Jeremi 36:3 - Gourmanchéma Bible

³ Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

U TIENU MAAMA TILI 2013

³ Yeni, li fidi ke Juda yaaba n fangi min jagi ki baa tieni ba yaa bonbiadila kuli, ki ŋaa bi tuadibiada. Bi yaa tieni yeni, n baa pa ba sugili bi tagili leni bi tuonbiadi po.»

Jeremi 36:3 ပူးပေါင်းရင်းမြစ်များ

Nehemi 1:9

Ama yi yaa lebidi ki guani n kani ki go kubi n balimaama ki tiendi man yedi yaala mo, lanwani baa bi yaa gedini yi ti yonbidi hali ŋanduna bianu, n baa ñani yi lipo ki taani yi ki guani yi min den gandi yaa kaanu nni, ki bili ke bi baa yaa kpiagidi nni likani.›

Pisomi 139:24

Diidi ki le n yaa ŋua sangolimu Ŋan pegidi nni min ŋoadi yaa sanu n tiegi ki ye hali yaa yogunu kuli.

Esayi 6:10

Teni bi naa niba pala n juagi Biini bi tuba Ki pigini bi nuni. Lani n tie ban da le leni bi nuni, Ki da gbadi leni bi tuba, Bi pala n da ga liba. Lani n tie ban da lebidi bi yama, min paagi ba.

Jeremi 18:11

Maadi moala leni Juda yaaba leni Jelusalema yaaba ki yedi ba: Li Miali Diedo yedi: ‹Diidi n bogidi yipo mi yebiadima. N pia min jagi yipo yaala. Goa ki lebidi mani yi sanyuodi. Lebidi mani yi bontienkaala nni.›

Jeremi 18:8

Li yaa tie ke min maadi yaa nibuolu yaa maama yeni cedi yaa biadima n den fiini n pali yeni, n yen lebidi n yama leni min bi jagi ke n baa waani ba yaa fala.

Jeremi 23:14

Ama Jelusalema sawalipuaba kani, N laa yaa bonla n gundi hali boncianla. Bi pia mi conconma Ki cuoni i boandi nni. Bi paagidi yaaba n tiendi mi biadima pala, Ki baa teni ke oba kan pegidi ki ŋa o biadima. N nuni po bikuli tie nani Sodoma yeni. Jelusalema niba mo nani *Gomola yene.»

Jeremi 24:7

N baa pa ba mi yanfuoma ki teni ban bandi ke n tie Li Miali Diedo. Bi baa yaa tie n niba, n mo baa yaa tie bi Tienu bi yaa guani n kani leni bi pala kuli.»

Jeremi 26:3

Daalinba bi baa cengi, yua kuli n ŋa o sanjagindi. Yeni, n baa lebidi min jagi ke n baa tieni ba yaa bonbiadila kelima bi tuongunda po.

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 36:7

Daalinba bi sugili miama baa pundi Li Miali Diedo nintuali. Bi siiga yua kuli n ŋa o tuadibiada kelima Li Miali Diedo pabienli n kandi maama po. O pali fii hali boncianla bi naa niba po.»

Esekieli 12:3

Lani yaa po, bogini a tiadi nani ban cuo ki caani yua ti yonbidi u yensiinu yeni. Ŋan gedi nani ban cuo yua ti yonbidi ki caani o kaanto ke bikuli nua. Daalinba li baa todi ba ban bandi ke bi tie niyiekaaba buolu yo.

Esekieli 18:23

Mini o Diedo, Li Miali Diedo yedi: ‹Naani n bua o nibiado kuuma bi? Min sugini yaala ki tie wan lebidi o tagu ki yaa ye kaa?›

Sofoni 2:3

Yinba, ki tinga yumiindanba kuli, Lingi mani Li Miali Diedo, Yinba yaaba n tuo ki baa ŋua o ñoabonbilikaana! Yaa cuoni mani leni mi *teginma, Yaa cuoni mani leni li yumiinli, wani U Tienu nintuali. Li fidi ke yi baa ciadi, Li Miali Diedo pabienli daali.

Matie 13:15

Kelima bi naa niba pala tua pajuaga. Bi biini bi tuba ki ŋubini bi nuni Ke ban da le leni bi nuni, Ki da gbadi leni bi tuba, Ki da ga leni bi pala, Ke ban da ti lebidi bi yama ke min paagi ba.›

Marki 4:12

ke ban yaa nua leni bi nuni ki nan da le bi yama nni, ki go yaa cengi leni bi tuba ki nan da bandi liba, ke ban da lebidi bi yama ki goa U Tienu kani, ki baa bi *tuonbiadi sugili.»

Luki 20:13

O koadaano den yedi o yuli: ‹N baa tieni lede? To, n baa soani n bijabuadiga, daalinba bi baa fangi wani wani.›

Jesu Tondiba Tuona 26:18

N soani a bikani ke ŋan ŋubidi bi nuni, ki ñani ba li *biigili nni ban kua mi yenma nni, ki ñani ba Sutaani paalu nni, ban cua U Tienu kani. Lani ban baa bi *tuonbiadi sugili, ki baa bi u kaanu U Tienu gagidi ki ŋanbi yaaba kelima li *dandanli po yaa siiga.›

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 28:27

Kelima u nibuolu na pala juagi, Bi biini bi tuba ki go ŋubini bi nuni. Ke ban da ti le leni bi nuni, Ki da gbadi leni bi tuba, Ki da ga bi pala nni, Ke ban da lebidi bi yama min paagi ba.»

Jesu Tondiba Tuona 3:19

Lani yaa po yin lebidi yi yama ki daani U Tienu ke wan n ŋuudi ki ñani yi *tuonbiadi,

Mi Tiadima 30:2

Yi yaa lebidi ki guani Li Miali Diedo yi Tienu kani, ki tuo o yedima leni yi pala kuli leni yi yama kuli, yinba leni yi bijaba kuli nani min bili yipo maama dinla.

Mi Tiadima 30:8

Lanwani yinba, yi baa guani ki tuo Li Miali Diedo yi Tienu yedima, ki yaa tiendi min teni yi yaa *bali maama dinla na kuli n yedi yaala.

Mi Tiadima 5:29

Diidi, bi yaa den pia yogunu kuli laa pali buolu ki baa fangi nni, ki baa yaa kubi n bali maama kuli, bi bi baa yaa ye leni li pamanli yaa yogunu kuli, bani leni bi bila kuli!

2 Pieri 3:9

O Diedo baa kuani o ñoanianu li kan waagi, baa ke bi nitianba nua ke o waagidi. Li tie ke o pia yipo li juunle, kelima waa bua baa niyendo n bodi, ama ke bi niba kuli n lebidi bi yama.

1 Samueli 7:3

Samueli den yedi Isalele yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo *Asitate leni bi nilanba n ŋua yaa *buli kuli. Yin ŋoadi mani U Tienu leni yi pala kuli ki yaa tuuni wani bebe yaa po, lani o baa faabi yi Filisiti yaaba nuu nni.»