Jeremi 44:6 - Gourmanchéma Bible

⁶ N den jiini n pabienli leni n mutuoli kuli Juda diema dogi po leni Jelusalema sani nni ke likuli kpandi diegbendi leni pabiidili kaani nani tin nua dinla maama yeni.»

U TIENU MAAMA TILI 2013

⁶ N den jiini n pabienli leni n mutuoli, ki juu Juda diema dogi leni Jerusalemi sani, ke likuli kpandi diegbendi leni pabiidili kaani, nani tin nua ke li tie maama dinla yeni.»

Jeremi 44:6 ပူးပေါင်းရင်းမြစ်များ

Esayi 1:7

Yi diema pua nafanu! Mi fantama buoni yi dogi. Bi canba di yi tinga bonluonkaala yi nunbu nni. Laa paboanli tie nani yibalinba n bolini yaa diema yeni.

Esayi 51:17

Fundi mani, fundi mani! Fii mani, yinba Jelusalema yaaba! Yinba yaaba n ñuni Li Miali Diedo nuu nni O pabienli tadiñokaaga. Yinba yaaba n ñuni ki fuadi Yaala n den ye ki nunfufuuga tadiñokaaga nni.

Esayi 51:20

Yi bijaba gbali Ki bibili i sankuni kani kuli Nani yaa kabilo n baa ku diagu nni yeni, Ke Li Miali Diedo pabienli jagi bi yula po Ke yi Tienu mo fu leni ba.

Esayi 6:11

N den yedi: «O Diedo hali u laa yogune?» O den goa ki yedi: «Hali fala n baa nandi i dogi, bi niba n gbeni, Ti diedi n luo bi niba, Ki tinga mo n pua nafanu ki kuodi.»

Jeremi 21:12

Dafidi diegu yaaba, Cengi mani Li Miali Diedo maama! Li Miali Diedo yedi nanda: «Yaa tiendi mani mi *teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii ki be nani mi fantama yeni, Ki cuo maama ke bi kan fidi gbindi ma Kelima yi tuona n bia maama po.»

Jeremi 21:5

Mini nba n baa koani leni yi, ki doagidi n fidu leni n paaciamu, leni li pabiencianli leni mi jama.

Jeremi 34:22

Diidi n baa waani yi n ñoabonbilikaana. Mini Li Miali Diedo n yedi yeni. N baa teni ban cua ki baa u naa dogu. Bi baa koani leni u, ki paadi u, ki juu u mi fantama. N baa teni Juda dogi n kpandi diegbendi, niba n ki ye naani.»

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Jeremi 4:27

Kelima Li Miali Diedo yedi mine: «Mi diema kuli baa jugi, Ama n kan bolini mi kukuli.

Jeremi 4:4

Kua mani ku koanciagu Li Miali Diedo po Lebidi mani yi pala Juda leni Jelusalema yaaba Lani n tie n pali n da be ki cuo nani mi fantama yeni, Ki cuo yaa cuoma ke bi kan fidi ki gbindi ma Kelima yi tuadibiada n gundi maama po.

Jeremi 42:18

Kelima Li Miali Diedo U Paaciamu Kuli Daano, Isalele Tienu yedi nanda: ‹Nani n pali n beni Jelusalema yaaba po maama yeni, yeni moko n pali baa be yipo yi yaa gedi Ejipiti diema nni. Yi baa tua ti solindi leni li pabiidili bonla ki faliga leni u yualu bonla. Yi kan go le u naa kaanu mo abada.› »

Jeremi 44:22

Yi tuongunda leni yi tuonyuodi teni ke Li Miali Diedo kan go bi fidi ki juuni leni yi. Li teni ke yi dogu kpandi diegbendi, paboanli bonla, leni ki faliga bonla, nilo n ki ye naani, nani yin nua maama dinla.

Jeremi 7:17

Naani ŋaa nua ban tuuni yaa tuona Juda dogi nni leni Jelusalema sani nni?

Jeremi 7:20

Lani n teni ke n Diedo, Li Miali Diedo yedi mine: «Diidi n pabiencianli baa nandi u naa kaanu koatiidi, Li niba, li yandi, leni li tinga bonluonkaala kuli. Mi fantama baa yaa siagi la ki kan gbindi.»

