Jeremi 39:8 - Gourmanchéma Bible

⁸ Babilona yaaba den juu o bado diegu leni bi niba diedi leni mi fantama. Bi den pua ki guli Jelusalema bilini kuli.

U TIENU MAAMA TILI 2013

⁸ Babilonni yaaba den juu o bado diegu leni bi niba diedi. Bi den pua ki mudi Jerusalemi bilini kuli.

Jeremi 39:8 ပူးပေါင်းရင်းမြစ်များ

2 Bi Badiba 25:8

Laa binli cimuulo yaa daleleeli daali, Babilona bado naacemo Nebusaladani, yua den tie bi guudikaaba yudaano, den kua Jelusalema nni. Li den tie Babilona bado Nebukanesa bali piiga n binyiali binli.

2 Bi Badiba Jama 36:19

Babilona yaaba den juu U Tienu diegu, ki tudi ki luni Jelusalema bilinu, ki juu o bado diegu, ki mudi yaa tiadi n den pia mayuli kuli.

Nehemi 1:3

Bi den goa ki yedi nni ke yaa niba n sieni leni yaaba n ñani ti yonbidi ki goa ki kpeni Juda diema nni ye likani leni o falaciamo leni yaa fe n kandi, ke Jelusalema bilinciami mumudi, ke mi fantama mo buoni u buliñoana.

Pisomi 79:7

Kelima bi ku a niba, Ki pua a diema nafanu.

Esayi 5:9

Li Miali Diedo U Paaciamu Kuli Daano N doagidi npo yaala nne: A naa dieciama ya n yaba ki go ŋani Baa tua diegbena, Oba kan yaa ye a niinni.

Jeremi 17:27

Ama yi yaa cengi nni, ki naa gagidi ki ŋanbi mi fuodima daali ki tugi a tugikpiaga ki nan tagini ki kua Jelusalema buliñoana kani mi fuodima daali, lanwani n baa juu u dogu buliñoana mi fantama. Mi baa buoni Jelusalema badidiedi, ki nan kan gbindi mo.»

Jeremi 21:10

Kelima n fii ki sedi u naa dogu po, ki baa tieni u yaala n bia, ki nan kan tieni u yaala n ŋani. Mini Li Miali Diedo n yedi yeni. N baa ŋa u Babilona bado nuu nni wan juu u leni mi fantama.»

Jeremi 32:29

Babilona yaaba, yaaba n baa u dogu nne baa kua u niinni. Bi baa juu u mi fantama ki taani leni ban juugi A *dugibila yaa diena po o bulo *Baali po, Ki go cabi butoe po ki baa biidi n pali.

Jeremi 34:2

Li Miali Diedo Isalele Tienu yedi mine: «Gedi ki ban maadi leni Sedesiasi Juda bado ki yedi o: ‹Li Miali Diedo yedi nanda: Diidi n taa u naa dogu ki ŋa u Babilona bado nuu nni. O baa juu u mi fantama.

Jeremi 34:22

Diidi n baa waani yi n ñoabonbilikaana. Mini Li Miali Diedo n yedi yeni. N baa teni ban cua ki baa u naa dogu. Bi baa koani leni u, ki paadi u, ki juu u mi fantama. N baa teni Juda dogi n kpandi diegbendi, niba n ki ye naani.»

Jeremi 37:10

Baa yi yaa koani ki paadi Babilona yaaba, yin koani leni bani yaaba yeni ki muumuu ba mu jugimu yeni, bikuli baa naabi ki fii bi gbandiena nni ki sia u naa dogu leni mi fantama.»

Jeremi 38:18

Ama a yaa ñani ki ban teni a yuli Babilona bado koanbala, n baa teni bani Babilona yaaba u naa dogu. Bi baa juu u mi fantama, a moko kan ŋmadi bi nuu nni.› »

Jeremi 5:10

Do mani u dogu bilini po, Ki pua ki mumudi i. Ama da bolini i mani cain. Ñani mani i beni kelima Li Miali Diedo ki die yi.

Jeremi 7:20

Lani n teni ke n Diedo, Li Miali Diedo yedi mine: «Diidi n pabiencianli baa nandi u naa kaanu koatiidi, Li niba, li yandi, leni li tinga bonluonkaala kuli. Mi fantama baa yaa siagi la ki kan gbindi.»

Jeremi Bubula 1:10

Yibali tandi o nuu Ki taa wan pia yaa bonmoanla kuli. O laa ke i nilanbuoli kua O *kaangagidiŋamu nni, Ŋan den kuani yaaba n da kua a nitaanli nni yeni.

Jeremi Bubula 2:2

O Diedo nali Jakobo buoli diedi kuli yenma, Ki naa gbadi bipo niñima. O pabienli nni o pua ki guli Juda dopaali kuli. O pua ki luni bikuli tiipo. O cagini mi diema leni mi badijaba.

Jeremi Bubula 2:7

Li Miali Diedo ñani o *padibinbinli maama nni Ki fali o *kaangagidiŋamu. O ŋa yibali nuu nni Jelusalema badidiegu bilini. Bi yibalinba laa ki yigini Li Miali Diedo diegu nni Nani u badu daale yeni.

Esekieli 16:41

Bi baa juu a diedi leni mi fantama ki kuani yaa buudi n den bili apo, puoba boncianla kuli nintuali. N baa teni a conconma n baa u bianu ke ŋan da fidi ki go pa panpaaniba.

Esekieli 23:47

Laa nitaanli baa lugidi ba a tana, Ki pedi ba leni mu jugisiemu ki kpa ba. Bi baa kpa bi bijaba leni bi bisiaba Ki juu bi diedi mo leni mi fantama.

Esekieli 33:21

Isalele yaaba yonbidi piiga n binlieli binli cipiiga damuuli daali yo, ke jayendo den ŋmadi Jelusalema dogu nni, ki cua n kani ki yedi: «U dogu baa.»

Amosi 2:5

N baa soani mi fantama Juda diema nni, Mi baa je yaa dieŋama n ye Jelusalema.»

Mise 3:12

Lanwani kelima yinba yaa po, Bi baa ko Siyono nani u kuanu yeni. Jelusalema baa tua kulinjagbejuali. Ku tiigu mo baa pini U Tienu diegu n ye yaa juali yuli po.