Jeremi 42:2 - Gourmanchéma Bible

² o sawalipualo Jelemi kani ki yedi o: «Gbadi tipo ti miabu: Jaandi Li Miali Diedo a Tienu tinba yaaba n sieni nne kuli po! Ti den yaba boncianla, ama moala nani ŋan nua maama, tii go fuu.

U TIENU MAAMA TILI 2013

² o saawalipualo Jeremi kani ki yedi o: «Cengi ti po ti miabu: mia o Diedo a Tienu tinba yaaba n sieni nne kuli po! Ti den yabi boncianla, ama moala nani ŋan nua maama, tii go fuu.

Jeremi 42:2 ပူးပေါင်းရင်းမြစ်များ

1 Bi Badiba 13:6

Lanwani o bado den yedi U Tienu nilo: «Mia npo Li Miali Diedo a Tienu sugili o pali n goa ki jiidi npo wan paagi n nuu.» U Tienu nilo den mia Li Miali Diedo ke o bado guani o nuu ke u goa ki tua nani wun den kpa tie maama.

Pisomi 119:170

Teni n miabu n pundi a kani! Faabi nni nani ŋan niani maama!

Mi Ñama 8:28

Ama laa yogunu goga Falono den juagi o pali ki naa tuo ke bi niba n gedi.

Mi Ñama 9:28

Mia Li Miali Diedo ke i tatantani leni a tatana n da go ye. Lanwani n baa tuo yin gedi ki kan go yie yipo.»

Esayi 1:15

Yi yaa yugidi yi nii ki baa jaandi nni, Se min buli yi n nunga, Baa yi yaa jaandi figilima coacoali, n kan cengi yi, Kelima yi nii kuli tie soama.

Esayi 1:9

Li yaa bi tie Li Miali Diedo U Paaciamu Kuli Daano Yua n teni ke ti siiga bi tianba cia, Ti bi baa yaa tie nani Sodoma Leni *Gomola dogi yeni.

Esayi 37:4

Daalinba Li Miali Diedo a Tienu gbadi Asili bado n soani o guudikaaba yudaano ke o sugi U Tienu yua n fo maama. Laa yie a Tienu n jia ti buudi ki waani ba fala kelima wan gbadi yaa maama yaa po. Jaandi yaaba n da go ye yaa po.› »

Esayi 42:20

A laa li bonla boncianla Ama ŋaa den kpaagi lipo. Bi tuba pigidi Ama baa gba liba.

Jeremi 15:11

Li Miali Diedo yedi: «Naani mii den faabi a, A yema ŋamu po kaa? Naani mii den pua yibali apo, Fala leni li paboanli yogunu?

Jeremi 2:27

Bani yaaba n tua ku daagu: «A tie n baa!» Ki tua li tanli mo: «A mali nni!» Kelima bi teni nni bi cakodigu, ki naa diidi nni. Bi yaa ye mi yebiadima nni bi yen yedi: «Fii ki faabi ti.»

Jeremi 21:2

bu bipo Miali Diedo kelima Nebukanesa, Babilona bado tiendi bu toabu leni ti. Daalinba Li Miali Diedo leni o bancianma baa todi ti ki teni wan foagidi leni ti.

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Jeremi 37:20

Jelemi den yedi moala fini, o bado, cengi n miabu. U Tienu leni a, n daano, cengi npo n miabu! Da teni min guani o tidianlo Jonatan diegu nni, lani yaaka n baa kpe lienni.»

Jeremi 37:3

O bado Sedesiasi den soani Selemia bijua Yehukali leni o kopadiciamo Maaseja bijua Sofoni o sawalipualo Jelemi kani ke ban yedi o: «Jaandi tipo Li Miali Diedo ti Tienu!»

Jeremi 38:14

O bado Sedesiasi den soani ke bi yini o sawalipualo Jelemi ki teni ke o cua o kani Li Miali Diedo cubuliñoataabu kani. O bado den yedi Jelemi: «N bua ki buali a bonyenla bebe yo, da wuoni nni liba.»

