Jeremi 4:11 - Gourmanchéma Bible

¹¹ Laa yogunu bi baa yedi laa niba leni Jelusalema dogu: «Mi fawatonma ñani hali mi fanpienma po Ki piebi Jelusalema dogu niba po. Laa piebi ki baa lendi mi bima ka.

U TIENU MAAMA TILI 2013

¹¹ Lanyogunu bi baa yedi Laa niba leni Jerusalemi dogu: «Mi fawaatonma ñani hali mi fanpienma po, Ki piebi Jerusalemi dogu niba po. Maa piebi ki baa lendi mi bima ka.

Jeremi 4:11 ပူးပေါင်းရင်းမြစ်များ

Pisomi 11:6

O teni ke a mukuana, mi fantama Leni li cidibili baa bi nibiadiba po nani ki taaga yeni. Yaa faalu n tuoni n baa tua ban baa taani Ki boagidi yaa bonñokaala.

Esayi 22:4

Lani n teni ke n yedi: «Cedi mani suo. Cedi mani min mua boncianla. Yin da moa ke yi baa baagi nni leni yaa yebiadima, N ŋma n buolu yaaba.

Esayi 27:8

Yeni ka! Ama o jia ba ti buudi ki deli Ki piebi ki yadi ba leni o ñoabu fawaama, Puoli faagu n cua yaa daali.

Esayi 41:16

Yi baa lendi ba, U faalu baa taa ba, O pinpinja mo n yadi ba. Ama yinba, yi baa mangi yi pala Li Miali Diedo po. Yi baa yaa kpiagidi yi yula Isalele Tienu Yua n Gagidi ki ŋani nni.

Esayi 64:6

Baa niyendo ki go ye, yua n taagi a yeli ki jaandi ki miadi a, Yua jidi o guama ki baa tieni a o jigi. Lani yaa po a buli ti a nunga, Ki ŋa ti ke ti ŋmadi ki baali Kelima ti tagili po.

Jeremi 13:24

N baa yayadi ba Nani mi fanpienma faalu n yen yadi ti muadi maama yene.

Jeremi 14:17

Yedi ba yaa maama n tie na: «N mua ku ñiagu leni u yensiinu ki naa cedi, Kelima u nafanu pua n niba. Laa yebiadima pa hali boncianla.

Jeremi 23:19

Diidi Li Miali Diedo faagu fii Nani u tafaaciangu yeni. O pabiencianli fii Ki jiidi bi nibiadiba po.

Jeremi 4:12

Laa faagu pia mi jama. Mini n yedi ke kun ña lipo ki cua Moala n baa jia leni ba ti buudi.»

Jeremi 8:19

Cengi mani n niba ñiindi Yi n ña hali foagima: «Naani Li Miali Diedo ki go ye Siyono yo? Naani u dogu ki go pia bado yo? Be yaa po yo ke bi biidi n pali leni bi buli? Yaa bonyuodi n tie nibuotoe yaa bonla?»

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋa n diema niba ki foagidi leni ba, Kelima bikuli tie *conconma danba. Bikuli tie janbi danba bebe.

Jeremi 9:7

Bi landi tie nani yaa piemi n sondi bonŋanla yene. Bi li pia i boandi bebe. Bi baa maadi leni bi yieninlielo mi yanduanma maama, Ki nan bani bi pala nni ke bi dia o ku diagu.

Jeremi Bubula 2:11

N nuni mua ki coagi. N yama kuli paagi. Mii bani kuli min baa kua naani, Kelima n niba n ye yaa yebiadima nni po. Kelima a bila leni a biŋaanda Ŋmadi ki baali u dogu siiga.

Jeremi Bubula 3:48

N nuni ninsiidi wuliti Ki puubi nani i kpeni ñima yeni, Kelima n niba bodima po.

Jeremi Bubula 4:10

Diidi yaa puoba n tie ne, Baa ke bi gba mi niñima, Bi taa bi bila ki ŋaani ba ki baa ŋmani, Kelima yaa yebiadima n ŋma mi diema yeni po.

Jeremi Bubula 4:3

Baa i tanboe tendi bi bila li biili. Ama n niba goa ki tua tugumoandanba Nani mi fanpienma nni tataagu yeni.

Jeremi Bubula 4:6

N niba diema badisalo tagili cie Sodoma dogu yaaba *tuonbiadi, Yaaba n den ŋmadi ki baa yenma Ke niloba ki pieni ki luni ba.

Esekieli 17:10

Bun ŋu yeni, naani bu baa kpedi? Yaa faalu n ña puoli yaa figi bupo, Bu baa kuodi cain. Bun pani naankani yeni, bu baa kuodi lankane.»

Esekieli 19:12

Ama bi den ŋabi bu leni li pabienli Ki luni bu tiipo. Yaa faalu n ña puoli den teni ke bu bonluonkaala kuodi. Bu beni yi n den pia u fidu yeni den padi ki baa ki kuodi. Mi fantama mo den buoni i.

Ose Tili 13:15

Efilayima buolu yaaba n loni ki pugini Bi piama bi kpiiba siiga maama kuli, Bi yibalinba baa cua nani puoli faalu yeni, Li Miali Diedo n fiini yaa faalu ke u ñani mi fanpienma po. U baa teni bi ñinsani n tabi, Bi ñinbuna mo n kuodi. Bi baa fie yaala n tie bonmoanla kuli bi ŋalimano nni.

Ose Tili 13:3

Lani n teni ke laa niba baa bodi, Nani ku tiŋaagu yaa gbangbadigu yeni, Nani yaa manma n yoagi tonma, Nani u faalu n tugi yaa fenma ki foagidi leni u jalu, Nani yaa muñii n ña li diebonli kani yeni.

Ose Tili 4:19

Ku faciangu baa fii ki pini ba, Ki tugi ba ki yaa ban caa. I fe baa cuo ba ban padi yaa pada po.

Habakuki 1:11

Bi pendi tontoni nani ku tafaaciangu N yen figi ki pendi maama yeni. Bi tie *tuonbiadi danba, Ki dugi bi paalu po, Ki nua ke bi fidu n tie bi tienu.»

Habakuki 1:6

N baa teni Kalide yaaba n baa u paalu, Bani yaa nibuolu n bia kaa gba niñima. Bi baa goadi mi tinfanma nni Ki fie ban kaa die yaa tinmu.

Matie 3:12

O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa fantama n kaa pia gbindima.»

Luki 3:17

O kubi o kaaligu o nuu nni, o baa ŋanbi o jalu cain, ki lendi ki tigi ki wodi ki kuodi o buali nni, ki nan sia mi fenma yaa fantama n kaa pia gbindima.»