Jeremi 33:9 - Gourmanchéma Bible

⁹ Diidi u naa dogu baa tua npo pamanli leni jigidi bonla, Ki tinga nibuoli kuli siiga. Laa nibuoli gbadi min tieni ba yaa ŋanma. Li baa paki ba bi gbani n jeli kelima mi yemanma Leni min baa pa ba yaa baali kuli yaa po.»

U TIENU MAAMA TILI 2013

⁹ U naa dogu baa tua n po pamanli leni jigidi bonla, ki tinga nibuoli kuli siiga. Laa nibuoli yaa gbadi min tieni bi po yaa ŋanma, li baa paki ba bi gbani n jeli, kelima mi yemanma leni min baa pa ba yaa baali kuli yaa po.»

Jeremi 33:9 ပူးပေါင်းရင်းမြစ်များ

2 Bi Badiba Jama 20:29

Yaa dielanma yaa niba n den gbadi ke Li Miali Diedo den pua Isalele yaaba yibalinba kuli, ti jawaanciandi den cuo ba Li Miali Diedo po.

Nehemi 6:16

Ti yibalinba n den gbadi, yaa diema n den lindi ti kuli den jie boncianla ki tuo ke li tuonli den soani kelima U Tienu yanbuama po.

Esiteri 8:17

O bado bali maama leni o ñoabonli yeni n den pundi yaa diebiga leni yaa dociamu kuli nni Jufinba den ye leni li pamancianli ki tieni mi jaanma leni mi jaanjiema. Yaa nibuoli n den ye mi diema nni kuli siiga, bi niba boncianla den lebidi ki tua Jufinba kelima bi den jie Jufinba boncianla.

Pisomi 130:4

Ama sugili ye fini yaa kani. Lani n teni ke li pundi ban fangi a.

Pisomi 40:3

O faabi nni leni mi kuuma buogu. O ñani nni ti moamoadi nni, ki sieni nni ku tangu po, Ki teni ke n ŋmaa ki bugini.

Esayi 43:21

Min tagi ki go tieni yaa niba n yuli po yeni, Bi baa yaa kpaani ki pagi nni.»

Esayi 55:13

Sipilesi tiidi n baa pudi ki ga i konkoni kaanu, Militi mo n baa pudi ki ga a kongoaba kaanu. Lankuli baa teni Li Miali Diedo yeli n ña. Li baa tie yaa bontiadikaala n kan bodi hali yaa yogunu kuli.

Esayi 60:5

Laa bonla lema baa mangi a pali hali boncianla A pali baa pua boncianla kelima li pamanli po. Mi ñincianma nni ŋalimani yaa lebidi ki cua a kani yaa yogunu Leni mi nilandiema piama kuli yaa cua a kani yaa yogunu.

Esayi 62:1

N kan yaa ŋmini kelima fini Siyono po. N kan yaa ka suo mo kelima fini Jelusalema po. Hali a *teginma n yendi nani mi yenma, A *faabima mo n yaa naani leni yaa mukaanu n co yeni.

Esayi 62:12

Bi baa yini ba: “Yaa niba n gagidi ki ŋani, Li Miali Diedo n da ki faabi yaaba.” Ki yini a mo: “Ban lingi yua, Ban ki ŋa yaa dogu.”

Esayi 62:4

Bi kan go yini a: “Ban luni yua.” Bi kan go yini a tinga mo: “Diegbenbuoli.” Ama bi baa yi ŋa: “O tie n pamanli.” Ki yini a tinga mo: “O pocaano.” Kelima Li Miali Diedo baa kuani o pamanli a niinni, A tinga mo n tua nani yua n kuni ti jadi yeni.

Esayi 62:7

Yimo n da pa o fuodima Hali wan goa ki fiini Jelusalema Ki teni wan tua ti pagidi bonla ki tinga nni.

Esayi 64:2

Ŋan den tieni tin kaa den maani yaa bancianma yaa yogunu, A den jiidi ke a joaciama den begibi a nintuali.

