijienu po yaa diema. I tanpieni moko den ŋoadi i tanboani yeni fuuli. I tantuunituuni mo den teli ganu po.

Luki 21:22

Kelima laa dana baa tie li pantuuli yaa dana, ke yaala n den diani kuli n tieni ki dudi.

Mi Tiadima 32:42

N baa ñuni ki guoni n piemi mi soama, N jugisiega mo baa ŋmani ti nandi ki guo, Bi baa guo a kpaada leni i yonbi soama Ki guo leni yibalinba yudanba yaa yula.»