Jeremi 39:4 - Gourmanchéma Bible

⁴ Juda bado Sedesiasi leni bi toatieba kuli n den laa ba, bi den sani ki ñani u dogu nni ku ñiagu ki tagini o bado tikuanu sanu ki baa ña a goanlieda buliñoabu kani ki tagini Alaba sanu.

U TIENU MAAMA TILI 2013

⁴ Juda bado Sedesiasi leni bi toatieba kuli n den laa ba, bi den sani ki ñani u dogu nni ku ñiagu, ki tagini o bado salidingo sanu, ki baa ña a goanlieda buliñoabu kani, ki tagini Araba sanu.

Jeremi 39:4 ပူးပေါင်းရင်းမြစ်များ

2 Bi Badiba Jama 32:5

Esekiasi den paagi o pali ki den goa ki maa u dogu bilinu, naankani n den padi ki baa. O den maa ki kpedi a diefoaga ki pugini. O go den tieni bilinto niinpo. O den maa ki ŋanbi Dafidi dogu nni yaa kaanu n yi Milo ki den baa ti toatiadi leni ti gbankoanditi boncianla.

Esayi 22:11

Yi gbi ku buogu i bilini siiga, Ki baa yaa gaani ku ñinbuokpeligu ñima. Ama yi naa pegidi ki baa diidi yua tiendi laa bonla. Yii nua yua n bogini la hali yogu.

Esayi 22:3

Bi toatieba yudanba kuli sani. A dabantuada cuo ba ti kpaadi. Bi cuo mi diema yaaba kuli ti yonbidi, Baa leni yaaba n den tuodi ki sani ki foagidi kuli.

Esayi 29:2

N baa nugi fini Alieli, Ki teni kaliti leni dunli bebe n sieni, U dogu baa yaa tie npo nani Alieli yeni.

Jeremi 32:4

Juda bado Sedesiasi kan cia Babilona yaaba nuu nni. Ama Babilona bado li baa muubi o bonŋanla. O baa maadi leni o ban kadi leni biyaba nungbaana naa.

Jeremi 32:5

Babilona bado baa gedini Sedesiasi Babilona po. O baa yaa ye lanpo hali min baa cua ki le o yaa yogunu. Li Miali Diedo n maadi yi. Yi yaa tieni bu toabu leni Babilona yaaba, yi kan paadi ba.› »

Esekieli 12:12

O badija yua n ye bi siiga Baa bugi o tiadi o boacabili po Ki ña u dogu nni li biigili nni. Bi baa cibi u bilinu li bonle ki nan ñani o likani. O baa pii o nunga Ke o nuni n da diidi mi diema.

Esekieli 12:4

Ŋan ñani a tiadi nani yua n caa ti yonbidi yaa sancentiadi yeni, u yensiinu ke bikuli nua ŋa. Lanwani fini, ŋan ña ku yenjuogu nani ban cuo ki caani yaaba ti yonbidi yeni ke bikuli nua.

Levi 26:17

N baa buli yi n nunga ki sedi yipo. Yi yibalinba baa deli ki paadi yi. Yaa niba n nani yi yeni baa die yi, yi baa sani, baa ke oba kuli naa deli yi.

Levi 26:36

N baa teni ti jawaanciandi n cuo yaa niba n sieni yi buolu nni yeni. Baa ku faaligu n figi ki tieni yaa fuugu baa deli ba. Bi baa sani nani bi deli ba leni mu jugisiemu, ki yaa baali ke oba kuli naa deli ba.

Amosi 2:14

Yua pa mi nuama kan fidi ki sani ki cia O gbanmandaano gbanmanu kan fuoni o, O jakoando kan fidi ki ga o miali.

Mi Tiadima 28:25

Li Miali Diedo baa teni yin sani yi yibalinba nintuali. Yi baa tagini sanyende ki ña ki tuogi ba, ama yi baa tagini sani lele yo ki sani bi nintuali. Yi baa yaa tie i jeje bonla ki tinga nibuoli kuli po.