Jeremi 4:7 - Gourmanchéma Bible

⁷ O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

U TIENU MAAMA TILI 2013

⁷ O yangbanlo sani ki ñani o wuonkaanu, Yua bolindi i nibuoli fii ki cili li cenli. O ñani o deni, Ki baa kuani mi diema nni li paboanli. A dogi baa bodi u mu nni, Nilo kan sieni i niinni.

Jeremi 4:7 ပူးပေါင်းရင်းမြစ်များ

2 Bi Badiba 24:1

Yeojakimi bali yogunu, Babilona bado Nebukanesa den baa Juda diema. O den paadi Yeojakimi ki diedi o bina taa. Ama Yeojakimi den yie ke Babilona bado kan go yaa die o.

2 Bi Badiba 25:1

Sedesiasi bali binyiali binli, cipiiga yaa dapiiga daali, Babilona bado Nebukanesa go den cua leni o toagola kuli ki baa Jelusalema bu toabu. O den kpa o toanagili ki teli u dogu. Babilona yaaba den gbini ti buodi ki lindi u dogu ki kua ki wuoni lienni.

Esayi 1:7

Yi diema pua nafanu! Mi fantama buoni yi dogi. Bi canba di yi tinga bonluonkaala yi nunbu nni. Laa paboanli tie nani yibalinba n bolini yaa diema yeni.

Esayi 5:9

Li Miali Diedo U Paaciamu Kuli Daano N doagidi npo yaala nne: A naa dieciama ya n yaba ki go ŋani Baa tua diegbena, Oba kan yaa ye a niinni.

Esayi 6:11

N den yedi: «O Diedo hali u laa yogune?» O den goa ki yedi: «Hali fala n baa nandi i dogi, bi niba n gbeni, Ti diedi n luo bi niba, Ki tinga mo n pua nafanu ki kuodi.»

Jeremi 2:15

Ti yangbanbidi fii ki sedi bipo ki duni Ki mua mi jama ki duni Ki cuani mi diema po li paboanli. Niba ki go ye ban juu bi dogi yi yeni niinni.

Jeremi 22:6

Diidi Li Miali Diedo maadi yaa maama n tie na, Juda bado diegu po: «A tie npo nani Galaadi yene Bi nani Libani juana tanpojoma yeni. Ama baa leni lankuli n poli apo Ke n baa teni ŋan tua fanpienma, Yaa dogu n ki pia nilo.

Jeremi 22:7

N baa lingi apo yaa niba n baa bolini a. Yua kuli se leni o jatiadi Bi baa pedi a sedili tiidi dasaana ya ŋani hali bonŋanla Ki sia ŋa mi fantama nni.

Jeremi 25:38

O ŋa o diegu nani li yangbanbili n fii ki ŋa o buoli maama yeni. Bi diema kpandi fanpienma kelima yua n bolindi Yaa pabiencianli leni o pali yaali n beni, Ki co nani mi fantama yeni po.»

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 26:9

Be yaa po yo ke a pua sawali Li Miali Diedo yeli nni ki tua: ‹Ku naa diegu baa tua nani Silo yeni, fala baa baa u naa dogu ke u kan go yaa pia niba?› » Bi niba kuli den gaani ki lindi Li Miali Diedo diegu nni.

Jeremi 27:8

Nibuoluba, bi diemaba yaa yie ki kan soani Babilona bado Nebukanesa po, ki yie ki kan teni o tulu Babilona bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko hali ki ban bolini mi diema yeni leni o nuu. Mini Li Miali Diedo n yedi yeni.

Jeremi 33:10

Li Miali Diedo yedi mine: «Yinba Juda yaaba, yi kpaagi ki tua Ke yi diema pua nafanu, Niba ki ye mi niinni ki buali yandi. Moamoane! Dinla po wani, Juda dogi nni Leni Jelusalema sani nni, Niba ki ye ki buali yandi. Ama n yedi yi ke mi naa diema nni yi go baa gbadi:

Jeremi 34:22

Diidi n baa waani yi n ñoabonbilikaana. Mini Li Miali Diedo n yedi yeni. N baa teni ban cua ki baa u naa dogu. Bi baa koani leni u, ki paadi u, ki juu u mi fantama. N baa teni Juda dogi n kpandi diegbendi, niba n ki ye naani.»

Jeremi 4:29

Bi tanjagiba leni a dabantuada lanbu teni Ke u dogu nni yaaba kuli sani. Bi tiini ki kua ti fatudi nni Bi tiini ki do ti tanciandi po. U dogu kpandi dokuomu Nilo kuli ki go ye u niinni.