Jeremi 40:15

Kalea bijua Yohanana den yedi Gedalia ŋasiili nni Mitisipa dogu nni: «Pa nni u sanu min gedi ki ban pua ki kpa Netania bijua Isimayeli. Oba kuli kan bandi moko. Be yaa po yo ke o baa pua ki kpa ŋa? Be yaa po yo ke Juda yaaba, yaaba n taani ki gaani ki lindi a kuli baa yadi, yaala n sieni Juda diema nni mo n bia?»

Jeremi 42:20

Yi boandi yi yula kelima yi soani nni Li Miali Diedo yi Tienu po ki yedi: ‹Jaandi tipo Li Miali Diedo ti Tienu, Li Miali Diedo ti Tienu yaa yedi yaala kuli, ti baa tieni la.›

Jeremi Bubula 1:1

Jam, li ga lede, Yaa dogu n den gbie bonŋanla yeni N di ti bili bonkuongu, Ki naani leni li kpepuoli! I nibuoli diema siiga, Jelusalema den tie dociamu Ki tie badisalo a dogbenga po, Mani n di goa ki tuuni li tuonpaali!

Esekieli 12:16

Ama n baa ŋa bi siiga bi tianba Ki jugisiega leni mi koma leni u yianbiadipuodiko n kpa ki ŋa yaaba, Ke ban ban togidi bi cagindi kuli Ban baa gedi yaa nilanbuoli siiga. Lanwani bi baa bandi ke n tie Li Miali Diedo.»

Ose Tili 8:10

Ama baa ke bi puuni nibuotoe bu paabu Ki bua ke ban yaa guu ba, U yogunu pundi ke n baa taani ba ki waani ba fala. Li kan waagi ke bi baa le fala Leni bi badiba badiciamo mabinli.

Levi 26:22

N baa soani ti fuayandi yi kani tin fii yipo ki kpa yi bila ki go bolini yi yandi. Yi niba baa wadi. Yi sani nni mo kan go yaa pia niba.

Amosi 7:2

I naaci yeni n den ŋmani yaa moasoangidi n ye ki tinga nni kuli, N den yedi: «O Diedo, Li Miali Diedo, tieni a niba po sugili, Lani yaaka, bani, Jakobo puoliŋuani baa tieni lede ki yaa ye? Kelima bi tadi ki wa boncianla.»

Matie 24:22

U Tienu yaa bi wadi laa dana nisaaloba kuli kan bi tindi, ama kelima wan gandi yaaba po, o baa wadi laa dana.

Jesu Tondiba Tuona 8:24

Simono den goa ki yedi: «Mia npo mani o Diedo, ke yin yedi yaala kuli n da cua n kani.»

Mi Tiadima 28:62

Yin den yabidi ki pundi nani tanpoli ŋmabila yeni, yi coali kan go yaa fuu kelima yin baa yie ki kan cengi Li Miali Diedo yi Tienu yedima yeni po.

Mi Tiadima 28:63

Nani Li Miali Diedo pali n den mani ke o teni ke yi pugidi maama yeni, moko Li Miali Diedo pali baa mani wan teni yin yaa ku hali ki bolini yi yene. O baa ŋabi yi ki ñani yi yin baa kua ki diedi yaa diema yeni niinni.

Mi Tiadima 4:27

Li Miali Diedo baa yadi yi i nibuoli siiga. Lanwani yi baa tie niba waamu bebe Li Miali Diedo n baa gedini yi yaa nilandiema yeni niinni.

Jaki 5:16

Lanwani yin tuo mani yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandimoani pia u paalu hali boncianla.

1 Samueli 12:19

Bi niba kuli den yedi Samueli: «Mia Li Miali Diedo a Tienu tinba a naacenba po ke tin da kpe. Kelima tin mia ban dini tipo o bado yeni, ti tieni ti tuonbiadi ki pugini tin tieni yaa tuonbiadi kuli po.»

1 Samueli 12:23

Mini mo, Li Miali Diedo n faabi nni min da tieni opo yaa tuonbiadi n tie na, lani n tie ki cedi ki kan yaa jaandi ki miadi o yipo. N baa yaa bangi yi yaa sanu n ŋani ki go tiegi.

1 Samueli 7:8

ki yedi Samueli: «Ŋan da cedi tipo bu miabu Li Miali Diedo ti Tienu kani, ke wan faabi ti Filisiti yaaba nuu nni.»