Jeremi 36:7 - Gourmanchéma Bible

⁷ Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

U TIENU MAAMA TILI 2013

⁷ Daalinba, bi sugilimiabu baa pundi o Diedo nintuali. Bi siiga yuakuli n ŋaa o tuadibiada, kelima o Diedo pabienli n kandi maama po. O pali fii hali boncianla bi naa niba po.»

Jeremi 36:7 ပူးပေါင်းရင်းမြစ်များ

2 Bi Badiba 22:13

«Yin gedi mani ki buali Li Miali Diedo mini leni Juda yaaba kuli po, kelima ban laa yaa tili na maama po. Li Miali Diedo pali beni tipo boncianla, kelima ti yaajanba naa den tuo ki ŋua laa tili maama. Baa den tieni yaala n bili tipo lienni kuli.»

2 Bi Badiba 22:17

Nani ban ŋa nni maama ki ban juugi i buli po, tulale ki bua ki fiini n pali ki tiendi tuongunda buoli kuli yeni, n pali beni Jelusalema po ki kan jiidi.› »

2 Bi Badiba Jama 34:21

«Yin gedi mani ki ban bu Li Miali Diedo ki bandi lan tie maama yaaba n ye Isalele nni leni yaaba n ye Juda nni kuli po, kelima ban laa yaa tili ne, yaa maama po. Nani ti yaajanba n ki den ŋoadi yaa balimaama n diani li tili yeni niinni maama, Li Miali Diedo pali beni tipo hali boncianla.»

Jeremi 1:3

O go den maadi leni o Juda bado Josiasi bijua Yeojakimi n den kaa ti gbandi po yaa yogunu, ki taa Josiasi bijua Sedesiasi bali piiga n binyenli juodima, ki ban pundi hali ban gedini Jelusalema yaaba ti yonbidi o cimuulo nni.

Jeremi 16:10

A yaa ti waani mi naa maama kuli ke bi yedi a: ‹Be yaa po yo ke Li Miali Diedo maadi ti mi naa yebiadimoanma maama? Ti tagili n tie i le? Ti tieni Li Miali Diedo ti Tienu po be yaa tuonbiade?›

Jeremi 19:15

Li Miali Diedo U Paaciamu Kuli Daano, Isalele Tienu yedi mine: «N baa teni min den maadi yaa yebiadima maama yeni n ŋma u naa dogu leni wun die yaa dogi kuli.»

Jeremi 21:5

Mini nba n baa koani leni yi, ki doagidi n fidu leni n paaciamu, leni li pabiencianli leni mi jama.

Jeremi 25:5

Bi tua: ‹Yua kuli n ŋa o sangolimu ki cedi yi bontienkaala yaala n bia yeni. Lani n tie yin yaa ka yaa yogu n tu yaa yogu Li Miali Diedo n puni yinba leni yi yaajanba yaa diema nni.

Jeremi 26:3

Daalinba bi baa cengi, yua kuli n ŋa o sanjagindi. Yeni, n baa lebidi min jagi ke n baa tieni ba yaa bonbiadila kelima bi tuongunda po.

Jeremi 36:3

Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

Jeremi 37:20

Jelemi den yedi moala fini, o bado, cengi n miabu. U Tienu leni a, n daano, cengi npo n miabu! Da teni min guani o tidianlo Jonatan diegu nni, lani yaaka n baa kpe lienni.»

Jeremi 4:4

Kua mani ku koanciagu Li Miali Diedo po Lebidi mani yi pala Juda leni Jelusalema yaaba Lani n tie n pali n da be ki cuo nani mi fantama yeni, Ki cuo yaa cuoma ke bi kan fidi ki gbindi ma Kelima yi tuadibiada n gundi maama po.

Jeremi 42:2

o sawalipualo Jelemi kani ki yedi o: «Gbadi tipo ti miabu: Jaandi Li Miali Diedo a Tienu tinba yaaba n sieni nne kuli po! Ti den yaba boncianla, ama moala nani ŋan nua maama, tii go fuu.