Jeremi 44:2

Li Miali Diedo U Paaciamu Kuli Daano, Isalele Tienu yedi nanda: «Yi laa min teni yaa fala n baa Jelusalema dogu leni Juda. Dinla laa dogi kuli tie diegbendi. Niba ki ye i niinni.

Jeremi 46:18

Mini Li Miali Diedo U Paaciamu Kuli Daano n tie Bade. Nani a juana siiga Taboli juali n kpedi maama Ke Kalimeli juali mo n se mi ñincianma nni maama yeni, Yibalinba baa cua ki baa Ejipiti diema ke laa pia tama yene.

Jeremi 49:19

Li Miali Diedo yedi: «N tie nani yaa yangbanlo n ñani Judana fuali nni ki caa li ñinbunli po yeni. N li baa yedi bugibu yenma ki teni Sodoma n sani, Min kaani min gandi yua. Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toatoadi ba O naamunpieno se bi dogu buliñoana kani ki guu ba Yaaba n baa ña kuli o baa toatoadi ba Kelima bi yiema yaba hali boncianla Bi yaadima mo yaba ki kandi.

Jeremi 50:17

Isalele tie nani i yangbanli n deli yaa pia ke o bodi yeni. Asili bado n kpa dini o. Nebukanesa Babilona bado mo n mudi o kpaba ki juodi.

Jeremi 50:44

Li Miali Diedo yedi: «Nani o yangbanlo yeni, A ñingola fii ki duodi Judana ki sani Ki kua ku muagu nni. Bi baa jieni Babilona yaaba ban sani Ki ŋa bi tinga, Ki teni min gandi yua yeni n kua ki kali. Ŋme n naani leni nni? Ŋme n baa waani nni min baa tiendi yaala? O laa gobidika mo n baa tuo ki niagi leni nni?

Jeremi 8:16

Bi gba i taami dunli Dana diema po, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni U dogu leni yaaba n ye u niinni.»

Jeremi 9:11

Naani li pia yua yaa yama n fo bonŋanla Ki baa fidi ki doagidi laa bonla n tie yaala? Li yaa tie ke Li Miali Diedo n maadi leni o, Wan doagidi ki waani yaala yaa po ke mi diema bodi Leni yaala yaa po ke mi tua fanpienma Nilo n ki go poandi naankani!

Esekieli 12:20

Bi diema baa tua fanpienma, Bi dogi yi den pia bi niba boncianla yeni mo n tua diegbendi. Lani, bi baa bandi ke n tie Li Miali Diedo.»

Esekieli 21:31

O Diedo, Li Miali Diedo maadi ki yedi mine: ‹Ban ñani wan yili yaa cabili yeni, ban ñani o badifogiliga. Li bonla kuli lebidi! Bi yumiindanba baa diedi yaa kaani n pa, bi paatieba mo n jiidi.

Esekieli 32:2

«O ja na, Ŋan wanli u wanlu Ejipiti bado *Falono po Ki yedi o: ‹A den naani leni yangbanbile i nibuoli siiga. A den tie nani o ñoabo yeni mi ñincianma nni. A yen pugidi a kpeni nni. A den gbidi mi ñima leni a taana Ki den fiindi a ñingola.› »

Danieli 5:19

Kelima wani U Tienu n den ñani o yeli maama po, i nibuoli kuli leni diema kuli yaaba leni i mabuoli kuli den jie o ki digibi o nintuali. O den kpaani wan bua ki kpa yaaba, ki ŋaani wan bua ki ŋa yaaba. O den duondi wan bua yaaba, ki jiindi wan bua ki jiini yaaba.

Danieli 7:4

Ki yankpiaga den naani leni o yangbanlo ama ki pia i fiabi nani jiebani yeni. Min diidi yaa yogunu bi den ŋabi o fiabi ki teni ke o yaadi ki sedi taana lie nani o nisaalo yeni, ki puni o o nisaalo yantiali.

Levi 26:31

N go baa bolini yi dogi, yin tua diegbendi. N baa bolini yin padi yi buli naankani yeni. N kan go tuo ki ga yi tulale pada nuulimanu.

Levi 26:33

N baa yadi yadi yi kuli ŋanduna nibuoli siiga, ki noadi n jugisiega ki ŋoadi yi puoli. Yi diema yeni baa ye leni li paboanli, yi dogi mo kuli kan go yaa pia niba.