Jeremi 44:17 - Gourmanchéma Bible

¹⁷ Ti bua ki ŋoadi ti pali nni maama yaama n ñani ti ñoana nni ki padi tanpoli badipua po a dugibila padili, ki cabi opo nani ti baanba, ti badiba leni ti koanbala n den tiendi maama Juda dogi nni leni Jelusalema sani nni. Li yogunu ti den pia mi jiema ke li dagidi, ti yema den mani ke falaba ki ye.

U TIENU MAAMA TILI 2013

¹⁷ Ti bua ki ŋoadi ti pali nni jaga, ki juu tanpoli badipua po a dugibila, ki cabi o po nani ti baanba, ti badiba leni ti koanbala n den tiendi maama Juda dogi nni leni Jerusalemi sani nni. Li yogunu ti den pia mi jiema ke li dagidi, ti yema den mani ke falaba ki ye.

Jeremi 44:17 ပူးပေါင်းရင်းမြစ်များ

2 Bi Badiba 17:16

Bi den ŋa Li Miali Diedo bi Tienu ñoabona kuli ki duadi bi yula po naabila lie, ki kpie ku dafoagidigu o bulo*Asitate po ki pugi ki jaandi tanpoli gola, ki ŋoadi*Baali.

2 Bi Badiba 22:17

Nani ban ŋa nni maama ki ban juugi i buli po, tulale ki bua ki fiini n pali ki tiendi tuongunda buoli kuli yeni, n pali beni Jelusalema po ki kan jiidi.› »

2 Bi Badiba Jama 28:23

O den padi Damasa buli kani, yi n den cuani o tingbali. O den yedi: «Nani Asili batieba buli n todi ba yeni, mini mo baa padi bikani, ban todi n moko.» Ama yini i buli yeni n den cuani wani leni Isalele yaaba kuli tingbali.

Nehemi 9:34

Ti badiba, ti yudanba, ti kopadicianba leni ti yaajanba Naa den kubi a bali maama. Bi den fali a mabilikaama leni a tundi.

Pisomi 106:6

Ti tieni ti *tuonbiadi nani ti baanba yeni, Ki tieni i tagili leni mi biadima.

Pisomi 12:4

Li Miali Diedo n bolini i boandi danba Leni yaaba n pia bu lanpaabu kuli

Mi Ñama 16:3

Isalele yaaba den yedi ba: «Li Miali Diedo yaa den cedi ke ti kpe Ejipiti diema nni tin den kaa ki kuu leni a nanboba yaa yogunu ki go ŋmani dupen ki guodi laa den tu? Kelima yi cuani ti mi naa fanpienma nni ki bua ki teni ku naa niligu kuli n kpe mi koma.»

Esayi 48:5

N den tuodi ki waani yi laa bonla hali yogu, Ki den teni ke yi ga li laabaalo hali ke li daa cua Ke yin da ti yedi: «Ti *bulo n tieni la Li tie tin kpie yaala, bi tin duadi yaa nannanli N teni ke li tieni.»

Jeremi 1:16

N baa jia laa buudi leni ba Kelima bi biadima po, Kelima bi ŋa nni ki juu a *dugibila i *buli po, Ki gbaani ki pugi bi nii n tagi yaala.

Jeremi 11:12

Juda dogi leni Jelusalema yaaba gedi Ki ban mia ban padi yaa *buli a *dugibila, Ama bi nan kan fidi ga ba bi fala daali.

Jeremi 18:15

Ama n yaa niba wani nan sundi npo Bi padi i *buli po a *dugibila. Bi cenli nni bi yen tuudi bi sani nni, Ban den maani ki tagi yaa sankpeli yeni nni. Bi goa ki ŋoadi yaa sani ke baa koadi ki bili.

Jeremi 19:13

Jelusalema diedi leni Juda badiba diedi Baa tua yaa kaani n *joagini nani Tofeti po yeni. Li baa tua yene laa diedi kuli po, Ban den juugi yaadi yaa yula po a dugibila tanpoli ŋmaali po, Ki go cabini a ñincaba i nilanbuli po yeni.»

