Jeremi 42:21 - Gourmanchéma Bible

²¹ N doagidi yipo laa bonla, ama yi naa cengi Li Miali Diedo yi Tienu maama, ki buali wan puogi nni min yedi yi yaala kuli.

U TIENU MAAMA TILI 2013

²¹ N doagidi yi po laa bonla, ama yi naa cengi o Diedo yi Tienu maama, ki buali wan puogi nni min yedi yi yaala kuli.

Jeremi 42:21 ပူးပေါင်းရင်းမြစ်များ

Pisomi 81:12

Ama n niba naa cengi nni. Isalele yaaba naa tuo n maama.

Jeremi 43:1

Jelemi n den maadi bi niba kuli Li Miali Diedo bi Tienu n den puogi o wan waani ba yaa maama kuli,

Jeremi 43:4

Kalea bijua Yohanana, bi toatieba yudanba kuli leni bi niba kuli naa den cengi Li Miali Diedo wani yua n den yedi ban cedi ki yaa ye Juda diema nni maama.

Jeremi 43:7

Bi den gedi Ejipiti diema nni kelima baa den cengi Li Miali Diedo maama, ki den pundi Tapanesi dogu nni.

Esekieli 2:7

Ŋan go togidi ba min den yedi a yaala, ban cengi leni ban ki cengi a kuli, li tie kelima bi yiema po yo.

Esekieli 3:17

«A tie nisaalo bebe, ama n teni ke a tua Isalele yaaba doguudo. A baa cengi yaa maama n ña n ñoabu nni ki ban waani npo ba laa maama.

Esekieli 33:31

N niba yeni kpendi boncianla a kani ki bua ki gbadi a maama. Bi cengi ma wani, ama bi nan kan kubi ma, kelima bi pia mamandi bebe. Lanwani bi gbanandi bonbuakaala n dia ba.

Esekieli 33:32

Bi nua ke a tie bipo nani yaa yanyanlo yaa nialu n mani ki go yegi leni yaa kogidimuanu n mani yene. Bi cengi a maama wani, ama bi naa kubi ma.

Jesu Tondiba Tuona 20:20

Yi go bani ke min wangi yi o Laabaaliŋamo ki go bangi yi a sala nni leni yi diedi nni kuli, mii den wuoni yi yaala n baa ŋani yipo kuli.

Mi Tiadima 29:19

Li Miali Diedo kan tieni opo sugili. Ama Li Miali Diedo pabienli leni o *nunponli baa baa laa nilo po. Hali ke yaa solindi n diani li naa tili nni kuli n baa opo, lani Li Miali Diedo baa duuni ki ñani o yeli mi tinfanma nni.

Mi Tiadima 30:15

Diidi, dinla n sieni yi nintuali li miali leni yaala n ŋani, mi kuuma leni yaala n bia.

Mi Tiadima 30:19

Dinla n taa tanpoli leni ki tinga yo n tua n siedinba mini leni yinba siiga. N sieni yi nintuali li miali leni mi kuuma, li seli leni ti solindi. Gandi mani li miali ke yin yaa ye, yinba leni yi puoliŋuani,