Jeremi 41:10 - Gourmanchéma Bible

¹⁰ Isimayeli den gedini yaa niba n den sieni Mitisipa po kuli ti yonbidi. Bani n tie: o bado bisiaba leni yaaba n bi sieni Mitisipa Nebusaladani badidiegu guuda yudaano n den piani Ahikami bijua Gedalia yaaba. Netania bijua Isimayeli den gedini ba ti yonbidi ki den fii ki caa Amoni yaaba diema nni.

U TIENU MAAMA TILI 2013

¹⁰ Isimayeli den taa yaa niba n sieni Misipa dogu nni, ki gedini ba ti yonbidi. Lani n tie: o bado bisiaba leni yaaba n bi sieni Misipa Nebusaradani badidiegu guudikaaba yudaano n den piani Ahikami bijua Gedalia yaaba. Netania bijua Isimayeli den cuo ba ti yonbidi ki gedini ba. O den fii ki gedi Anmoni yaaba diema nni.

Jeremi 41:10 ပူးပေါင်းရင်းမြစ်များ

Nehemi 2:10

Holoni yua Sanbala leni o duogili Tobija, Amoni buolu yua, n den gbadi ke n cua, li den biidi bi pala boncianla ke o nilo cua ki baa lingi Isalele yaaba ŋamu.

Nehemi 2:19

Holoni yua Sanbala leni o duogili Tobija, Amoni buolu yua, leni Gesemi, Alabi buolu yua, n den gbadi tin jagi yaala, bi den ñuadi ti ki fali ti, ki yedi: «Yi tiendi be nne? Yi bua ki fiini o bado po mi janjanma yoo?»

Jeremi 22:30

Li Miali Diedo yedi nanda: «Baani mani o ja ne nani yua n ki pia bila yeni, Nani yaa ja n kan fidi ki midi yanbu O yema nni yeni. Kelima o puoliŋuani siiga oba kan fidi Ki kali Dafidi bali gbandi po Ki diedi Juda diema.»

Jeremi 38:23

Bi baa gedini a puoba kuli leni a bijaba, Babilona yaaba po. Fini aba a moko kan ŋmadi bi nuu nni. Babilona bado baa cuo ŋa wani yua baa juu u dogu leni mi fantama yeni.

Jeremi 39:6

Libila dogu nne ke Babilona bado den teni ke bi kodi o bado Sedesiasi bijaba o nunbu nni ki taani leni mi diema bulicinba kuli.

Jeremi 40:14

Bi den yedi o: «Naani a bani ke Amoni bado Baalisa soani Netania bijua Isimayeli ke wan cua ki pua ki kpa ŋa?» Ama Ahikami bijua Gedalia naa den daani ke bi maama tie moamoani.

Jeremi 40:7

Bi toatieba yudanba yaaba n den ye ku muagu nni den gbadi bani leni bi niba, ke Babilona bado den dini mi diema po li bali Ahikami bijua Gedalia ki puogi o wan yaa die bi jaba, bi puoba, a bila leni yaaba n tie luodimoana ban kaa den gedini yaaba ti yonbidi Babilona diema nni.