Jeremi 37:13 - Gourmanchéma Bible

¹³ Wan den pundi Benjamina buliñoabu kani bi toatieba yudaano, ban yi yua Yiliya Selemia bijua, Anania yaabili den ye likani. O den cuo o sawalipualo Jelemi ki yedi: «Ŋaa caa ki baan teni a yuli Babilona yaaba ka te!»

U TIENU MAAMA TILI 2013

¹³ Wan den pundi Benjamen buliñoabu kani, o den tuogi leni bi toatieba yudaano Selemia bijua, ban yi yua Yiliya, Anania yaabili. Yiliya den cuo o ki yedi: «Ŋaa caa ki baa n teni a yuli Babilonni yaaba ka te!»

Jeremi 37:13 ပူးပေါင်းရင်းမြစ်များ

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Jeremi 20:10

N gba bi niba boncianla maadi npo ti mayuodi. Bi tua: «Jawaanciandi i kaani kuli.» Bi ne tua: «Tin daadi ki sieni o mani!» Bi tianba tua: «Yeni de, tin daadi ki sieni o mani!» Baa n danlibuadiba li lingi n ciinu yo, Ki sugini ki cuo o nni n tagili nni. Lanwani bi soabidi ki tua: «Ti baa cuo o Ki tu o ti panpaani!»

Jeremi 20:2

Lanwani Pasehuli den pua Jelemi ki kpaa o ti kpaadi Benjamina buliñoabu yaabu n yuugi ki cie Li Miali Diedo diegu nni.

Jeremi 21:9

Yua ye u naa dogu nni bu toabu, mi koma bi u yianbiadipuodiko n baa je o. Ama yua n baa ña ki gedi ki ban teni o yuli Kalide yaaba, yaaba n cua ki baa yi yeni, baa yaa ye leni li miali.

Jeremi 27:6

Moala po mini n puni laa diema buoli kuli n naacenba Babilona bado Nebukanesa ki go puni o ku muagu nni yandi tin yaa tuuni opo.

Jeremi 28:14

Kelima Isalele Tienu U Paaciamu Kuli Daano Li Miali Diedo yedi nanda: ‹N baa lani i nibuoli kuli yaa landili n tie ti kudi ki teni ban soani Nebukanesa Babilona bado po. Bi baa soani opo mo. N go puni wane baa ku muagu nni yandi moko.› »

Jeremi 36:12

O den fii ki gedi badidiegu o tidianlo dieli nni, a koanbala kuli n den ye naani, Elisama o tidianlo, Semaya bijua Delaya, Akiboli bijua Elinatani, Safani bijua Gemalia, Hanania bijua Sedesiasi leni yaa koanbala n sieni kuli.

Jeremi 38:1

Matana bijua Sefatia, Pasehuli bijua Gedalia, Selemia bijua Yukali, Malikia bijua Pasehuli, den gbadi Jelemi n den maadi leni bi niba yaa maama ki tua:

Jeremi 38:4

O bado koanbala den yedi o bado: «Teni ban kpa o naa ja kelima o teni ke yaa toatieba n sieni u dogu nni leni bi niba kuli gbani baa wudi kelima o maama po. O ja ne ki lingi bi niba ŋamu ka, o lingi bi yebiadima yo.»

Jeremi 38:7

Ebedi-Meleki, Etiopi diema yua n den tuuni badidiegu, den gbadi ke bi luni Jelemi li cakuonli nni. O bado den kaa Benjamina dogu buliñoabu kani.

Jeremi Bubula 4:18

Bi den ŋua ki kpaagi ti taayaagima kuli, Ki baa yie tipo tin da gedi tin die yaa kaani po. Ti miana juodima nagini, ti dana tuoni! Yeni de, ti kuuma nagini!

Amosi 7:10

Lanwani, Betela kopadiciamo Amatisia den soani ke bi waani Isalele diema bado Jeloboami yaa maama n tie na: «Amosi fiindi apo mi yiema Isalele yaaba siiga. Mi diema yaaba kan fidi ki juuni o maama yeni kuli po.

Sakari 14:10

Mi diema kuli baa tua nani Alaba tialu yeni. Ki cili nijienu po dogu Geba, Ki ban pundi hali ganu po dogu, Limoni. Jelusalema dogu baa yaa ye u kaanu, Ki ye naani n kpedi. U baa tandi, ki cili bani Benjamina buolu yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli doguuda dieli kani, Ki ban tuoni hali o bado duven bonluonkaala datuodikaanu kani.

Luki 23:2

Bi den cili ki kuli o ki yedi: «Ti den laa one ke o yaandi ti niba, ki tua ke ban da pa o badiciamo *Sesa li lubili, ki go tua ke wani oba n tie *U Tienu n Gandi Yua, o bado.»

Jesu Tondiba Tuona 24:13

Bi kan fidi ki baa yaa siedi n baa doagidi ke ban maadi npo yaa maama a kani moala tie moamoani.

Jesu Tondiba Tuona 6:11

Lane bi den suu bi jaba li suuli ke bi pua opo mi faama ki yedi: «Ti gbadi ke o maadi ti masugidi Musa po leni U Tienu po.»

2 Korenti 6:8

Ti go moandi ki pia laa siediŋamo ban kpiagidi ti leni ban fiagidi ti yaa yogunu kuli, ban pagi ti leni ban yuandi ti kuli. Bi nua ke ti tie boandi danba, baa ke ti tie moamoandanba.