Jeremi 13:11

Li Miali Diedo yedi: ‹Moamoani nani ban yen loli ku gbanñagidigu Ki ciaga nni maama yeni, N moko den taa Isalele yaaba kuli leni Juda yaaba kuli Ke ban tua n niba, n yeli, n pagidi, leni n jilima, Ama bi naa cengi nni.› »

Jeremi 16:19

Li Miali Diedo n tie n gbanmanu, n wuonkaanu, Li pabiidili daali min baa sani ki deni yua. I nibuoli baa ña u tinbianu ki cua ki yedi: «Ti baanba den dini yaa faali n tie faama bebe. Yaa faama n ki pia mayuli

Jeremi 24:6

N baa diidi ba leni ki nunmanga ki go teni ban guani mi naa diema nni. N baa maa ba, n kan mudi ba. N baa ŋuu ba. N kan ŋabi ba hali abada.

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 29:1

Diidi mani o sawalipualo Jelemi n den ye Jelusalema ki diani yaa tili yaa nikpeliba n den gedi ti yonbidi, bani bi kopadicianba, bi sawalipuaba leni Nebukanesa n den ñani yaa niba Jelusalema kuli ki gedini ba Babilona diema nni.

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 3:19

N den buali n yuli: «N sugini hali bonŋanla fine n tua N bijaba siiga kuli liiga yua, Ki pa ŋa yaa diema n mani hali boncianla, Yaa tinga n ŋani ki cie mu tinmu kuli li ŋandunli nni.» N den tama ke a baa yini: «N baa!» Ki kan go buli nni a nunga mo.

Jeremi 31:14

N baa guoni bi kopadicianba leni mi yankpama. N niba baa baa n piama lan dagidi ba. Li Miali Diedo n yedi yeni.»

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 32:42

Kelima Li Miali Diedo yedi nanda: ‹Nani min teni ke mi yebiadima ŋma bi niba nne maama yeni, Moko, n baa tieni bipo min maadi yaa ŋanma yeni kuli.›

Jeremi 33:14

Li Miali Diedo yedi: «Diidi a dana kpendi ke n baa tieni Juda leni Isalele yaaba po Min den niani ba yaa ñoanianu yeni.

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Jeremi 44:8

Yi biidi n pali leni yi bontienkaala kelima yi juugi a dugibila Ejipiti diema buli po, yin cua ki wuoni naankani. Naani yi bua ban bolini yi, yin tua ti solindi leni fe bonla ki tinga nibuoli kuli siiga yo?

Jeremi 49:25

Li tieni lede ke bi ŋa Damasa dogu Yu yaa yeli n den ñani Ki tie n pamanli yeni?

Esekieli 26:20

N baa jiini a leni yaaba n jii ku buoñuangu nni, Bani yaaba n den kpa ye hali yogu yeni po. N baa teni ŋan yaa ye ki tinga tiipo nni, Nani yaa bolinma n kan gbeni yeni, Leni yaaba n jii ku buoñuangu nni Ke niloba n go da faa ki yaa ye a tinfanma po. A kan go fidi ki do ki yaa ye Yaaba n fo n ye yaa tinfanma nni.

Esekieli 36:35

Bi baa yedi: ‹Ban den ŋa yaa diema li paboanli nni yeni, goa ki tua nani Edena kuanu yeni. Laa dogi yi n den wudi ki ye li paboanli nni yeni, go baa u fidu ki go gbie leni bi niba.›

Esekieli 39:13

Mi diema niba kuli baa piini ba. Bi yeli mo baa ña, Min baa doagidi n kpiagidi yaa daali. Mini o Diedo, Li Miali Diedo n yedi yeni.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Sakari 1:17

Maleki go den yedi nni ke min waani yaa maama n tie na: «Li Miali Diedo, U Paaciamu Kuli Daano yedi ke o dogi go baa gbie leni mi piama. O go baa baagi Siyono yaaba. O go baa guani ki gandi Jelusalema.»

Sakari 12:2

«N baa teni Jelusalema yaaba n tua Nani yaa tadiñoakaaga n gbie leni yaa duven n tie n pabienli. Yaa nilanbuoli n lindi ba baa ño laa duven Bi nunmu n fuuni. Li baa tua yene Juda yaaba moko yaa po, Yaa yogunu ke yibalinba lindi ki cebini ki baa Jelusalema.

Mi Tiadima 30:5

Li Miali Diedo yi Tienu baa teni yin guani yi baanba n den die yaa diema nni, ke yi mo n go diedi ma. O baa tieni yi mi ŋanma ki teni yin yabidi ki cie yi baanba.