Jeremi 7:34

N baa teni Juda dogi leni Jelusalema yaa niinni I pamandanyani n gbeni. Togibaa, leni toginaa moko yaa yani baa gbeni Kelima yaa nafanu n baa pua mi diema yeni po.»

Jeremi 8:3

Laa nibobiadu siiga yaaba n sieni yaa po bani yaaba ke n yayadi ba i kaani kuli yeni mi kuuma baa yaa tunni bipo li miali. Mini Li Miali Diedo U Paaciamu Kuli Daano n yedi yeni.»

Jeremi Bubula 1:1

Jam, li ga lede, Yaa dogu n den gbie bonŋanla yeni N di ti bili bonkuongu, Ki naani leni li kpepuoli! I nibuoli diema siiga, Jelusalema den tie dociamu Ki tie badisalo a dogbenga po, Mani n di goa ki tuuni li tuonpaali!

Jeremi Bubula 1:13

Hali tanpoli, o teni ke mi fantama Kua n kpaba nni ki juugi ŋa. O dia nni ti cuadi, Ki teni ke n ŋmadi ki baa. O teni ke n pali boandi Ki ye leni fala li yentunli nni kuli.

Jeremi Bubula 5:18

Siyono juali biidi. Lankane ke i coli goadi Ban bua maama!

Esekieli 20:33

Mini o Diedo, Li Miali Diedo yua n fo, n baa doagidi n paaciamu yipo ki diedi yi, ki wuli yipo n pabienli.

Esekieli 20:34

N baa ñani yi leni n paaciamu yin yadi yadi ki ye yaa diema nni leni yin yadi ki ye yaa nilanbuoli siiga, ki taani yi ki wuli yipo n pabienli.

Esekieli 24:13

A cagindi kuli ye a joagindi yeni niinne. N den bua ki ŋanbi a, ama a naa den bua ki ŋanbi. A kan go ŋanbi leni a joagindi mo, se n wuli apo n pabienli kuli.

Esekieli 24:8

Li pabienkandikaali nni leni li pantuuli po N wuli u dogu yeni soama li tanminminli po Ke mani mo n da baa kuli yaala n baa maani mipo.

Esekieli 5:13

N baa teni n pabienli n tuoni li bianu, ke min tu n panli. Lanwani bi baa bandi ke mini Li Miali Diedo n maadi, ke n kan tuo ki ga bi tagili.

Esekieli 6:12

U yianbiadipuodiko baa kpa yaaba n ye foagima Ki jugisiega mo n kpa yaaba n ye koanma nni, Mi koma mo n bolini ban cua ki baa mi diema Ki cuo ki sieni yaaba. N baa teni n pabienli bipo n tuoni li bianu.

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Danieli 9:12

A tieni ti ŋan den yedi ke a baa tieni tinba leni yaa batieba n die ti kuli yaala. A luni ti o falabiado. Yaa fala n tieni Jelusalema nni buolu daa kpa tieni kaanuba ŋanduna nni.

Levi 26:28

n baa sedi yipo leni li pabienli ki pua ki faligi yi taalima lele goga yi tuonbiadi yaa po.

Levi 26:31

N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki ga yi tulale pada nuulimanu.

Nahumi 1:2

Li Miali Diedo tie yaa Tienu N pia li *nunponli ki tuugi li panli. Li Miali Diedo tuugi li panli, O pabienli bia boncianla. Li Miali Diedo tuugi o koanginkaaba li panli Ki kan tieni o yibalinba po sugili mo.

Sakari 1:2

«Li Miali Diedo, U Paaciamu Kuli Daano pali den beni yi yaajanba po boncianla.

Sakari 1:6

Ama min den teni n naacenba, bi sawalipuaba yaa ñoabona leni yaa mabilikaama kuli den cuo yi yaajanba pala. Bi den lebidi bi tagi ki yedi: ‹Li Miali Diedo, U Paaciamu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »

Sakari 7:14

N den teni ke bi yadi ba ban kaa den bani yaa nilanbuoli siiga. Ban den gedi ki ŋa mi diema, mi den tua diegbena, nilo n kaa go den tagi naani. Laa diemanma den tua fanpienma ke nilo ki go ye mi niinni.› »