Jeremi 44:14 - Gourmanchéma Bible

¹⁴ Oba kan cia, oba kuli kan ŋmadi yaaba n ñani Juda ki baa cua ki wuoni Ejipiti diema nni yeni siiga. Oba kuli kan go ti guani Juda diema nni, bi yama n baa ye ban guani ki ban kali naanpo yeni, li yaa tie niyendo yendo yaaba n sani ki cia yaaka.»

U TIENU MAAMA TILI 2013

¹⁴ Oba kan cia, yaaba n ñani Juda ki baa cua ki wuoni Ejipiti diema nni yeni siiga, oba kuli kan ŋmadi. Oba kuli kan go ti guani Juda diema nni, bi yama n baa ki ye ban guani ki ban kali naanpo. Li yàá tie yaaba n cia siiga niyendo yendo yaa ka.»

Jeremi 44:14 ပူးပေါင်းရင်းမြစ်များ

Esayi 10:20

Laa daali Isalele yaaba, yaaba n sieni Leni Jakobo diegu nni yaaba n cia Kan go yaa dugi yua n den pua ba po. Bi baa yaa dugi Li Miali Diedo po bonŋanla, Isalele Tienu Yua n Gagidi ki ŋani yeni yaa po.

Esayi 4:2

Laa daali Li Miali Diedo baa teni li benkpeli n toa Ki tua pagidi leni kpiagidi, Mi diema bonluonkaala mo n tua jigidi leni ŋamu, Isalele yaaba, yaaba n ciadi po.

Jeremi 22:10

Yinba Juda yaaba da go mua mani o bado Josiasi yua guani po! Da mua mani opo! Mua mani, mua mani ban caani o bado Salumi yua ti yonbidi po, Kelima o kan go guani. O kan go le ban mali o yaa diema nni yeni.

Jeremi 42:17

Yaaba n bili ke bi baa gedi Ejipiti Ki ban yaa ye kuli, Bu toabu, mi koma bi u yianbiadipuodiko n baa kpa ba. Bi kan baa yua n baa cia. Oba kan ŋmadi min baa teni yaa fala n cua bipo yeni yaa yogunu.›

Jeremi 42:22

Bandi mani line bonŋanla: bu toabu, mi koma, bi u yianbiadipuodiko n baa kpa yi yin bua gedi ki ban kali yaa diema nni.»

Jeremi 44:26

Lani yaa po yinba Juda yaaba, yaaba n kaa Ejipiti diema nni cengi mani mini Li Miali Diedo maama! Diidi n poli n yeli yaali n yaba nni, ki bili ke Juda yaaba siiga oba kuli kan go poli Ejipiti diema nni ki yedi: ‹O Diedo, Li Miali Diedo fo!›

Esekieli 20:38

N baa ñani yi siiga yaaba n den fiini npo mi yiema, ki naa den tuo n maama yeni. N baa ñani ba ban ye yaa diema nni. Ama bi kan go guani Isalele diema nni. Lanwani yi baa bandi ke n tie Li Miali Diedo.»

Esekieli 6:8

Ama bu toabu n baa kpa ki sieni yaaba, Baa bi yaa yadi yadi ki kua dietoama nni leni nibuotoe nni, N baa kubi bi siiga bi tianba ke bi kan bodi.

Matie 23:33

Yinba, i we, u waalabi-buolu na, yi baa tieni lede ki sani ki faabi leni ku fantanbuogu cuonu?

LOMA YAABA 2:3

Naani a tama ke fini yua n ja ti buudi leni yaaba n tiendi laa bonbuolu, ki nan tiendi la fini aba yeni ke a baa cia U Tienu bujiali po bi?

LOMA YAABA 9:27

O sawalipualo Esayi moko kpaani ki maadi Isalele buolu maama ki yedi: «Baa Isalele buolu yaaba yaa yaba Nani mi ñincianma tanbiima yeni, Nitianga bebe n baa faabi.

Hebilunba 2:3

Lanwani ti yaa fangi laa tindicianma, o Diedo wani oba n den kpa waani ti yaama yaa maama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni mo den tieni tipo siedi ke mi tie moamoani.