Jeremi 36:30 - Gourmanchéma Bible

³⁰ Li tie lani yaa po yo ke Li Miali Diedo maadi Juda bado Yeojakimi po yaa maama n tie na: Oba kuli o buolu nni kan kali Dafidi bali gbandi po. Bi baa ña ki bili o tinkpilo niini u yienu n puli o u yensiinu, ti wadi mo n gbadi o ku ñiagu.

U TIENU MAAMA TILI 2013

³⁰ Li tie lani yaa po yo ke o Diedo maadi Juda bado Joakimi po yaa maama n tie ne: ‹O buolu nni, oba kuli kan kali Davidi bali gbandi po. O yaa kpe, bi baa ñani o ki bili niini u yienu n puli o u yensiinu, ti wadi mo n gbadi o ku ñiagu.›

Jeremi 36:30 ပူးပေါင်းရင်းမြစ်များ

Mi cilima 31:40

Ku tontongu den gbadi nni u yensiinu ti wadi mo den gbadi nni ku ñiagu n nuni naa den bani mi guama mo.

O Yanfuodaano 6:3

Nilo yaa mali baa bila kobiga, ki tieni binabina, o yaa gbadi o miali manu, kaa baa baa kuli, n sua ke ban mali yaa biga kaa taa cie o.

Jeremi 22:30

Li Miali Diedo yedi nanda: «Baani mani o ja ne nani yua n ki pia bila yeni, Nani yaa ja n kan fidi ki midi yanbu O yema nni yeni. Kelima o puoliŋuani siiga oba kan fidi Ki kali Dafidi bali gbandi po Ki diedi Juda diema.»

Jeremi 52:2

O den tieni yaala n bia Li Miali Diedo po nani Yeojakimi n den tieni maama yeni.

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.