Jeremi 4:29 - Gourmanchéma Bible

²⁹ Bi tanjagiba leni a dabantuada lanbu teni Ke u dogu nni yaaba kuli sani. Bi tiini ki kua ti fatudi nni Bi tiini ki do ti tanciandi po. U dogu kpandi dokuomu Nilo kuli ki go ye u niinni.

U TIENU MAAMA TILI 2013

²⁹ Bi tanjagiba leni a dabantuada lanbu teni Ke u dogu nni yaaba kuli sani. Bi tiini ki koa ti tudi nni, Ki tiini ki do ti tanciandi po. U dogu kpandi dokuomu, Nilo kuli ki go ye u niinni.

Jeremi 4:29 ပူးပေါင်းရင်းမြစ်များ

2 Bi Badiba Jama 33:11

Li Miali Diedo den teni ke Asili bado toagoli yudanba cua ki baa ba, ki cuo Manase leni i kugobidi ki kpaa o leni ti kumoandi kpaadi ki gedini o Babilona po.

Esayi 30:17

Niyendo bebe yaa jamuali po baa teni niba tudili n sani nani niyendo yeni. Niba muu mo yaa jamuali po, yi baa sani Hali ki ban tua nani yaa dafoaku n caa li juali yuli po, Bi nani yaa *tuudicabili n ye li juali yuli po yeni.

Esayi 6:12

Yeni de, Li Miali Diedo baa gedini bi niba hali foagima. Bi baa ŋa mi diema cain.

Jeremi 16:16

Li Miali Diedo yedi: «Mini nne n baa soani bi jankpaanba boncianla Ban cua ki kpaani ba. Li yaa puoli n baa soani a fuagoada boncianla ban cua Ki deli ba a joaciama leni a joabila kuli po Leni ti joatanlondi nni kuli.

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 52:7

U folu den tieni u dogu nni ke a jakoanda kuli den lundi likani ki sani ki ñani u dogu nni ku ñiagu. Bi den tagini yaa buliñoabu n ye i bilinliedi siiga ki kuu leni o bado kpintiidi kuanu. Kalide yaaba n den lindi ki baa cebini u dogu yaa yogunu, bi den taa Alaba sanu.

Jeremi 6:23

Bi kubi li dabanli leni li kpaanli. Bi pia ku tugumoangu leni i nunkuomi Bi niali duni nani mi ñincianma yeni. Bi jagi i taami, Ki caligi bonŋanla nani niyendo bu toabu po yeni, Ki baa koani leni Siyono badisalo.

Amosi 9:1

N den laa o Diedo ke o se li *padibinbinli po. O den yedi: «Pua U Tienu diegu bunbunnaada yula po Hali a tanpuuna n begibi, Pua ki mudi ŋa, ŋan baa yaaba n ye U Tienu diegu nni Kuli yula po, ki kpa ba. Yaaba n sieni, n baa kpa ba leni ki jugisiega. Bi siiga nni, oba kuli kan fidi ki sani ki cia, Yeni de, oba kuli kan sani ki cia.

Luki 23:30

Laa yogunu bi niba baa maadi leni a joaciama ki tua: ‹Baa mani tipo,› ki go yaa miadi a joabila ki tua: ‹Ŋoagini mani ti.›

1 Samueli 13:6

Isalele yaaba n den laa ke Filisiti yaaba mabini ba ke folu ki ye, bi den wuoni ti joaloandi nni leni ti tuudi nni, leni ti tanlondi nni leni ti faliti nni leni ti luakuondi nni.