Jeremi 44:21

«Yin juu yaa dugibila Juda dogi nni leni Jelusalema sani nni, yinba, yi baanba, yi badiba, yi koanbala, leni mi diema nni niba yeni daa, naani Li Miali Diedo ki tiani lipo ki kubi la o pali nni te?

Jeremi 44:25

Li Miali Diedo U Paaciamu Kuli Daano, Isalele Tienu yedi mine: ‹Yinba leni yi puoba maadi leni yi ñoana ki tieni leni yi nii yin yedi yaala, ti bua ki kuani tin bili yaa ñoanianu, ki padi a dugibila tanpoli badipua po ki go cabi opo. Lanwani yi baa kubi ki go tieni yin niani o yaala.›

Jeremi 44:9

Naani yi sundi yi baanba, Juda badiba, bi puoba, yinba leni yi puoba kuli n den tieni yaa tuongunda kuli Juda diema nni leni Jelusalema sani nni?

Jeremi 7:17

Naani ŋaa nua ban tuuni yaa tuona Juda dogi nni leni Jelusalema sani nni?

Jeremi 7:18

A bila kpaagi ti daadi Bi baanba cuondi mi fantama, Bi puoba kaaliti mi yoma, Ki baa pua ti lalaadi Tanpoli badipua po. Bi go baa cabi i buli po, Ki baa bieni n pali.

Esekieli 20:32

Yin da tama ke yin kpaagi yaala yeni baa tieni daa. Yi tua: ‹Ti bua ki yaa tie nani nibuotoe yeni, nani dietoama yaa niba yene. Ti bua ki yaa kpiagidi i tiidi leni a tana.›

Esekieli 20:8

Ama bi den fiini npo mi yiema ki naa bua ki cengi nni. Oba mo kuli ki den ŋa ban den maani ki tiendi yaa cagindi, ki naa luni Ejipiti yaaba buli mo. N den yedi ke n kan go jiini n pali bipo, ama ke n baa wuli bipo n pabienli, ki teni n pabienli n tuoni li bianu bipo Ejipiti diema nni.

Esekieli 23:41

A kali yaa duanu n ŋani hali boncianla po, Tabili n den se yu yaa nintuali, Ŋan den tuani n *dugibila leni n kpama yu yaa po.

Esekieli 8:16

Lane o den gedini nni Li Miali Diedo diegu luolu nni. Diidi Li Miali Diedo diegu buliñoabu kani, bu buliñoajabu leni li padibinbinli siiga, piilie n jaba muu den ye likani. Bi nunmu den tiegi puoli, ke bi cakoda mo tiegi Li Miali Diedo diegu. Bi den labindi ki kpiagidi u yienu.

Habakuki 1:16

Lanwani bi padi a pada bi taali yeni po, Ki juugi yaa sinma n pia u nuulimanu ki kpiagidi yi, Kelima yini n teni ke bi baadi yaa jiema n yaba ki go mani mo.

Mi Coadima 30:12

ke o calo yeni gbadi ki ŋmini kaa yie opo, o baa kuani wan den niani yaa ñoaniani leni wan den loli o yuli leni yaa pola kuli.

Mi Coadima 30:2

Musa den maadi leni Isalele buoli yudanba ki yedi: «Diidi Li Miali Diedo n teni yaa ñoabonli nne:

Marki 6:26

O bado pali den biidi boncianla, ama nani wan den poli bi nitaankaaba siiga yeni, waa den bua ki yie opo.

Mi Tiadima 23:23

A yaa kubi a yuli ki naa niani ñoanianu, ŋaa tieni tuonbiadiba.

Filipi 3:19

Bi juodima baa tie mi bodima. Bi tugidi n die ba. Ban tama ke yaala n tie bipo ti jigidi yeni tie bipo i fe. Bi kuandi bi yama ŋanduna bonla nni bebe.

1 Pieri 1:18

Kelima yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki da ki faabi yi leni yaa yema n tie fanma fanma, yin den baa yaama yi yaajanba kani.

Bi Bujiaba 11:36

O bisalo den goa ki yedi: «Baa, a yaa niani Li Miali Diedo u ñoanianu, ŋan soani nni nani ŋan niani o maama kelima o tuu apo li panli a yibalinba Amoni buolu yaaba kani.»