Jeremi Bubula 4:11

Li Miali Diedo, O Diedo teni ke o pabienli tuoni li bianu, Ke o doagidi o pabiencianli. Siyono dogu tugu nni o cuoni mi fantama, Yaama n dini u tanpuuna.

Esekieli 12:3

Lani yaa po, bogini a tiadi nani ban cuo ki caani yua ti yonbidi u yensiinu yeni. Ŋan gedi nani ban cuo yua ti yonbidi ki caani o kaanto ke bikuli nua. Daalinba li baa todi ba ban bandi ke bi tie niyiekaaba buolu yo.

Esekieli 13:13

Mini o Diedo, Li Miali Diedo n yedi yaa maama n tie ne: N pabienli baa teni ku tafaaciangu Leni ki tacianga n cua. N pali yaa fii yaa yogunu mo n baa teni A tana leni a tatana n cua ki bolini likuli.

Esekieli 20:33

Mini o Diedo, Li Miali Diedo yua n fo, n baa doagidi n paaciamu yipo ki diedi yi, ki wuli yipo n pabienli.

Esekieli 22:20

Nani ban tigi mi fantama ke yaa ŋanjilifa leni yaa kumoandi leni yaa noabindi buoli kuli n ye ki buaga nni n nandi ki taani maama, yeni, n baa taani yi n pabienli nni. N pabiencianli nni mo, n baa kpieni yi, yin nandi.

Esekieli 5:13

N baa teni n pabienli n tuoni li bianu, ke min tu n panli. Lanwani bi baa bandi ke mini Li Miali Diedo n maadi, ke n kan tuo ki ga bi tagili.

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Danieli 9:13

Laa yebiadima ŋma ti nani lan diani Musa balimaama tili nni maama. Ama baa lankuli, tii mia ke fini Li Miali Diedo n je sugili, tii kuani ti yama ki faami a moamoani po.

Danieli 9:18

N Tienu, cengi, diidi ki le ti diegbena, diidi a dogagidiko. Tii cua a kani ki mia ŋa kelima ti *teginma po ka, ama kelima a niñingbadicianma po.

Ose Tili 5:15

N baa lebidi ki kuni ki ŋa ba, Hali ban baa tuo bi tagili, Ki goa ki lingi nni. Bi yaa ye fala nni, bi baa lingi n todima.»

Joeli 2:12

Moala Li Miali Diedo go yedi: ‹Lebidi mani ki cua n kani leni yi pala kuli. Loli mani bu ñoabu, buudi mani ki mia nni sugili.

Joeli 2:13

Da padi mani yi tiayiekaadi bebe ka, Se yin lebidi yi yama.› Lebidi mani ki cua Li Miali Diedo yi Tienu kani, Kelima o juogidi yi ki gba yipo mi niñima, Ki pia li juunli leni li *ŋanbili. O yen lebidi o yama ki cedi ki kan tieni Wan den jagi ke o baa tieni o nilo yaala.

Jonasi 3:8

Bi niba leni ti yandi kuli n laa li paboanli tiadi, bi niba kuli n mia U Tienu leni bi fidu kukuli ki lebidi ki ŋa bi sanbiadi kuli leni bi nii n tiendi yaa biadima.

Sakari 1:4

Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

Mi Tiadima 31:16

Li Miali Diedo den yedi Musa: «Diidi a baa kpe. Bi naa niba baa ti faa ki ban cagini bi yula leni bi nilanba*buli, ban baa kua yaa nibuoli yaa siiga yeni. Bi baa ŋa nni ki go fidi min den kuani yaa *ŋantaado leni ba.

Mi Tiadima 31:17

Lan daale ke n pali baa fii ki be bipo. N baa ŋa ba, ki buli ba n nunga. Bi baa je ba, falaciamo leni paboancianli baa baa ba, ke bi baa yedi: ‹Naani laa tie kelima ti Tienu naa go ye ti siiga kaa ke yaa fala buoli n tie ne kuli nandi ti?›