Jeremi 44:10 - Gourmanchéma Bible

¹⁰ Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa *balimaama leni yaa ñoabonbilikaana.› »

U TIENU MAAMA TILI 2013

¹⁰ Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa bali maama leni yaa ñoamabonbilikaana.› »

Jeremi 44:10 ပူးပေါင်းရင်းမြစ်များ

1 Bi Badiba 21:29

«Naani a laa Akabi n miini o yuli maama n nintuali? Wan miini o yuli n nintuali yeni, n kan teni laa fala n cua o yaa yogunu. N baa yuandi ki teni laa fala n baa o buolu nni o bijua yaa yogunu yo.»

2 Bi Badiba Jama 32:26

Lanwani baa Esekiasi japaadi nni, wani leni Jelusalema yaaba kuli den bandi bi tagili ki miini bi yula, ke Li Miali Diedo pabienli ki den baa bipo, Esekiasi miali bianu kuli nni.

2 Bi Badiba Jama 33:12

O pabiidili nni, o den mia Li Miali Diedo o Tienu, o den bandi o tudima, ki den miini o yuli hali boncianla Li Miali Diedo o yaajanba Tienu nintuali,

2 Bi Badiba Jama 33:19

Hali ke Manase daa den miini o yuli ki jaandi yaa jaandi, leni U Tienu n den guani opo yi maama, o *tuonbiadi leni o tagili kuli, wan den maa i buli padibinbina a juana po naankani, wan den sieni Akela budaadi leni wan den kpie yaa nannana, likuli diani ki bili Hosayi tili nni.

2 Bi Badiba Jama 34:27

‹Nani ŋan cedi ke yaa maama n maadi li naa tili nni Jelusalema po leni u niba po cuo a pali yeni, ke a miini a yuli n nintuali, ki dadi ki padi a tiayiekaadi, ki go buudi n nintuali yeni, mini moko gbadi.› Li Miali Diedo n yedi yeni.

Pisomi 34:18

Bi niteginkaaba yaa kuudi, Li Miali Diedo gba. O yen faabi ba leni bi paboanli kuli.

Pisomi 51:17

O Diedo, yaadi n ñoacuuna Lani, n ñoabu baa kpaani ki doagidi a pagidi.

Pisomi 78:10

Baa den kubi U Tienu n den kuani leni ba yaa *ŋantaado. Bi den yie kaa tuo ki ŋoadi o balimaama.

Mi Ñama 10:3

Musa leni Alono den gedi Falono kani ki yedi o: «Li Miali Diedo, Ebilu yaaba Tienu yedi: A baa yiedi ke a kan miini a yuli n nintuali ki pundi u laa yogune? Cedi n niba n gedi ki kpiagi nni.

Mi Ñama 9:17

A yaa go fiini a yuli n niba po ki naa tuo ke bi gedi,

Mi Ñama 9:30

Ama n bani ke fini leni a naacenba yi daa jie Li Miali Diedo U Tienu.»

Mi Kpanjama 14:16

O yanfodaano jie li bonbiadila ki foagidi leni la. Ama o yanluodaano jaligi ki tieni li bonla kelima waa pia wan jie yaala.

Mi Kpanjama 16:6

I moamoani leni mi buama teni ke i tagili gbeni, Li Miali Diedo fangili po teni ke o nilo foagidi leni mi biadima.

Mi Kpanjama 28:14

Li pamanli ye leni yua n ye leni li fangili yogunu kuli! Ama yua n juagi o pali wani fala baa nandi o.

Mi Kpanjama 8:13

Yua n fangi Li Miali Diedo baa yaa nani mi biadima, Mini mi yanfuoma, n nani ti japaadi leni li yusieli, Leni yaa ñoabu n maadi yaa maama n bia.

