Jeremi 40:3 - Gourmanchéma Bible

³ Li Miali Diedo teni ke wan den maadi yaala yaa maama cua. O tieni wan den yedi yaala kelima yi tieni ti*tuonbiadi, Li Miali Diedo po ki naa cengi o maama. Lani n teni wan den yedi yaala kuli nandi yi.

U TIENU MAAMA TILI 2013

³ O Diedo teni ke wan den maadi yaala yaa maama cua. O tieni wan den yedi yaala, kelima yi tieni ti tuonbiadi o Diedo po, ki naa cengi o maama. Lani n teni ke wan den yedi yaala kuli nandi yi.

Jeremi 40:3 ပူးပေါင်းရင်းမြစ်များ

Nehemi 9:28

Ban den baa mi *faabima, Bi den goa ki cili ki tiendi yaala n bia a nintuali. Lanwani a go den teni ke bi yibalinba paadi ba. Ama bi didi go den mua ki mia ŋa Ke amo go den gbadi bi nialu hali tanpoli po. A niñingbadicianma po, a den faabi ba ke maa wa.

Nehemi 9:33

Yaala n den tieni ti kuli yaa siiga a den tiegi Kelima a den doagidi ke a tie tin baa fidi ki dugi yua yaa po, Ke timo nan tieni yaala n bia.

Jeremi 11:17

Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

Jeremi 22:8

I nibuoli boncianla baa tagini u naa dogu kani, Ki buali biyaba: ‹Be n teni ke Li Miali Diedo tieni u dociamu yaala n tie ne?›

Jeremi 39:16

«Gedi ki ban maadi leni Ebedi-Meleki Etiopi diema yua ki yedi o: Li Miali Diedo U Paaciamu Kuli Daano, Isalele Tienu yedi nanda: ‹Diidi n baa cuani u naa dogu po min maadi yaa yebiadima yeni maama ke li kan tua bi ŋamu po. Laa bonla kuli baa tieni a nunbu nni.

Jeremi 44:23

Li tie kelima yi juu a dugibila ki tieni ti*tuonbiadi Li Miali Diedo po yo kaa cengi Li Miali Diedo maama kaa cuoni nani li balimaama n bili maama. Lani n teni ke o naa fala ŋma yi dinla.»

Jeremi 50:7

Yaaba n den kadi leni ba kuli yen ŋmani ba. Bi yibalinba yen tua: ‹Tii pia tagiliba kelima bi tieni ti *tuonbiadi Li Miali Diedo mi *teginma daano po, Wani yua tie bi baanba suginma yeni.›

Jeremi Bubula 2:17

Li Miali Diedo tieni wan bi jagi yaala. O tieni wan bi yedi yaala, Wan den maadi yaa maama hali yogu. O bolini ke niñima ki pia o Ki teni ke a yibalinba laa a puoli. O pugini a yibalinba paalu.

LOMA YAABA 2:5

Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie.

LOMA YAABA 3:19

To, ti bani ke U Tienu *bali maama n bili yaala kuli tie li bali maama n die yaaba po, ki baa teni nilo kuli ñoabu n mubini, bi niba kuli n tuo ke bi pia i tagili U Tienu nintuali.

Mi Tiadima 29:25

Li tie kelima bi gedi ki ban kpiagi i buli ki gbaani ki pugi i, ban ki den bani yaa buli, leni wan naa den puni ba ban baa o ŋantaado leni yaa buli.