Jeremi 34:13 - Gourmanchéma Bible

¹³ «Li Miali Diedo Isalele Tienu yedi nanda: ‹N kuani o ŋantaado leni yi baanba yaa daali ke n ñani ba Ejipiti diema nni ban den ye yaa diegu nni ti yonbidi ki yedi ba:

U TIENU MAAMA TILI 2013

¹³ «O Diedo Isidayeli Tienu yedi daa: ‹Min den ñani yi baanba yaa daali Ejipiti diema nni, ban den ye naankani ti yonbidi, n den niani ba, ki yedi:

Jeremi 34:13 ပူးပေါင်းရင်းမြစ်များ

Mi Ñama 13:14

A bijua yaa buali a yaa daali: ‹Line bundi be?› A baa goa ki yedi o: ‹Li Miali Diedo den teni ke ti ñani Ejipiti diema nni ti yonbidi nni leni o nuu yaa paaciamu.

Mi Ñama 13:3

Musa den yedi bi niba: «Yaa tiadi mani li naa daali, yaa daali ke yi ñani Ejipiti diema nni ti yonbidi nni. Li tie leni o nuu yaa paaciamu yo ke Li Miali Diedo ñani yi mi diema nni. Oba kuli n da ŋmani yaa dupen n pia li *dabinli laa daali.

Mi Ñama 20:2

«N tie Li Miali Diedo yi Tienu yua n den ñani yi Ejipiti diema nni, yin den ye ti yonbidi yaa diema nni.

Mi Ñama 24:3

Musa den cua ku niligu kani ki waani ba Li Miali Diedo ñoabona kuli leni o *bali maama kuli. Ku niligu kuli den taani ki maadi mayenma ki yedi: «Ti baa tieni Li Miali Diedo n yedi yaala kuli.»

Jeremi 11:4

Min den kuani yaa ŋantaado leni yi baanba, Min den ñani ba Ejipiti diema nni yaa daali, Ban den ye yaa buaga yaa niinni. N den yedi ban cengi n nialu ki tieni min yedi yaala kuli. Yeni yi baa tua n niba N mo baa tua yi Tienu.

Jeremi 11:7

Hali min ñani yi baanba Ejipiti diema nni yaa daali Ki ban taa ki pundi dinla, Yaa yogunu kuli n li baa maadi leni ba ki tua: ‹Cengi mani n nialu.›

Jeremi 31:32

Li kan yaa tie nani min kuani yaa *ŋantaado leni bi yaajanba min den mubini bi nii ki dadi ki baa ñani ba Ejipiti diema nni yaa daali ka. Baa ke n tie bi canbaa, bi den fidi laa ŋantaado. Li Miali Diedo n yedi yeni.»

Jeremi 34:12

Lanwani Li Miali Diedo den maadi leni Jelemi ki yedi:

Jeremi 7:22

Kelima mii maadi leni yi baanba Mii den puogi ba liba kuli Min den ñani ba yaa daali Ejipiti diema nni, A padijuukaana leni a padifana po.

Mi Tiadima 13:10

Ama a baa kpa o. A yaa nuu n baa kpa maani opo ki kpa o, yaa niba n sieni mo n ŋoadi.

Mi Tiadima 15:15

A baa tiadi ke fini moko den tie yonbo Ejipiti diema nni ke Li Miali Diedo a Tienu den faabi a. Li tie lani yaa po yo ke n teni a mi naa bali maama.

Mi Tiadima 16:12

Yi baa tiadi ke yi moko den tie canbe Ejipiti nni, ki nan kubi ki go tieni mi naa mabilikaama n yedi yaala kuli.

Mi Tiadima 24:18

Yi baa yaa tiadi ke yi den tie yonbe Ejipiti diema nni ke Li Miali Diedo yi Tienu den faabi yi. Li tie lani yaa po ke n teni yi li naa ñoabonli, yin tieni lin yedi yaala.

Mi Tiadima 29:1

Musa den yini Isalele yaaba kuli ki yedi ba: «Yi den laa leni yi nuni Li Miali Diedo n den tieni yaala Ejipiti diema nni, leni wan den tieni *Falono leni o naacenba kuli yaala.

Mi Tiadima 5:27

Nagini ki cengi Li Miali Diedo ti Tienu n baa yedi yaala kuli, lani, a mo baa goa waani ti Li Miali Diedo ti Tienu n yedi ti yaama. Ti baa cengi ki go tieni la mo.›

Mi Tiadima 5:6

‹Mini n tie Li Miali Diedo yi Tienu, yua n den ñani yi Ejipiti diema nni, yin den ye ti yonbidi yaa diema nni.

Mi Tiadima 6:12

yi yaa dini ki guo yaa yogunu yin fangi yi yula ki da ti sundi Li Miali Diedo po, yua n den ñani yi Ejipiti diema nni, ti yonbidi diema nni.

Mi Tiadima 7:8

Ama nani Li Miali Diedo n bua yi maama po, kelima o bua ki kubi wan den poli yaa poli leni yi baanba. Li Miali Diedo den ñani yi leni yaa nuu n pa ki faabi yi ti yonbidi diema nni, Ejipiti bado Falono nuu nni.

Mi Tiadima 8:14

yin faami mani bonŋanla, ki da fiini yi yula ki sundi Li Miali Diedo yi Tienu yua n den ñani yi Ejipiti diema nni yin den tie yonbi naankani.

Josue 24:17

kelima Li Miali Diedo ti Tienu n den ñani ti ti yonbidi nni Ejipiti diema nni, tinba leni ti yaajanba. Wani n den kubi ti ti sancenli nni kuli leni tin den poandi yaa nibuoli kuli siiga.

Bi Bujiaba 6:8

o den soani bipo o sawalipualo ke o yedi ba: «N den ñani yi Ejipiti yin den tie yonbi naani, ki cuani yi ne.