Esayi 42:24

Ŋme n den taa Jakobo puoliŋuani Ki teni ba yaaba n kpabidi ba nuu nni? Ŋme n den taa bani Isalele yaaba Ki teni ba yaaba n fagi ba nuu nni? Naani laa tie Li Miali Diedo Tin tieni yua yaa po ti *tuonbiadi yeni kaa? Baa den bua ki cuoni o sani nni, Baa den cengi o balimaama.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 66:2

N yaa nuu n tagi laa bonla kuli, Ke teni ke lani kuli ye. Li Miali Diedo n yedi yeni. Diidi n nuni n baa yaa maa yua yaa po Lani tie o niñinnilo yua n ye leni li paboanli Yua n yen gbadi n maama ki yaa digibi.

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua Kelima i nibuoli yanfodanba kuli siiga, Leni mi diema buoli kuli siiga, Oba kuli kan niagi leni a.

Jeremi 26:4

Ŋan yedi ba ke Li Miali Diedo maadi yaa maama n tie na: ‹Yi naa cengi n maama ki baa tieni min bili yaa *balimaama yaa nintuali.

Jeremi 32:23

Bi cua ki diedi ma, ama bi naa cengi a maama, baa cuoni nani a *balimaama n den bili bipo maama. Baa den tieni ŋan den puogi ba ban tieni yaala. Lani n teni ke a cuani bipo o naa fala kuli.

Jeremi 36:24

O bado leni o naacenba yaaba n den gbadi laa maama kuli jawaandi naa den cuo ba, bi naa den padi bi tiadi.

Jeremi 44:23

Li tie kelima yi juu a dugibila ki tieni ti*tuonbiadi Li Miali Diedo po yo kaa cengi Li Miali Diedo maama kaa cuoni nani li balimaama n bili maama. Lani n teni ke o naa fala ŋma yi dinla.»

Jeremi 5:3

Li Miali Diedo, ŋan bua yaala ki tie i moamoani kaa? A pua ba, laa koani ba mo. A nugi ba bonŋanla Bi yie baa ga a bangima, Bi juagi bi pala ki cie ku tangu. Bi yie ke bi kan lebidi bi yama.

Jeremi 6:15

Li bi pundi i fe n cuo ba kelima bi tuongunda po. Ama i fe naa cuo ba. Baa go bani fe n tie yaala. Lani n teni n yaa fii ki sedi bipo yaa yogunu, Bi baa ŋmadi ki baa leni yaaba n baali, Bi baa yaa tuudi tuudi. Li Miali Diedo n yedi yeni.

Jeremi 8:12

Li bi pundi i fe n cuo ba leni ban tuuni yaa tuongunda. Ama i fe naa cuo ba, Baa go bani fe n tie yaala Lani n teni ke bi baa kpe nani biyaba yeni. Bi baa yaa tuudi ki baali min baa ti fii ki sedi bipo yaa yogunu. Li Miali Diedo n yedi yeni.

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Matie 27:54

Minteela kobiga yudaano leni yaaba n den taa leni o ki ji Jesu kuli n den laa mi tindigibima leni yaala n tieni kuli, ti jawaandi den cuo ba boncianla, ke bi yedi: «Moamoani, one den tie U Tienu Bijua yo.»

Luki 23:40

Ama o lielo den funi leni o ki yedi: «Ŋaa jie U Tienu, fini yua n taa cuonu leni o ja na?

LOMA YAABA 11:20

Li tie moamoani. Bi den jia ki ñani bani, kelima bi dandanluoma po, fini mo ye lienni kelima li *dandanli yaa po. Lanwani ŋan da kpiagi a yuli, ama ŋan yaa jie.

1 Pieri 5:6

Lanwani yin yaa miindi mani yi yula U Tienu nuu yu n pia u paalu kani, ke u yogunu yaa pundi wan kpiagi yi.

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Kelima fini bebe n gagidi ki ŋani. I nibuoli kuli baa cua Ki labini a nintuali ki kpiagi a Kelima a *teginma doagidi.»