Jeremi 40:15 - Gourmanchéma Bible

¹⁵ Kalea bijua Yohanana den yedi Gedalia ŋasiili nni Mitisipa dogu nni: «Pa nni u sanu min gedi ki ban pua ki kpa Netania bijua Isimayeli. Oba kuli kan bandi moko. Be yaa po yo ke o baa pua ki kpa ŋa? Be yaa po yo ke Juda yaaba, yaaba n taani ki gaani ki lindi a kuli baa yadi, yaala n sieni Juda diema nni mo n bia?»

U TIENU MAAMA TILI 2013

¹⁵ Kalea bijua Yohanani den yedi Gedalia ŋasiili nni Misipa dogu nni: «Pa nni u sanu, min gedi ki ban kpa Netania bijua Isimayeli. Oba kuli kan bandi moko. Be yaa po yo ke a baa ŋaa wan kpa ŋa? Be yaa po yo ke a baa teni Juda yaaba, yaaba n taani ki gaani ki lindi a kuli n yadi, yaaba n sieni Juda diema nni mo n bodi?»

Jeremi 40:15 ပူးပေါင်းရင်းမြစ်များ

2 Samueli 18:3

Ama bi toatieba kuli den yedi o. «A kan ña. Kelima ti yaa sani bi kan yaa faami tinba wani yaa po. Baa bi yaa ku ti siiga boagidima, li kan yaa tie bipo liba. Ama fini, a tie ti siiga nani niba tudapiiga (10 000) yene. Lanwani yaala n ŋani ki cie tie ŋan yaa ye u dogu nni ki soani tipo mi todima.»

2 Samueli 21:17

Tiseluja bijua Abisayi den cua ki todi Dafidi ki pua ki kpa Filisiti yua yeni. Lanwani Dafidi toatieba den poli ki yedi o: «A kan go ña ki yegi leni ti ki gedi toabu, ŋan da ti teni ban bolini li bali Isalele nni.»

Jobi 31:31

Yaa niba n den ye n diegu nni den tua: ‹Ŋme n ki ŋmani ti nandi ki guo?›

Jeremi 40:8

Laa toatieba yudanba leni bi niba den gedi ki ban laa Gedalia Mitisipa po. Bani n den tie bine: Netania bijua Isimayeli, Yohanana leni Jonatan, bani bonba lie kuli tie Kalea yaa bijaba, Tanehumeti bijua Selaya, Efayi bijaba Netofa yaaba leni Yaasania Maaka yua.

Jeremi 42:2

o sawalipualo Jelemi kani ki yedi o: «Gbadi tipo ti miabu: Jaandi Li Miali Diedo a Tienu tinba yaaba n sieni nne kuli po! Ti den yaba boncianla, ama moala nani ŋan nua maama, tii go fuu.

Jan n diani U Tienu Laabaaliŋamo maama 11:50

Yii kpaagi ki sua ke li baa ŋani yipo ke niyendo n kpe ti nibuolu kuli po yoo? Lani n baa cie ti buolu kuli n bodi.»

1 Samueli 24:4

O den pundi yaa yandiena n kuu u sanu kani. Likani den pia ku tanlongu ke o den jadi likani ki ñanmuaga. Li den sua ke Dafidi leni o niba wuo laa tanlongu nni.

1 Samueli 26:8

Abisayi den yedi Dafidi: «U Tienu taa a yibali ki teni a nuu nni dinla. N mia ŋa, ŋan cedi min muu o li kpaanli ki lundi o ki caani tiipo. Yenma bebe baa dagidi, n kan pugini liema.»