Jeremi 42:22 - Gourmanchéma Bible

²² Bandi mani line bonŋanla: bu toabu, mi koma, bi u yianbiadipuodiko n baa kpa yi yin bua gedi ki ban kali yaa diema nni.»

U TIENU MAAMA TILI 2013

²² Bandi mani line bonŋanla: bu toabu, mi koma leni u yianbiadipuodiko n baa kpa yi yin bua ki gedi ki ban wuoni yaa diema nni.»

Jeremi 42:22 ပူးပေါင်းရင်းမြစ်များ

Esayi 30:3

Falono kani wuonma baa tua yipo fe. Ki wuoni Ejipiti diema soangu nni mo Baa tua yipo ti laadi bonla.

Jeremi 24:10

N baa soani ki jugisiega bi siiga, mi koma leni u yianbiadipuodiko hali ban bodi mi diema nni min den puni bani leni bi baanba yaama yeni niinni.»

Jeremi 42:17

Yaaba n bili ke bi baa gedi Ejipiti Ki ban yaa ye kuli, Bu toabu, mi koma bi u yianbiadipuodiko n baa kpa ba. Bi kan baa yua n baa cia. Oba kan ŋmadi min baa teni yaa fala n cua bipo yeni yaa yogunu.›

Jeremi 43:11

O baa cua ki pua Ejipiti diema. Mi kuuma baa taa bine, bine n gedi ti yonbidi, ki jugisiega mo baa je bine.

Jeremi 44:12

N baa taa Juda niba yaaba n sieni, bani yaaba n bili ke bi baa gedi Ejipiti diema nni ki ban kali yeni. N baa bolini bikuli Ejipiti diema nni. Bu toabu leni mi koma n baa bolini li bila leni li nikpela kuli. Yeni de, bi baa kpe laa kuume, ki tua ti solindi, li paboanli, ki faliga leni u yualu bonla.

Esekieli 33:27

Diidi ŋan baa yedi ba yaala nne: ‹O Diedo, Li Miali Diedo yua n fo yedi mine: Ki jugisiega baa kpa yaaba n ye a diewudima nni. Ti fuayandi baa ŋmani yaaba n sieni ki ye i kuani nni. U yianbiadipuodiko mo n kpa yaaba n ye a juana nni leni ti joaloandi nni.

Esekieli 6:11

O Diedo, Li Miali Diedo yedi mine: «Pua ki ledi a nuu, ki ciini a taali ki mua ŋain, Kelima Isalele yaaba caginbiaditi kuli po, Bu toabu leni mi koma leni u yianbiadipuodiko baa bolini ba.

Esekieli 6:12

U yianbiadipuodiko baa kpa yaaba n ye foagima Ki jugisiega mo n kpa yaaba n ye koanma nni, Mi koma mo n bolini ban cua ki baa mi diema Ki cuo ki sieni yaaba. N baa teni n pabienli bipo n tuoni li bianu.

Ose Tili 9:6

Diidi, Isalele yaaba baa ña bi diema nni, Kelima bi yibalinba mudi bi diema. Ejipiti yaaba baa taa ba ban yaa taa ki ye. Mofi dogu baa tua ban baa piini bi tinkpiba naani. Ti moabiaditi baa fii ki pini bi ŋalimanmoano, Ti konkondi mo baa fii ki loli bi diedi nni. Yinba Isalele yaaba n bandi mani line: